1

36歲keep住fit 唐詩詠 玩戰繩晒事業線

36歲嘅唐詩詠與舊愛崔建邦復合過N咁多次,早前又被爆疑翻撻34歲嘅洪永城,被人撞破佢哋偷偷密會,不過唐詩詠就否認,話大家只係朋友。暫時未有愛情滋潤唔緊要,做女人最重要keep住靚波地,詩詠深明此道!最近唔使開工都冇鬆懈,經常keep住做運動!日前佢上載玩戰繩(Battling Ropes)的短片,著住sport bra嘅佢連揈14下,真係有姿勢有實際!
撰文:東方新地

唐詩詠 玩戰繩晒事業線

日前唐詩詠喺ig上載幾張做gym嘅相,相中嘅佢著住sport bra,真係好fit!

之後佢又上載玩戰繩(Battling Ropes)嘅短片,仲留言:「Success doesn’t start in the gym.It starts in your mind.」見佢着住sport bra拎住兩條繩起勢咁揈,深長嘅事業線同條繩一樣,波濤胸湧,起伏不定,睇到網民鼻血直流,個個都讚佢keep爆!

Battling Ropes係綜合格鬥MMA選手常用嘅訓練器具,非常笨重,而喺在電影《激戰》中張家輝都成日用呢個嚟操練,但男和女的體能本來就有差距,詩詠做到真係勁!

回歸單身

睇番單身嘅唐詩詠,喺舊年5月同洪永城同時喺IG宣佈分手,對於分手原因,一方面有傳兩人喺婚期上冇共識,亦有傳女方同洗米華愛將拍拖而分手,當時洪永城一力承擔所有問題,又話有一個被稱為「不能錯過的女友」嘅女友,令佢承受唔少壓力,但呢個都係佢嘅福氣,仲直言希望會保護詩詠,因為仍然愛佢!不過去到舊年11月洪永城出席公開活動,就話雖然未有對象,但ready好準備投入新戀情。但上周有傳媒影到洪永城喺西貢嘅屋企出發去北角會合詩詠,之後佢哋再各自揸自己架車去太古坊食飯,點知二人發現傳媒後,詩詠直接揸車走人,得番洪永城自己食!不少網友都猜測佢哋分手8個月後,係咪復合?!

唐詩詠
33歲洪永城和36歲唐詩詠的姊弟戀去年5月告終,但近日二人被影到約會,但佢哋齊否認復合!


唐詩詠:只係簡單嘅聚會

但昨日唐詩詠就喺電視城錄影,當講到係咪同洪永城復合,佢笑住話:「多謝大家關心,都係好簡單嘅聚會,嗰陣仲有其他嘅朋友喺度,我哋唔係仇人,所以都可以見面,大家唔使諗咁多。」詩詠仲話明白大家見到佢哋約合係會敏感啲,所以專登分開去,只因唔想有太多不必要嘅揣測!當被問到有冇機會復合?詩詠就話:「隨緣喇,隨緣喇!」那邊廂洪永城接受傳媒訪問都同樣否認復合:「唔係,朋友聚會,想食飯啫!」

唐詩詠
穿上「FAKE」字樣嘅上衣嘅唐詩詠,否認同洪永城復合!

唐詩詠被封為「最佳女朋友」、「不能錯過的女友」

唐詩詠被外界形容為「最佳女朋友」、「不能錯過的女友」,原因係佢入行以來戀聞不多,初出道拍港台劇集《Y2K》跟余文樂撻着,但呢段戀情很快結束,之後詩詠同崔建邦拍咗9年拖,兩人屢次分手又復合;崔建邦身邊有第三者或陷入低潮時,詩詠都係不離不棄。最後崔建邦承認有新歡,二人九年情才結束!

唐詩詠
洪永城於無綫《萬千星輝頒獎典禮2015》奪得「飛躍進步男藝員」,獎項由黃翠如公布,洪永城從緋聞女友唐詩詠手上接過獎項。
唐詩詠
二人還公開來個抱抱,可惜此情不再!

未紅前絕密靚相曝光 Ali李佳芯女神初育成之路

關鍵詞
唐詩詠