360秒人生課堂

360秒人生課堂|Bob認邀請Brian Cha具爭議性 急洗白:想帶出正能量﹗

最新娛聞

廣告

由Bob林盛斌主持的《360秒人生課堂》周五(22日)有嘉賓Brian Cha車志健,自本周初播出預告後,不少網民畀嬲兼負評﹗主持Bob承認搵Brian Cha的確具爭議性,為何仍冒險搵他,聽聽佢解釋﹗

360秒人生課堂 Bob透露合照是好多年前《兄弟幫》時的合照﹗
Bob透露合照是好多年前《兄弟幫》時的合照﹗(圖片來源:IG@bob_lamshingbun)

360秒人生課堂|Bob:希望令你重新認識佢

Bob林盛斌主持《360秒人生課堂》每集都等節目出街才發文講感想,周五(22日)卻出奇地預告晚上一集嘉賓是Brian Cha車志健,不過仍有不少網民指不會收看「會跳咗唔睇今集」、「講完一輪最尾凵你買堂」、「呢條友只係催毀你自信心,再洗你腦」、「Bob你瀨嘢﹗」等等,睇吓Bob點洗白:

今晚,其中一位演講嘉賓係 Brian Cha,
冇錯,即係之前有報導話上佢堂要幾萬蚊,
同埋叫Kelvin quit YouTube嗰個。

我知道有啲朋友會覺得佢好有爭議性,
佢鋪天蓋地嘅廣告有人或者會覺得好煩,
所以部份網民都好鍾意特別關注同招呼佢,
因此唔少人睇到宣傳片之後都有問我點解會搵佢?

其實今次我哋嘅節目係一個演講類型節目,
同埋希望嘉賓嘅故事可以畀到觀眾一啲正能量,
我認識嘅Brian係一個好出色嘅激勵演講家,
而佢過去高低起跌嘅經歷亦都係非常有啟發性,
我幾相信佢嘅出現係會帶到一啲正面訊息畀大家。

當節目錄影完畢,有幾個工作人員走嚟同我講:
「條鬍鬚仔好似真係有啲料到咁喎!」
我就覺得我應該冇搵錯佢做今次節目嘅嘉賓。

可能你對佢曾經有某啲特定嘅假設同想法,
但係睇完佢嘅演講,希望有機會令你重新認識佢。

借金馬編劇阮繼志過橋﹗?

Bob又指Brian Cha一集中還有另一位猛料演講嘉賓,就是著名嘅電影編劇阮繼志先生,「眼淺嘅朋友記得尾段拎定兩張紙巾,我喺現場睇嘅時候真係頂唔順,好癲!」 阮繼志形容自己人生經歷如「心電圖」,無數高低起跌的人生,要「屢戰屢敗」的阮繼志並沒有被奪走他樂觀的性格及鬥志。阮繼志以已故填詞人黃霑經典作品《家變》的一句歌詞「人間的波折,經得起挫折,始終都會不枉此生」為演說作結,為聽眾帶來反思及鼓勵。

360秒人生課堂 著名電影編劇阮繼志。
著名電影編劇阮繼志。(圖片來源:TVB)

Brian Cha:一雙手可以創造奇蹟﹗

Brian Cha車志健亦有為自己上電視宣傳,發文:「早排喺屋企搵嘢,無意間搵到張自己細個嘅嬰兒相,瞓得好甜,仲緊握雙手……大個之後好多嘢都變咗,但有一樣嘢係無變,就係緊握雙手!我永遠相信一雙手可以創造奇蹟、扭轉命運……今次響電視節目中會同大家分享點樣捉緊自己信念…… 由一名健身教練變為今日嘅自己……如果你都同我一樣有一個夢想想去實踐,但係身邊嘅人有太多反對噪音,唔知道點處理,就記得準時收睇,因為我會話比你聽點樣用自己雙手創造屬於自己嘅命運……」

360秒人生課堂 Brian Cha車志健擔任《360秒人生課堂》的其中一個演講嘉賓﹗
Brian Cha車志健擔任《360秒人生課堂》的其中一個演講嘉賓﹗(圖片來源:《360秒人生課堂》預告截圖)
360秒人生課堂 車志健父母現身﹗即是李施嬅未來老爺奶奶﹗
車志健父母現身﹗即是李施嬅未來老爺奶奶﹗(圖片來源:TVB)
360秒人生課堂 車父被問到對兒子事業有何看法,他表示看到兒子愈做愈好、可以幫人又幫到自己,車志健特意提醒父親「家用都多咗」,想不到車父反而說「成日問我夠唔夠,唔知點解經常都唔夠⋯」
車父被問到對兒子事業有何看法,他表示看到兒子愈做愈好、可以幫人又幫到自己,車志健特意提醒父親「家用都多咗」,想不到車父反而說「成日問我夠唔夠,唔知點解經常都唔夠⋯」(圖片來源:tvb)

《360秒人生課堂》22日周五 嘉賓Brian Cha車志健登場

Brian Cha車志健在社交網預告《360秒人生課堂》22日(周五)播出:「如果有一日,個天同你講…你只係得返6分鐘,之後就要離開世界…呢6分鐘所講嘅嘢…隨時會為好多有需要嘅人帶嚟啓發,甚至會傳承到下一代…」Brian Cha預告以一個「特別嘅題目」去分享人生經歷及獨特睇法。

車志健 360秒人生課堂 Brian Cha預告在六分鐘演講中會發表獨特見解﹗
Brian Cha預告在六分鐘演講中會發表獨特見解﹗(圖片來源:《360秒人生課堂》預告截圖)

2020年Brian Cha車志健忽然爆紅

Brian Cha車志健2020年因為「激勵課程」的老是常出現的網上廣告令聲名大噪﹗他標榜自己是演講家、創業家,其創立的BCM在社交網簡介,是為團隊專門幫助生意老闆、銷售團隊領袖和導師爆發業績,設立市場壟斷策略﹗

相關文章:Brian Cha車志健分享傳奇人生 被揭是李施嬅未來大伯﹗

車志健 Brian Cha 360秒人生課堂 年初時在社交網送上節目入場劵﹗
年初時拍攝節目前,Brian Cha在社交網贈送節目入場劵﹗(圖片來源:FB@BCM)

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

撰文:東方新地圖片來源:IG@bob_lamshingbun、TVB資料或影片來源:TVB

讀者留言