LEON1

黎明好事多籮籮

早前迷你倉四級大火,奪去兩位英勇消防員性命,令全港市民傷痛不已,為感謝一班在迷你倉大火中,日以繼夜撲救的救火英雄,過百名演藝界代表聯同九家傳媒機構發起一項「向前線消防員致敬」活動,包括劉德華、張學友及郭富城等,呼籲演藝界人士及市民參與!至於一向善心爆棚嘅黎明,除了忙於籌備澳門個唱外,原來Leon低調行善,匿名捐款50萬,希望幫助兩名殉職消防員遺屬,及青葵公路奪命車禍中死傷者嘅家人,度過難關!

其他文章:

正過吳若希 台灣清純學生妹

初夏必睇韓日劇

低調行善

據知,一向仗義疏財嘅黎明今次以匿名人士方式捐款,知情者說:「佢捐咗去慈善基金,我想講呢件事出嚟,因為見到好多明星影相放上網同埋錄歌話致敬,可能佢哋有啲都有心嘅,但本人覺得好唔實際,雖然錢唔係萬能,但幾個家庭冇咗爸爸,冇咗個老公係好慘嘅,知道黎明原來做咗呢啲嘢,好想讚下佢,表揚佢!」

 

事蹟多的是

其實,黎明堪稱圈中最仗義疏財藝人之一,而且佢曾說:「如果錢解決到問題,就唔係問題!」Leon果然講得出做得到,所以好人好事又點止咁少,依家為大家逐一細數!

堪稱圈中最好老闆

豪包助手婚宴酒席及首期

無分彼此,先讓助手上車呢個情境已經見慣!
無分彼此,先讓助手上車呢個情境已經見慣!

-跟隨黎明身邊廿年的助手,當年係黎明中學同學,助手本身家貧,工作又不如意,適逢黎明入行,聘請他做助手,薪金亦不俗,二人相知相交,到助手大婚,Leon送了份厚禮,就是一張無銀碼的支票!講明任助手自己填,他早已視助手係兄弟!結果有傳助手唔好意思填,最後Leon包起他婚宴所有使費!咁都未算豪,Leon之後再送錢俾助手置業築愛巢,咁好老闆去邊到搵?

七位數醫助手

有位助手跟Leon工作期間,突然患重病,Leon得知後即叫對方放長假休養,更自掏腰包七位數助對方醫病,可見Leon有幾咁仗義疏財,可惜其前助手最終不敵病魔離世。

胸襟廣闊EQ超高

從前有一職員K跟隨Leon多年,出名是Leon團隊中的笑柄,撞板多過食飯,有次Leon到電視台錄影慈善節目,要唱改編歌詞的歌,叫阿K舉大字布以防錯漏,點知大字布係有,但成張倒轉咗,任由Leon台上打眼色,阿K都無動於衷,事後黎明不但無鬧爆佢,只係笑笑就算。

另有次Leon胃部唔舒服,叫阿K幫手買消化餅,阿K一去就幾粒鐘,返到嚟帶嘅竟然係「麥維他消化餅」,令人哭笑不得!雖然唔少高層都睇唔過眼,叫Leon炒阿K魷魚,但Leon不但冇炒阿K,反而依然對阿K十分好!

冇架子

熱愛摸酒杯底嘅Leon酒量當然有番咁上下,平時食飯應酬少不免會跟不同人敬酒,Leon從不隊冧人,見同事或朋友唔飲得,仲會主動幫手頂酒,所以唔少同事都極之喜歡同Leon食飯,除了佢全冇老闆架子,仲肯為大家着想呢!

仗義疏財

六位數幫同事度難關

Leon除了對助手豪氣之外,對公司同事亦十分重情重義,曾有同事因出現經濟困難,Leon即自掏腰包六位數幫對方度過難關。

愛屋及烏助流浪犬

Leon前妻樂基兒出名係愛動物之人,而Leon亦愛屋及烏,主動向有關機構捐六位數幫助流浪犬,認真闊佬!

助乞丐解困

Leon無論從前或現在都為唔少慈善機構服務,除咗眾所周知的公益金和Unicef,平時Leon都暗做善事。有次Leon跟助手出街,途中見街邊有一乞丐,Leon頓生惻隱之心,即叫助手有幾多錢俾幾多,之後還番俾助手,乞丐收到後連聲向Leon道謝!

出名萬歲王

Leon未紅前,有次出席《勁歌金曲》節目後,拉大隊帶唱片公司同事到當年貴價食堂友和日本料理度開餐,大部分人見到餐牌價錢後個心都離一離,打算叫碗拉麵或小食就算,怎料轉頭侍應送來一枱的天婦羅、刺身和鮑魚等,嚇到個個滴晒汗,最後黎明偷偷將那張近五千元的賬單找數,喺當時嚟講絕對係大數目!

蝕賣500萬跑車

Leon熱愛超跑,曾以500萬買入至愛法拉利458 Italia超級跑車,但為了鄰居小朋友,愛車落地兩年後竟割愛蝕讓!

事關每次佢開動戰車時,引擎聲發出嘅隆隆聲都嚇親隔籬屋小女孩,Leon知道後唔單止送果籃道歉,仲割愛蝕賣戰車,真係好有愛心呀!

禮物贈清潔嬸嬸

Leon平時收到好多fans禮物,例如花、果籃、糖果或其他食物等,Leon又不想浪費,於是會將這些禮物贈與清潔嬸嬸!而剛完成嘅4D演唱會中,Leon亦收到好多fans送嘅禮物,為了環保於是又將後台禮物分派俾其他人!\

全文完

關鍵詞
黎明