ma fi

黃長興做電燈膽 馬明同心穎BB食法國菜慶生

馬國明和黃心穎拍拖兩年多,早前突傳「掟煲」,有指心穎難抵男友太宅,加埋有富二代力追,而馬國明神回話「唔結就分」,搞到外界以為呢段黃馬戀凍過水,但查實佢哋打風都唔甩,佢哋早前拍拖歐遊8日,異口同聲話玩得好開心!早前又被影到馬明有份出席心穎嘅屋企飯局﹐而日前係心穎29歲生日,馬明仲同女友去咗黃長興同友人合資開嘅法國餐廳食生日飯,勁sweet!

撰文:東方新地

馬明同心穎BB食法國菜慶生

日前係心穎29歲正日生日,男友馬明當然陪佢慶生,心穎喺IG貼咗一張單人相,留言:「This expression summarized my birthday!簡單的、溫暖的、開心的。多謝你哋嘅祝福!」不過黃長興喺佢間餐廳嘅IG貼同心穎BB及馬明嘅合照,相中二人坐埋一齊,唔好以為黃長興做「電燈膽」,查實佢哋係去咗黃長興同友人合資開嘅法國餐廳食生日飯撐枱腳!

馬明
馬明同心穎BB食法國菜慶生

1月23日係心穎29歲生日,心穎前一晚同家人喺尖沙嘴1881慶生,其父母和三位家姐及二姐夫都在場。生日飯局結束後,心穎一家人由餐廳正門離開,至於曾說過會出席其生日飯局的馬國明當晚都有出席,不過當心穎與家人在正門離開時,馬明已趁機同時間由後門閃走。

同心穎握手

日前馬明憑《降魔的》贏「最受歡迎電視男角色」,雖然馬明冇當眾感謝心穎BB,不過行去領獎前,馬明都同心穎BB握咗手仔,馬國明得獎時話:「真係冇諗過今晚竟然會有兩個獎攞,我話一個演員一生未必會遇到自己好鍾意嘅劇本,我從影咁耐終於遇到叫做兩、三個鍾意嘅劇本。我已經唔知講咩喇,唔係……雖然今日公司話唔准多謝某啲人,不過我見咁多女artist都唔聽限奶令講,多謝Sandy、多謝杜生,我知道《降魔的》呢套劇,馬季呢個角色係畀我做。多謝樂小姐,我知道我唔係好聽話,多謝你咁多年都對我咁好,多謝珍姐,雖然我喺呢度17年就鬧足我17年,但我都多謝你。多謝公司梳頭、化妝、服裝,特別係女同事,係佢叫我講嘅頭先。其實今日係大日子,係我姪女嘅結婚。」呢個moment唔少同事大叫:「幾時到你?」馬明就話:「我唔知呀。多謝、多謝咁多位。」

馬明
唔少女藝人叫馬明快啲結婚,但係馬明就話冇咁快。

心穎BB貼出佢同男友馬明嘅合照,又話引以為傲,呢對圈中公認一對戀人,收到唔少fans祝福!

馬國明
半公開戀情後,去年除夕倒數二人孖住出席倒數活動,邊拍拖邊工作!

偶像變男友第一次獻馬明

不過超級筍盤又點會冇女埋身,仲要係索爆女神心穎BB!心穎12年選港姐奪亞軍,早早揚言馬明是其超級偶像,希望有朝一日可以跟男神合作。其後於劇集《on call 36小時II》和偶像合作,雖然只係客串,但令心穎開心到瞓唔着。而去年《為食神探》中心穎以小背心谷胸上陣,盡騷激凸身材之餘,又賣大包與馬明零距離身貼身,於是男神都被電到暈得一陣陣!

情人節拍拖豪歎日本菜

2月13日係馬明生日,又係兩人過的第一個情人節,當然要抽時間慶祝!當日馬明接心穎放工到銅鑼灣,雖然未有親密舉動,但熱戀中的情侶話題綿綿不絕,邊行邊傾,漫步到開平道的高級食肆立林的Cubus大廈,直上十一樓的壽司店。該店賣點是全日本師傅、日本運送貴價當造食材,人頭二千蚊起計算,平時知慳識儉的馬明慳自己、豪心穎!

平日打扮隨意甚至近乎求其的馬明,呢晚明顯悉心打扮過,頭戴cap帽、iron man卡通tee配老牛,刻意潮扮青春;反而戴上眼鏡、配上披肩的心穎比平時成熟,15年距離立即拉近!

歎足兩粒幾鐘,兩人遇見本刊記者時齊齊對住鏡頭傻笑,本刊記者問二人是否慶祝情人節?是否拍拖?一齊幾耐?見家長未?等問題,一臉老尷的馬明只一味無限loop「朋友食餐飯啫」,反而在旁的心穎表現淡定,笑住回應:「係呀﹗朋友約食飯﹗」之後兩人去停車場取車,心穎熟悉地逕自走去開車門上車,等馬明送回香閨。
對於和馬明撐枱腳,心穎回應本刊時表示當晚大家有傾有講,成餐飯食得好開心!而兩人就正在互相了解當中。另外心穎又話自己一向鍾情成熟型男仔,而且大讚馬明孝順。似乎仲係好回味喎!

同馬明歐遊8日

黃心穎被問到早前歐遊係咪同馬明同行?黃心穎即冧笑話:「同好朋友囉,歐洲好好玩。」咁感情有冇增進先?佢話:「一定有,一定會了解咗對方,不過我都驚自己嚇怕佢。」

入行後兩段情

馬明入行多年,兩段情都是與圈中人發展。06年馬明被爆與曾華倩發展姊弟戀,兩人被影到拍拖勝地鯉景灣撐枱腳,更被發現曾華倩開車載馬明返香閨過夜,但兩人都死口不認戀情;後來馬明與合作《舞動奇跡2》的胡定欣撻着,但有指女方嫌棄馬明為人老土、悶餅,馬明亦透露曾因冇梳頭、唔打扮、不修篇幅而激嬲定欣,拍拖三年後分手。