黎姿

47歲生日半島慶生 黎姿 激罕公開同老公合照

10月1日係Gigi黎姿( 現名馬黎珈而)嘅47歲生日,同往年一樣,Gigi生日都喺尖沙嘴半島酒店慶祝,向來低調嘅Gigi除咗當年結婚,平日都甚少公開同老公馬廷強嘅合照,昨日佢喺社交平台上載3張慶生照,其中一張仲係同老公嘅甜蜜合照㖭!

撰文:東方新地 圖片:黎姿IG黎姿微博、新傳媒圖片

47歲生日半島慶生 黎姿 激罕公開同老公合照

昨日10月1日係黎姿嘅47歲生日,她在社交平台上載3張慶生照片,其中一張罕有公開與老公馬廷強合照,Gigi留言話:「多謝老公和好友們和我一同渡過一個開心的晚上」

相中黎姿捧住一束花,老公喺身後搭住佢膊頭,Gigi輕輕挨住老公胸懷,流露幸福甜蜜笑容,一眾網民都留言祝賀女神生日快樂!

 

之後,Gigi再上載一張鮮花相,留言:「今年正日生日只和爸媽、弟弟、女兒們一起過。成長了也到了另一境界,心中有堙花,每日都是生日和節日,謝謝各位朋友送來的鮮花和禮物😘祝我們大家日日都是㑰節日和生日那般快樂和健康」唔使問都係好友、家人趁Gigi生日送畀佢啦!

Gigi間醫學美容公司搞得有聲有色,仲上埋市,早前強颱風山竹襲港,一落波身為老闆娘的黎姿馬上去新新舖地盤巡視,留言:「颱風過後太陽出來了,馬上趕工,希望快點完成另外一個新project。」

忙於工作,黎姿也不忘照顧一對7歲的孖女家蔚 (Patricia)、家鎂 (Gianna) 及5歲細女Pegella,一放假就帶三個囡囡出去玩,不過貪靚嘅Gigi話最重要係做足防曬施,除咗搽防曬仲穿上薄薄嘅長袖衫同戴帽!

黎姿
黎姿09年下嫁商人馬廷強,婚後育有一對7歲的孖女家蔚 (Patricia)、家鎂 (Gianna) 及5歲細女Pegella。

Gigi早前趁三個女放暑假帶佢哋去旅行,仲買精緻嘅蛋糕畀佢哋食㖭!

 

小方教囡囡游水

Gigi又安排咗囡囡學游水,原來係去咗方力申開辦嘅游水學校上課,小方仲親自教授,這些機會真係唔係人人有!

黎姿 帶小朋友放電

之前黎姿帶住一對7歲的孖女家蔚 (Patricia)、家鎂 (Gianna) 及5歲細女Pegella,去中環海濱欣賞世界知名的太陽馬戲巨作KOOZA,今次嚟香港演出個半月,門票要一早搶購,一票難求,不過黎姿為三個囡囡開心,當然一早撲定飛,嗰日見佢帶住三個囡囡,同行有工人,不過囡囡都係跟實媽咪,黎姿一邊喺手袋搵緊啲門票,一邊又要顧住三個囡囡,同時又搵緊個入口,雖然有啲狼狽,不過靚媽依然咁淡定,之後帶住囡囡入場,三個囡囡表現興奮,不停講不停笑,黎姿望住三個女就會心微笑,你快樂所以我快樂,呢啲就係做媽媽最大嘅回報!

黎姿
雖然同行有工人,但黎姿乜都親力親為,拎好門票、又負責打電話聯絡、照顧囡囡,仲要搵個入口,萬能媽媽就是這樣鍊成的!
黎姿
靚媽黎姿打扮依然青春,將三個囡囡打扮得靚靚出街。
黎姿
現場人多,黎姿緊張護住囡囡向前行。
黎姿
一陣怪風吹亂個頭,但無損靚媽黎姿嘅靚樣,點睇都唔似46歲,歲月喺臉上不留痕跡,得天獨厚!
黎姿
黎姿望見三個寶貝女咁開心,一臉滿足微笑!

Gigi工作同家庭嘅時間都安排好好,喺佢眼中最開心係親自送午飯到囡囡學校畀佢哋,睇吓,兩個飯袋都有囡囡個名㗎!

關鍵詞
黎姿