feat_1157_10

26歲「威龍潘金蓮」梁茵掙扎轉行 母打兩份工養家捱病

26歲的梁茵入行七年,在《愛.回家之愛心速遞》演的威龍潘金蓮 而入屋,才剛剛為觀眾所認識,卻因為不忍患病母親為養家日打兩份工,多次想放棄演藝夢退出娛圈轉工求生﹗

撰文:東方新地 圖片:東方新地、梁茵IG

梁茵與母親感情深厚。
梁茵與母親感情深厚。
梁茵出身草根家庭,一家四口住在新界屋邨,母親近來患病,弟弟還在求學中,經濟出現問題。梁茵自言不能贏在起跑線,唯有努力後天追趕。
梁茵出身草根家庭,一家四口住在新界屋邨,母親近來患病,弟弟還在求學中,經濟出現問題。梁茵自言不能贏在起跑線,唯有努力後天追趕。

梁茵屋邨妹出身愧冇錢畀家用

屋邨妹出身、草根家庭長大的梁茵,父親是地盤工人,母親身兼家務助理及穴位按摩師,但為了追夢,參加過校花選舉、做過模特兒,最後考入無綫第廿六期藝員訓練班簽約入行。梁茵對演戲有興趣,但入行卻遭父親強烈反對,只有母親支持,但入行三年來工作不穩收入少,雖然身為家中長女、下有一弟,但她未能畀家用。養家重任落在父母身上,母親更要日打兩份工,看見父母獨力支撐頭家,自己卻任性追夢,梁茵坦言多次想放棄,出外搵份穩定工作。

梁茵幸得病母鼓勵繼續演戲

最近梁茵母親患了耳水不平衡等各種病患,梁茵為想母親能專心養病,不要再打兩份工,梁茵之前為方便返工而遷出娘家,近來為減少經濟負擔,以及能照顧病母,最近已搬回新界舊居,一家四口住在屋邨。不過梁茵仍自覺愧對父母,一度想放棄演藝夢想,幸好病母一再鼓勵以及無條件支持,讓她咬緊牙關,現在肩付起供養在學弟弟的補習費及生活費,雖然經濟仍然困難,但梁茵話希望憑自己努力,希望多點人認識,令工作增多,以改善家庭經濟條件。

梁茵入行後三年都未能畀出家用,但一有餘錢便帶父母食餐好,相當孝順。
梁茵入行後三年都未能畀出家用,但一有餘錢便帶父母食餐好,相當孝順。
梁茵早前貼出年幼時的照片,左邊是她,右邊是其母,中間是鄰居。
梁茵早前貼出年幼時的照片,左邊是她,右邊是其母,中間是鄰居。

26歲梁茵有猛男接收工

無綫處境劇《愛‧回家之開心速遞》出名靚女多(詳見《愛回家》9位吸睛女配角!唔係主角都引人注目!),飾演「威龍潘金蓮」Anita嘅梁茵就係成功跑出成為新一任網民女神。叫得女神當然多人 like,最近本刊記者就影到有猛男去電視城接收工,唔通女神好事近?

其實除咗有樣有身材,演藝出身又係何廣沛藝訓班同學嘅梁茵演技有功架之餘,亦都係孝順女知慳識儉照顧病母,咁多優點美德集於一身,多人追又有幾奇。

人稱「威龍潘金蓮」,與周梓盈飾演的垃圾清是情敵,演出夠放夠出位,戲份愈來愈重⋯⋯
人稱「威龍潘金蓮」,與周梓盈飾演的垃圾清是情敵,演出夠放夠出位,戲份愈來愈重⋯⋯
有網民在討論區發起投票中,梁茵成功獲選為「《愛回家》隱藏美少女」第1名!
有網民在討論區發起投票中,梁茵成功獲選為「《愛回家》隱藏美少女」第1名!

日前喺電視台收工,就見到梁茵扮到靚一靚著住短裙仔,一出門就有猛男出動私人座駕一早停定喺電視城門口等收工。不過上次拍拖自稱遇上短訊撩女渣男,今次再闖情關,的確唔使急住公開,要睇定啲至得!

開處境劇有樣好,保持曝光入屋容易最緊要係有得準時收工,呢日天都未黑,梁茵已經收得工。
開處境劇有樣好,保持曝光入屋容易最緊要係有得準時收工,呢日天都未黑,梁茵已經收得工。
收工唔落妝,仲悉心打扮著埋短裙,女神呢日出閘後周圍張望,然後急步跑過對面馬路。
收工唔落妝,仲悉心打扮著埋短裙,女神呢日出閘後周圍張望,然後急步跑過對面馬路。

26歲「威龍潘金蓮」梁茵忘記「短訊撩女」渣男 猛男接收工疑再闖情關

原來有猛男揸車接收工,梁茵上車後即九秒九駛離電視城。
原來有猛男揸車接收工,梁茵上車後即九秒九駛離電視城。

曾與「短訊撩女」渣男拍拖

靚女自然多人冧,不過同時都容易受傷,梁茵早前大爆對情人節有陰影,因為多年前曾經發現拍拖一年幾嘅男朋友,同另一個女仔互傳甜蜜短訊,一開好佢都忍住無出聲,仲幫男朋友搵藉口,後來都係要忍痛喺情人節前分手,真係陰公豬!不過梁茵仲後生,大把機會搵到真命天子!

梁茵不時都會喺IG大show身材。
梁茵不時都會喺IG大show身材。
仲有對靚靚長腿~
仲有對靚靚長腿~

梁茵(Kiko)大起底

愛回家, 女配角, TVB, Anita, Bonnie
梁茵在劇中飾演Anita,前採購部職員,網店總監秘書,經常色誘男同事換取幫助,人稱「威龍潘金蓮」。

26歲的梁茵係第26期無綫電視藝員訓練班的學員,她畢業於粉嶺官立中學(中六)。2016年開始在處境劇《愛·回家》裡飾演瑜伽中心職員「李淇(Kay)」而漸為觀眾認識,2017年再度參演《愛·回家之開心速遞》,憑「威龍潘金蓮」江慧喬(Anita)一角受到不少觀眾注目。2019年,她與健身教練 So Cheuk 合作經營健身室;現時除了當演員,也任職金融從業!

深明觀眾喜好的梁茵(Kiko)不時在ig派福利。
深明觀眾喜好的梁茵(Kiko)不時在ig派福利。

梁茵2013年入讀第26期無線電視藝員訓練班,現主要是拍攝電視劇,樣貌和身材都非常好,潛力十足。