黃浩然

黃浩然 有個多功能老婆

呢頭主演的《果欄中的江湖大嫂》出街,嗰頭又宣布劍雄、方麗娟再合體拍《多功能老婆》,形象好正氣又係好男人嘅黃浩然有大把FANS,睇嚟佢哋一定要追埋呢套劇!講開又講,其實講到多功能老婆,黃浩然屋企都有一個…

撰文:東方新地|圖片:新傳媒圖片庫、黃浩然IG

黃浩然 同老婆話題多多

黃浩然老婆家嘉除咗持家有道、教得兩個仔精叻乖巧入埋名校、煮得一手好菜可以開live教人之外,仲係圈中知名Stylist,咁多年都keep住咁潮,仲一手包辦老公造型。

黃浩然
日前黃浩然陪老婆去銅鑼灣shopping,老婆家嘉行足咁耐就講足咁耐,好老公黃浩然全程專心聽書不斷附和。
黃浩然
拍劇搵錢之餘,黃浩然亦都好顧家,除咗成日擠時間同兩個仔親子樂,同老婆行街拍拖嘅時間都少不了。

老婆幫得手又潮得起,兩公婆自然結婚12年都仲係話題多多,早前黃浩然同老婆拍住拖行銅鑼灣,就見兩人雞啄唔斷由街頭傾到街尾,感情仲好過拍拖嗰陣!

家嘉除咗繼續做造型設計工作外,亦都持家有道,日前就陪埋兩個仔一齊去企街賣旗。
黃浩然
黃浩然下月就同楊千嬅、周柏豪開拍無綫新劇《多功能老婆》,現實中黃浩然都有個多功能老婆,教仔、持家樣樣掂嘅時代女性。
黃浩然
黃浩然主演嘅《果欄中的江湖大嫂》最近正在熱播,劇中佢就同岑麗香做一對。

延伸閱讀:

蘇韻姿做煙幕 揭阮政峰真女友

蘇韻姿