黃曉明

黃曉明Angelababy合體現身被指貌合神離 網民:兩公婆居然各有各行?

現年41歲的大陸男星黃曉明與30歲的太太Angelababy(楊穎)婚前愛得高調,男方又送名貴跑車又時常公開晒恩愛,2015年拉埋天窗大搞世紀婚禮,轟動娛圈,2017年迎來囝囝「小海綿」,一家三口好幸福。但近年二人轉為低調,鮮有一齊出席公開場合,昔日愛放閃的二人如今連合照都欠奉,去年更多次傳出婚變消息。昨日兩人終於在活動上一同現身,本來可以打破婚變傳聞,但唔少網民睇到二人當晚的舉止,唔止未能釋除婚變傳聞,反而令傳聞愈傳愈烈,到底點解呢?一齊睇睇!

 

撰文:東方新地 |圖片:微博圖片

黃曉明Angelababy合體現身

昨日Baby同曉明合體現身上海出席郵輪活動,今次係佢哋相隔一年後再一齊出席公開場合,Baby以Deep V晚裝上陣,進場時曉明為太太提起裙襬,以防她被長裙絆倒。而二人上台致詞時,曉明亦再次為老婆提起裙子,連番體貼窩心舉動,力證恩愛如昔。

卻被指貌合神離?

不過活動片段曝光後,有網民就發現Angelababy卻表現得非常冷淡,自顧自走從未回頭望過老公一眼,猶如身後的是陌路人,而在台下二人都冇乜交流。

台上少交談台下零交流

有網友表示二人全晚表現貌合神離,台上都係曉明偶爾主動同Baby講幾句,網民指二人似要為婚變闢謠,在人前裝恩愛。但同時也有網民認為曉明是「好老公」,叫大家唔好太多疑!

當年常放閃

Baby在2010年認識比自己年長11年的黃曉明,之後一直低調處理戀情,直至2014年時,曉明親身來港送上林寶堅尼跑車給Baby作生日禮物,才正式承認戀情。兩人拍拖五年後,2015年10月8日在上海舉辦盛大的童話式婚禮,有2千人出席,當中藝人更多達上百人,創下明星婚禮紀錄。

婚後Baby和曉明努力造人,2017年誕下愛情結晶「小海綿」。

去年Angelababy、黃曉明驚傳已離婚

婚後二人把感情轉為低調,近年鮮有一齊出席公開活動放閃。而去年曉明外婆90歲大壽,Baby亦缺席全家福,即惹起婚變疑雲。之後范冰冰因為查稅及逃稅事件牽連不少藝人,當時網上傳出一份查稅名單,其中有楊冪、黃曉明、孫儷等等一線當紅明星。有傳黃曉明同埋Baby已被波及,同時Angelababy同老公黃曉明因為巨額稅款已低調簽紙離婚,二人亦都唔爭小朋友監護權。

Angelababy

Angelababy

不過跟據求證過Angelababy嘅身邊工作人員,就回應呢件事係假新聞,連黃曉明方面嘅工作人員都話係假消息,所以大家可以放心啦!