黃智雯

黃智雯中門大開 引龍友高炒狂影

最新娛聞

廣告

黃智雯以中門大開嘅Deep V紅裙與姚子羚、「豹嫂」胡蓓蔚一同出席活動,喺寒風中展露三吋事業線,搶盡鏡頭,仲惹來大批龍友登上商場二樓,以「高炒」角度狂影!

 

撰文:東方新地
圖片:新傳媒圖片庫、黃智雯fb

黃智雯 獲讚有女人味

「胡說八道會」中三位好姊妹黃智雯(Mandy)、姚子羚及「豹嫂」胡蓓蔚日前現身商場新春活動,同粉絲大玩遊戲及唱歌。三人中以黃智雯一襲Deep V連身紅裙最為性感,搶盡全場鏡頭,對此黃智雯表示:「今日呢條裙係兩位好姊妹幫我揀嘅(指姚子羚及豹嫂),最後係由豹嫂做決定!」身邊嘅豹嫂就幫口補充:「依家Mandy已經大個女,愈來愈有女人味,可以嘗試一啲性感啲嘅style,係健康嘅性感!而且最近Mandy套新劇《三個女人一個「因」》出街,梗係要幫佢宣傳吓!」姚子羚更笑言佢哋係「三個女人一個露」,豹嫂就話:「係三個女人一個凸呀!」

被豹嫂催婚

黃智雯、姚子羚同豹嫂喺台上講到呢個新年期間做咗啲咩時,子羚就開心透露:「我去胡諾言屋企拜年時贏咗好多錢,尤其胡定欣好豪爽,令到我哋當日都好開心!」豹嫂就開到聲催促兩位好姊妹快啲結婚做人妻:「因為依家好多人都叫我做豹嫂,好似叫到我好老咁!」問到黃智雯同姚子羚畀豹嫂催婚會唔會覺得有壓力?佢哋就異口同聲話唔會有壓力,仲即場反擊話:「如果豹嫂咁希望我哋結婚,咁我哋都祝福佢早生貴子!」

讀者留言