2017港姐首輪面試 邊個最有冠軍相?
「燕瘦環肥」呢個字眼,每年定時定候都會出現,冇錯啦,就係一年一度的 港姐 選舉又嚟啦!《2017香港小姐競選》今日進行首輪面試,估計參加者人數接近100位,香港果然多靚女!無謂說話唔多講啦,大家一於慢慢睇相,睇吓邊個最有冠軍相?
心心眼系列:
呢位一襲紅裙示人、笑容甜美的小姐叫張寶欣 (Boanne),今年23歲,係上屆友誼小姐張寶兒個妹妹!Boanne同樣畢業於英國倫敦大學,兩姊妹都幾似樣!
突圍而出系列:
呢位叫Angelica的小姐,一出場已經瘋狂謀殺菲林!見到佢個樣貌相當人工化,個間尺鼻勁直勁長,下巴尖一尖,兩邊蘋果肌又異常豐滿,厲害!佢被在場記者問到有冇整容,Angelica就否認:「冇冇冇!」