唐詩詠

36歲唐詩詠 首奪視后

《萬千星輝頒獎典禮2017》中,《不懂撒嬌的女人》中飾演Cherry的唐詩詠成功擊敗宣萱、李佳芯等勁敵,首封視后!

唐詩詠出道多年來俾人感覺都係清純乖乖女,形象討好,而且出晒名對愛情專一又認真。可惜無論係余文樂、崔建邦或是去年分手的洪永城,詩詠一直都未遇到一個可以託付終身的好男人…… 其實詩詠的好,又點止對愛情的堅持,《新地網》現為你數出詩詠優點一大籮,睇完之後,大家就會明白點解唐詩詠係一個不能錯過的女友!

36歲唐詩詠 首奪視后

唐詩詠憑《不懂撒嬌的女人》首奪無線「最佳女主角」,揮低勁敵宣萱、田蕊妮、鮑起靜、李司棋等。詩詠知道自己得獎後好激動,即同黃翠如及田蕊妮抱抱,之後一上台淚如雨下話:「多謝,我除咗演戲冇做過任何嘢,好多謝珍姐、好多咁多位監製呢十三年畀咗好多機會我一路拍一路學,要多謝《不懂撒嬌的女人》、所有編審、浩信、諾懿、Mall姐畀,多謝你哋畀咗一個咁好嘅角色我,要好多謝網民,喺網上要人唔憎你好難,要鍾意你再cap圖轉發更加難,要多謝每一個轉發呢套劇片段嘅人。

另外要多謝一個人,一直等緊一個機會多謝佢,佢教我做戲,教我做人,佢成日聽我呻,又肯陪我瞓,佢每次話完我鬧完我之後,最後都會講一句,你要記住你係好好嘅,多謝你田蕊妮小姐,我一路等緊可以喺台上多謝你。最後要多謝一個人,因為佢我先可以企喺度,佢上生奉獻咗畀愛情,下半生奉獻咗畀我,佢教識我點樣愛人,點樣去堅持,呢兩樣嘢我先可以行到今日,呢個獎係屬於我媽咪,雖然佢唔喺度,我知道佢會睇住我,我好掛住你,我好愛你,雖然你離開咗我咁多年,我會記住你教我嘅嘢,我知道我唔完美,我會努力好每一個角色,多謝大家。」

一個接一個 也沒有結果

唐詩詠除了勤力拍劇工作,感情生活也成為話題。詩詠同上一任男友洪永城拍拖以來,對男方一心一意,人前人後都好恩愛。但兩人的情路都唔係順風順水,早年紅地氈上洪永城同黃翠如拖手一幕在網上瘋傳,引發連串花邊新聞,全城似乎都覺得洪永城同翠如BB先係一對!

{"IPTC-DATA":"NMG","data":{"photoID":2349511}}

頓時好似變咗「第三者」的詩詠不單沒有介意,接受訪問時依然表現大方,而且仲同翠如BB做埋好朋友,可謂愛屋及烏!

img_20151214_130508-1024x683

雖然有個好好女友,可惜洪永城最後都係不敵大台新一代姣精蔡思貝的誘惑,拍新劇《味想天開》時撻着;早前又被本刊拍到兩人去到西貢運動場私會,跑步為名,調情為實。

b5

蔡思貝腿張開

疑翻撻舊愛

事緣洪永城在2012年任旅遊節目主持時,本來已經有個從事金融業的女友Emily,其後認識當時為黃翠如形象指導的Bird Tse,兩個人同樣喜愛夜蒲,可謂一拍即合。之後兩人不時相約流連夜場,愈玩愈埋,Emily終難忍男友花心,狠心分手!雖然永城後來同Bird有過一段情,不過亦係快來快去,無疾而終。

形象指導Bird Tse

不過洪永城除了舊愛Bird,早前又被爆多年來鍾情一位名叫Kanice Po的索女,兩人早年在一個party場合認識,Kanice曾任職空姐,近年則轉到銀行擔任理財客戶主任。據稱當年女友仍是Emily的Tony,在 party上不斷撩Kanice傾偈,之後更大膽到想錫人塊面!不過Kanice都心知Tony花心,所以多年來都只當對方係普通朋友。

索女Kanice Po

唐詩詠 洪永城去年分手

其實唐詩詠及洪永城都已屆適婚年齡,詩詠心急想結婚亦無可厚非,但有消息指33歲的洪永城仍然未定性,更自認「冇本事」養老婆,最後兩人在婚期上未能達成共識,更因此經常有爭拗,所以在去年五月決定和平分手!

洪永城撐前度做視后

雖然唐詩詠同洪永城已經分手,不過的確係再見亦是朋友,繼今個月兩人被拍到秘密約會後,洪永城日前在網上公開自己投詩詠做視后,並留言大讚詩詠人緣好、每次演出都非常投入認真:「你係我心目中嘅最佳女主角」出晒面幫手拉票!

掏盡幾多光陰 不襯便不襯

講到詩詠的戀情,又點可以唔提崔建邦 (Amigo)!詩詠同Amigo在2005年一同主持《K-100》時撻着,可惜男方不時背着女友夜蒲偷食, 以致兩人多次離離合合,分手復合又分手,拖拖拉拉近十年。其實Amigo偷食都唔係咩新鮮事,佢曾經多次食女被斷正,不過詩詠一樣係默默承受。

200605101721319653464845_resize

直至2009年,o靚模鄺敏慧 (中巴)報警聲稱被Amigo虐打,惹來全城關注,男方形象跌至谷底。不過最終獲法庭撤銷控罪,只是守行為一年,不留案底。 Amigo負面新聞纏身,詩詠依然多次公開表示信任男友,再寫埋紙力撐!需知女孩子的青春係幾有限,但詩詠都不離不棄,對男方專一的程度已經近乎係麻木, 實在係聞者傷心……

崔同中巴

{"IPTC-DATA":"NMG","data":{"photoID":1913168}}

當年崔被中巴大爆打人 唐詩詠寫紙力撐 患難見真情02

下頁開始將詩詠優點逐個數,話俾大家知拋棄佢的男人都係走寶!

體貼之達人

詩詠曾被拍到同馬國明、林子善等人一齊食飯,期間詩詠更加剝埋蝦俾馬明,詩詠剝幾多馬明就食幾多,之後仲遞上紙巾,真係好窩心!但原來剝蝦都未夠,詩詠為人為到底,飯後仲載埋馬明返去太古城的住所。難怪事後馬明都大讚︰「佢不嬲都賢淑!」

{"IPTC-DATA":"NMG","data":{"photoID":2325647}}

大家都知道現今「港女」盛行,好似詩詠呢啲咁識照顧人的女友真係好難得,對身邊人一視同仁,又樂於照顧朋友,絕對唔會有異性無人性!詩詠為人咁好, 所以佢在圈中人緣甚佳,唔少同佢合作過的藝人都會成為其好友,好友包括鄭嘉穎、黎耀祥、胡定欣、鍾嘉欣、田蕊妮……下刪N個人。

{"IPTC-DATA":"NMG","data":{"photoID":2325651}}

慳家之達人

雖然節儉都係一種美德,不過紅星名人賺賺埋埋咁多,花多啲錢享受生活都好係好合理。但詩詠就唔同,佢部座駕Volkswagen白色甲蟲車已經揸咗五年以上,就算年前意外撞車,佢都四出揾車房格價先落實維修,可謂慳得幾多得幾多。同圈中一車接一車的藝人相比,詩詠可算是一道清泉!

{"IPTC-DATA":"NMG","data":{"photoID":1984151}}{"IPTC-DATA":"NMG","data":{"photoID":1913161}}

另外,唔少藝人出街勁大陣仗,幾個助手跟在後拎住多袋戰利品的情景屢見不鮮。不過慳家又貼地的詩詠通常都係自己去超市、自己迫藥房,半點明星架子都無!

{"IPTC-DATA":"NMG","data":{"photoID":2194199}}

{"IPTC-DATA":"NMG","data":{"photoID":1908049}}

生意之達人

詩詠日常生活精打細算,同時亦好有生意頭腦!早年佢在中環「PMQ Halloween Gourmet Market 元創方萬聖節美食市集」,引入台灣享負盛名的「洪瑞珍」三文治,該三文治在當地大約賣6元港幣一件,但詩詠就以40元一件的價錢在PMQ出售,據知半日已 經賣出1,600件,賺到笑!如果有詩詠做女朋友,完全放心將經濟大權交俾佢!

6731c01ejw1elvnuosj8bj20hs0dcwhs

6731c01ejw1elor62ikaaj20hs0dc415

唐詩詠同王浩信呢對螢幕情侶去年憑《不懂撒嬌的女人》彈起,之後兩人做埋生意拍檔,拍住上開cafe,進軍飲食界!

寵物之達人

詩詠本來好愛狗仔,不過因為工作繁忙,家人又無暇照顧,所以就改養性格較獨立的貓。分別養咗兩隻蘇格蘭摺耳貓仔,一隻叫「金仔」一隻叫「銀仔」,詩詠錫到佢哋爆!都係嗰句,愛錫寵物的女仔,人品自然唔會差!

{"IPTC-DATA":"NMG","data":{"photoID":1753237}}

{"IPTC-DATA":"NMG","data":{"photoID":1753238}}

演戲之達人

2010年時,入行七年的詩詠憑《鐵馬尋橋》中應雁鳴一角,奪得該年度《萬千星輝頒獎典禮》的飛躍進步女藝員獎,以及入圍角逐最佳女配角,表現有目共睹。去到2016年,詩詠又憑《鐵馬戰車》中姚瑤一角,在TVB馬來西亞頒獎禮奪得「最喜愛TVB電視角色獎」。

201104221742527738380414

詩詠去年在《不懂撒嬌的女人》中大爆發,其中一幕對住自己上司兼堂姐的宣萱聲嘶力竭的怒罵,對住前輩完全冇輸蝕!劇集播出以來,觀眾都只係關注佢同王浩信的劇情發展,今次終於令人留意到佢啲演技啦!

唔止在大台,古天樂亦曾經欽點詩詠在電影《逃出生天》中飾演其未婚妻,古仔表示睇電視時有留意詩詠,認為戲中的一場求婚戲非常適合佢來演。俾古仔欽點喎!簡直有今生無來世!

{"IPTC-DATA":"NMG","data":{"photoID":2021914}}

美貌之達人

小編講咗咁多詩詠內在的優點,去到最後一頁係時候講番啲最實際、最膚淺的原因……無錯!就係詩詠真係好正囉!詩詠的樣子甜美,一直都保持清純女神的形象。早年無綫的青春劇「四葉草系列」被視作培養新人的搖籃,有網站曾經舉辦咗一個「歷代四葉女最靚選舉」,結果詩詠以高票當選冠軍,美貌不庸置疑!雖然詩詠今年就37歲,不過一樣keep得勁好!

有前,有後,有長腿,呢個package無得輸啦啩!

無論係嫵媚的長髮look還是剛強短髮look,都一樣carry得咁好!

{"IPTC-DATA":"NMG","data":{"photoID":1972180}}

各位讀者,如果閣下已經有一個好似詩詠咁樣的女朋友,千萬千萬不能錯過!如果大家認識一個詩詠咁樣的女仔而佢又係單身,請馬上通知小編……

全文完