2017 港姐 複選精華

《香港小姐2017競選》上星期二進行首輪面試,131位佳麗各有「特色」,令網民眼界大開!話咁快今日就係複選的日子,參加者只有上次一半左右,佳麗們質素似乎提高不少,備受關注的加拿大靚女Kelly Ng、張寶兒妹妹張寶欣、翻版龐卓欣Regina等悉數現身,大家覺得邊個可以入圍最後 港姐 決賽呢?

想先重溫首輪面試「燕瘦環肥」的盛況,按此

唔入圍都難系列:

來自加拿大多倫多Kelly Ng初選時已經相當突出,五官標緻、仙氣逼人,被封為「翻版李若彤」!今日Kelly束起馬尾,由上次斯文端莊裙款換上粉紅色透視裙,若隱若現相當誘人,亦突顯玲瓏浮凸身段;而不變的是,佢殺死人的甜美笑容及可愛酒窩!

 

上屆友誼小姐張寶兒的妹妹張寶欣(Boanne),眾望所歸入圍複選,今日Boanne繼續狀態大勇,鮮紅色打扮十分醒神,容光煥發,甚有星味!

笑容陽光燦爛的Elsie Chan今年剛剛喺美國大學畢業,主修傳理,現職係一位freelance model。上次Elsie條粉紅色裙同人撞到七彩,今次佢就身穿黑色露背長裙,高貴大方!

 

初選獲得唔少關注的胡美貽 (Nicole) ,於美國加州大學爾灣分校讀經濟,被指外形似朱千雪 (小編唔太認同啦)。Nicole同第一輪一樣早早到場,今次着上白色連身短裙,手拎名牌外套,打扮穩陣。

吸引眼球系列:

現年23歲、任職會計師的Regina Ho,被指同15年港姐亞軍龐卓欣撞樣,今日佢着上白色及膝裙襯粉紅高跟鞋,靚女!

 

鬼妹仔Christina有得留低!笑容燦爛,低胸打扮好吸引。

 

年僅18歲的Jennifer以黑色露腰裝上陣,盡騷弗爆身材,之後仲轉圈騷大露背!

黑馬系列:

杜芷綾 (Zoe) 本身係model,拍過唔少廣告,依家仲有份拍《宮心計2·深宮計》!

 

盧頴萱(Cherilyn) 被封為「翻版邵珮詩」,複選有份!

 

呢位叫Mandy的小姐只得17歲,不過有着178cm的驕人身高,今日更以Deep V藍裙晒上圍,佢就話選港姐係由細到大的夢想!

 

呢位小姐笑容甜美,樣子可愛,有人話佢似視帝陳展鵬個「好朋友」單文柔?

 

準人妻Angela Ng~

另類出位系列:

香港大學中文系畢業的Moon Ho,今早現身時隨即被傳媒追問,因為佢鼻樑太直被質疑整容!Moon非常大方地接受訪問,表示自己由細到大都係同一個樣,更即場企定定捏鼻俾記者睇!

 

個女參加港姐,所以媽媽就負責做粗重工作,仲一直擔遮!題外話,呢位媽媽好似都好後生喎。

 

呢位小姐同樣係由媽媽陪同下到場,不過佢本人自己一粒聲都冇出過,而媽媽面對鏡頭時就好鬼興奮,一直代個女答問題… 其實係邊個選?

繼續努力系列:

你懂的… 系列

全文完