黎明

黎明自嘲唱功過時翻錄《夏日傾情》 因為一個原因令老土版升上no.1

最新娛聞

廣告

55歲黎明雖一直緊貼樂壇走勢,近來先後為陳柏宇及張敬軒任演唱會嘉賓﹗黎明今日又有「新」搞作,公布翻錄《夏日傾情》,因為近來翻聽當年自己的原裝正版時「無法忍受」,發長文解釋突然興起推出《夏日傾情》2022年版的箇中原因,瘋狂拋金句及潮語,網民指黎明拒做廢老,抵讚﹗不過卻因為一個原因令舊版的《夏日傾情》升上第一位,黎明心情真係好複雜﹗

文:東方新地|圖:[email protected]黎明LeonLai

黎明:聽返真係震過貓王

黎明在社交網指《夏日傾情》是他初出道的歌,由於好熟,就算演唱會都唔需要翻聽﹗有一日因為在朋友車上播出《夏日傾情》當年版,黎明直言無法忍受:「一聽之下,即刻醒悟,什麼叫做:力拔山兮氣蓋世,唉聽返當日自己唱的版本,真係震過貓王,不停震,句句尾個隻字都震,我意思係啲震﹗」

黎明不堪舊版翻錄《夏日傾情》長文解釋原因狂拋金句 網民讚:Leon好潮唔做廢老﹗
黎明在演唱會上送上韓式心心﹗緊貼潮流㗎﹗(圖片來源:黎明演唱會官方圖片)

黎明:必須面對係過時,唔想大家再聽震音老土版

黎明又指:「 講真一聽連我自己都無法忍受…真係要講句,對不起我愛你﹗」黎明表示為免大家再聽到「震音老土版」,所以重新錄製《夏日傾情》﹗黎明指做人要與時並進,「必須面對已經過時,所以重新唱過﹗」

黎明擔任一月一日張敬軒演唱會日場嘉賓,載著一個happy new year眼鏡上台合唱,期間又爆金句,「依家夜晚晚充滿浪漫氣氛,但又係下午時間,個時辰重要係我出世個時辰!你點解咁識揀呢個時間開騷?」軒仔笑言係七師傅計出來。Leon:「新一年見到老黎,夠曬老黎啦!」
黎明擔任一月一日張敬軒演唱會日場嘉賓,戴著一個happy new year眼鏡上台合唱,期間又爆金句,「依家夜晚充滿浪漫氣氛,但又係下午時間,個時辰重要係我出世個時辰!你點解咁識揀呢個時間開騷?」軒仔笑言係七師傅計出來。Leon:「新一年見到老黎,夠晒老黎啦!」(圖片來源:張敬軒演唱會官方圖片)

黎明:鍾意定唔鍾意,對得住自己鍾意,又冇對唔住人

黎明透露如只錄一首歌好似好冇謂,所以揀多首《越夜越有機》重新錄製及重新編曲,刪走原版有的槍聲,希望錄一個「和平氣氛版本」,黎明解釋原翻錄原因後就大玩MC $oho & KidNey的《係咁先啦》歌詞,變成「講完啦,係咁先,下次再講啦﹗」然後再拋金句:「鍾意定唔鍾意,對得住自己鍾意,又冇對唔住人」

黎明 黎明七月演唱會搵來talk得嘅林海峰做首場嘉賓,台上battle一番﹗
黎明七月演唱會搵來talk得嘅林海峰做首場嘉賓,台上battle一番﹗(圖片來源:黎明演唱會官方圖片)

《夏日傾情》升上no.1被指唱法無變 黎明急澄清:嗰個係我嘅陳年版

黎明宣布重新錄製《夏日傾情》及《越夜越有機》後,在帖內留言指自己心情非常複雜,「有人話恭喜晒我,《夏日傾情》上咗no.1,但就話我唱法同當年一樣…又點會唱到同當年一樣呢,一看之下原來no.1同第10位的《越夜越有機》都係當年的版本,原來好多人撳錯咗啦﹗」黎明呼籲大家唔好「恭喜錯我」、亦唔好「再撳錯陳年版」、記住「聽夏日傾情(重新唱)」黎生一出呢個留言即吸過萬個笑哈哈﹗正如黎明所講「際遇好奇特」﹗

黎明留言指大家撳錯舊版買錯歌,請大家唔好再搞錯陳年版同重新唱的版本,相當搞笑﹗
黎明留言指大家撳錯舊版買錯歌,請大家唔好再搞錯陳年版同重新唱的版本,相當搞笑﹗(圖片來源:[email protected]黎明LeonLai)

網民:感恩四大天王我揀咗Leon,一直係明糖

黎明早上一出po,一小時即火速有二萬五人畀like,並紛紛留言大讚黎明與時並進唔過時,網民留言:「貴為四大天王都唔會一副高高在上,抵讚﹗」、「愈大愈謙虛,拒絕做廢老﹗」、「班廢老真係要學吓黎明」、「原來嗰時叫原震俠係有意思﹗」、「好感恩當天四大天王我揀咗做你嘅明糖﹗」、「Leon好潮下,千字文好正又金句又潮語,真係一直都冇過時老土﹗」﹗有網民更搞笑指「以前專登學你啲震音㗎,依家我接受唔到呀﹗」、「唱親K都扮你啲震音,你嫌老土,我嘅回憶崩潰啦﹗」

黎明不堪舊版翻錄《夏日傾情》長文解釋原因狂拋金句 網民讚:Leon好潮唔做廢老﹗
黎明早上發長文公布翻錄《夏日傾情》。(圖片來源:[email protected]黎明LeonLai)

網民:黎生愈大愈謙虛有智慧與時並進﹗

黎明不堪舊版翻錄《夏日傾情》長文解釋原因狂拋金句 網民讚:Leon好潮唔做廢老﹗
(圖片來源:[email protected]黎明LeonLai)

網民:黎生好潮下,千字文好正﹗

黎明不堪舊版翻錄《夏日傾情》長文解釋原因狂拋金句 網民讚:Leon好潮唔做廢老﹗

(圖片來源:[email protected]黎明LeonLai)

網民:感恩四大天王中我揀咗Leon,我一直是明糖

黎明
(圖片來源:[email protected]黎明LeonLai)
黎明不堪舊版翻錄《夏日傾情》長文解釋原因狂拋金句 網民讚:Leon好潮唔做廢老﹗
(圖片來源:[email protected]黎明LeonLai)
黎明不時在社交網拍片跟粉絲們互動﹗
黎明不時在社交網拍片跟粉絲們互動﹗(圖片來源:[email protected]黎明Leon Lai)

讀者留言