41歲宣布陀第四胎 張新悅:一不小心又有咗!

41歲的楊張新悅 (Nicola)同老公楊哲安已經有三個囡囡,昨日於網上分享自編自導自演的MV,並留言指:「做三個小朋友的媽媽已經好難,我冇諗過上天會再給我多一個考驗⋯」,宣布第四度懷孕。恭喜晒Nicola!

撰文:東方新地

圖片:楊張新悅 Facebook、影片截圖

楊張新悅溫馨五口

現年41歲的楊張新悅 (Nicola)退出娛樂圈後,於2007年下嫁前教育局政治助理、現任區議員楊哲安,並於10年間誕下三個囡囡Lucy、Lily和Leah,分別已經9歲、7歲和3歲。

舊曲新詞新MV公布喜訊

昨日,楊張新悅突然在社交網站上傳一段自編自導自演的影片,公布懷有第四胎的消息。Nicola以電台訪問作為影片開首,自稱楊師奶嘅佢就話近來拒絕咗好多活動邀請,尤其是夜晚嘅派對,令好多人誤會佢「好唔畀面」。

老公 囡囡訓身支持

然後,以自己的歌曲<一不小心>,加上改編歌詞,道出大肚婆的辛酸及無奈。影片中,唔止三個囡囡有份,連老公楊哲安都有上鏡。

被老公欺騙「好唔安全」

楊張新悅曾經講過「三個就夠晒數」,本身亦冇打算再追B。今次意外懷孕,原來係老公搞破壞!Nicola指自己對藥物敏感,所以安全措施一直都係交畀老公負責,今次有咗第四個B,明顯係老公「唔夠安全」喇。

一家五口 扭腰跳舞

雖然得知懷孕消息時,Nicola覺得唔開心,亦一度嬲過老公呃佢,不過Nicola依家已經開心接受第四個BB的來臨。所以一足3個月,Nicola就召集全家總動員一齊拍MV宣布喜訊,連老公都一齊扭腰跳舞,搞笑得嚟亦好有誠意!再一次恭喜Nicola!

有片睇: