黎諾懿

黎諾懿 親子時間打孖上 孖小春雞光脫脫出浴!

派福利唔係淨係女藝人專利,男藝人一樣得,仲要買大送細,打孖送上,黎諾懿日前將同1歲囝囝小春雞(黎峰睿)出浴片段放上網,兩父子光脫脫坐喺浴缸玩水,除咗結婚相終極一露,黎諾懿平時甚少騷肌裸露,今次真係為阿仔豁出去!

撰文:東方新地|圖片:新傳媒圖片庫、黎諾懿IG

黎諾懿 幫囝囝剪髮

喺片段中黎諾懿不停用個玩具噴水去氹囝囝開心,為氹囝囝一笑真係咩都冇所謂呀!囝囝笑到咭咭聲,老竇就樂此不疲一臉心滿意足。

黎諾懿
黎諾懿同囝囝小春雞公開出浴片段,父子都好「扇感」呀!氹到囝囝笑到咭咭聲,慈父黎諾懿個樣幾冧!

黎諾懿

黎諾懿為咗氹囝囝開心,父子迫喺浴缸度玩水!

黎諾懿

黎諾懿

黎諾懿

雖然黎諾懿為拍劇時間顛倒,但都唔會錯過囝囝每個成長階段,由囝囝學爬、餵食mum mum、仲有剪頭髮等,佢都會親自出手,真係阿仔大過天呀﹗

黎諾懿
連剪頭髮都親自出手!
黎諾懿
廿四孝父親仲陪囝囝爬行,又一齊鬥快!

黎諾懿

除咗有個廿四孝父親,當然仲要感謝偉大嘅母親!

母親節快樂🎉🎉🎉
黎諾懿 Lokyi Lai(@lokyilai)分享的貼文 於 張貼

黎諾懿仲擘大個口畀小春雞玩牙㖭!

時間過得真快😱😱😱
黎諾懿 Lokyi Lai(@lokyilai)分享的貼文 於 張貼

富家女與屋邨仔

入行超過15年的黎諾懿,近年演出機會不斷,他曾接受本刊訪問,分享娶咗出身富裕的太太李潔瑩(Nicole)而被指「五億駙馬」的看法,原來係拍《讀心神探》嗰陣,周美欣介紹太太比黎諾懿識,「有幾次約出嚟食飯,我太太垂涎我嘅美色、追我,哈哈!我太太係非常之好嘅女仔,單純、好,咁啱我同佢都單身,好自然行埋一齊。」

Nicole父親經營的奧華美容公司,旗下有18家分店,家住四千萬紅磡豪宅海名軒,連同手持的物業,估計身家逾五億。黎諾懿生於基層家庭,在屯門友愛邨長大。一個是富家女,一個是屋邨仔,看似是兩個世界,但要一齊其實只需要愛。黎諾懿話:「開頭都知佢家境OK,但都係睇雜誌先知佢屋企有咁多間公司,因為我從來唔過問呢啲嘢。」

螢幕快照 2017-03-06 下午2.34.51

螢幕快照 2017-03-06 下午6.36.22

佢仲話拍拖時,同Nicole喺屋企睇《愛•回家》,「佢爹哋仲打開本雜誌話『喂,又寫你哋,有三版呀,哈…哈…』佢哋似乎接受咗,冇乜壓力!你知雜誌將佢哋嘅身家估大少少㗎啦,Nicole仲講笑話『嘩!爹哋你有層樓值億二咩,賣咗佢啦!』」

問到妻子可有興趣再任幕前,「我係唔容許,唔係佢想唔想,係我唔畀,因為呢行比較辛苦啲,一個家族入面一個做就夠,太太留喺屋企享吓福OK㗎啦,辛苦嘢留番畀我做啦!」
不怕被說成黐金糠嗎?黎諾懿話:「佢阿爸阿媽我阿媽同 Nicole知道唔係咪得囉,人哋講乜都冇所謂,只要唔好太傷害性,最肉酸咪話我食軟飯,但你哋見我仲做緊嘢㗎!」

有人話黎諾懿係五億駙馬,連婚禮開支都係外家畀,仲送樓畀佢哋,黎諾懿就話當初並唔知太太家境,第一次去佢屋企,都覺得有啲嘩然,但時間可以證明一切,「如果我識咗佢,我唔做嘢就話啫,但當然依家好多人都覺得我孭住五億駙馬嘅身份,但我成日都話我太太嘅身家、歷史我改變唔到,我係鍾意我太太個人,其他人點講我都冇乜所謂,亦唔介意,我太太、我爹哋媽咪、佢爹哋媽咪理解就夠,我亦都唔需要同任何人交代。留畀時間證明,我有做嘢,我又唔係靠外家,有幾多億都分唔到畀我,駙馬係名稱嚟嘅啫!」

黎諾懿話自己並不物質,只希望退休時有間屋,屋前面有片農地。但連香港大東北都話要發展成銅鑼灣,想耕田,或者要離開香港。

黎諾懿亦強調外家並無送樓畀佢哋,但明白娛樂圈就係咁。「係嘅我就唔使咁辛苦啦,最緊要屋企人知就夠,其實樓嘅嘢一check 已經知唔係,但我都明呢行係寫呢啲,唔通寫我好畀心機睇劇本咩?冇人會想睇啦!」

黎諾懿
因為老婆一句想要,黎諾懿就操出六嚿腹肌拍婚照。

信風水 求婚唔浪漫

「我本身篤信玄學,有日,風水師同我講要結婚,唔係就要三年後,太太嗰時瞓喺我側邊,我就叫醒太太話結婚嘞,佢話哦,咁結囉!冇求婚!太太叫我買求婚戒指,幾個鐘後,太太話:『都係唔好,戴一世㗎,我信唔過你啲taste,我去揀完,你去畀錢啦!』之後仲要去餐廳扮求婚,我同太太講:『你都知嚟做咩,戒指你又見過,你覺得有咩驚喜呢?』佢話:『我唔理,你要做番。』求完,佢話:『都唔浪漫嘅!』我話你都知道晒,係唔會浪漫嘅。到生B,我同太太講:『老婆,我想生猴B!生咯!』佢話:『你可唔可以浪漫啲?」我話:「唔係呀,剩番半年,唔係想生就生到。』雖然最終生唔到猴B生咗雞仔,但我就係咁唔浪漫。」

兒子縮短我生命

黎諾懿為囝囝改名做黎峰睿,佢話一開始有兩個名揀,柏睿或者峯睿,問十個人,十個都覺得柏字親民啲、舒服啲,但佢就揀咗峰,「阿囝聽住嘞,因為作為我嘅兒子,係唔使太過平凡嘅,改個勁抽啲嘅,到你大個懂事唔鍾意,先再改啦!」

黎諾懿笑言囝囝將我生命縮短,因為真係唔夠瞓,佢兩個鐘起一次身,「我諗所有新手爸爸媽媽都試過一齊起身、做同樣嘅嘢,依家我哋精嘞,求其一個起身,另一個休息,有一日我湊仔湊到頭暈、攰到好似開咗十幾個鐘通宵,我叫外母幫我睇一陣,一瞓昏迷咗八個鐘,依家開始識放手,就算佢喊都扮聽唔到。」佢仲話諗住生夠一仔一女,最好係豬女,因為太太屬豬,太太話豬年嘅人比較好運啲。

對煮嘢食有興趣

「我對煮嘢係好有興趣,同埋對味道有獨特嘅烹調方法,我煮海鮮非常好食,我相信我呃到太太返嚟某程度上都係因為煮嘢食,佢話我嘅胡椒蟹同埋清酒蜆係冧得住佢嘅,可能自細窮,鍾意煮吓嘢食,同埋煮嘢食係平啲㗎嘛,我係唔鍾意洗嘢,所以洗碗都係交畀老婆啦!」 黎諾懿就補充,太太曾幾何時煮過餐飯畀我食,佢比較鍾意健康啲,佢煮過秋葵炒毛茄,兩樣都滑潺潺。

不過佢就強調,太太冇公主病,「我老婆係非常之緊貼我嘅新聞,其實真係冇嘅,雖然啲人成日都話我太太比較富裕啲,但我真係未見過佢買名牌,就算有都係off-season嘅,我太太又冇買手袋嘅癮,慶幸啦!」

69f8813fjw1em41ttbuibj215o1jk4qp

69f8813fjw1em41ucjhchj21421jkb29

籌備婚禮

黎諾懿喺2014同拍咗拖3年嘅Nicole拉埋天窗做「5億䮛馬」。黎諾懿認為自《舞動奇蹟》和《愛•回家》的拍攝令佢收入變得穩定,變得有經濟能力,所以會想作人生嘅下一步就喺結婚啦! 籌備婚禮期間黎諾懿笑稱自己只係畀錢,其他由選婚紗,訂酒席,甚至連求婚戒指都係又Nicole一手包辦,睇嚟黎諾懿好信任老婆嘅眼光喎!兩人又有生小朋友共識,佢哋計劃結婚後先二人世界兩三年,先開始「做人」計劃。

69f8813fjw1em41rxjf02j21jk15nqie

「神之馬壯」黎諾懿與太太李潔瑩去年四月榮升父母,誕下「小春雞」黎峰睿(Lugus)後,初為人父的黎諾懿多次被拍到抱實囝囝四圍逛,甜絲絲享受路人誇獎Lugus趣緻精靈。

黎諾懿還經常親自拍片剪片在個人IG狂晒仔,同全世界分享他為人父親的喜悅!