WU FI

86歲高齡紅館開騷 胡楓:我真係好幸福!

將踏入86歲高齡嘅「修哥」胡楓,將於下月10、11日喺紅館舉行《86破晒紀錄》演唱會,修哥日前接受本刊訪問,直言自己有兒有孫有曾孫,係相當幸福的事,這一切全靠太太付出,但遺憾嘅係太太呂詠荷前年離世,未能分享現在的快樂!談到以高齡開個唱,修哥說首要是平日多做運動,有健康才有體魄做喜歡的事,呢句說話由佢講最有說服力呀!

撰文:東方新地

圖片:新傳媒圖片庫

86歲胡楓下月紅館開騷

講到今次的個唱,胡楓話:「今次喺紅館演唱會叫《86破晒紀錄》,我本身冇諗過要破咩紀錄,但主辦單位覺得你年紀咁大,又喺紅館演唱真係一個紀錄嚟喎!咁就用呢個名囉!」修哥又說:「你話86歲仲有咁嘅活力,原因平時多做運動,令自己健康有體魄,咁先做到好多嘢㗎嘛!」有好多有錢人都話我情願用錢買番我嘅健康,就係因為冇健康,佢哋有錢都唔會好快樂㗎!」

胡楓
胡楓下個月在紅館舉行《86破晒紀錄》演唱會,佢話平時有做運動,所以體力不成問題,勁啊!

 

胡楓
2012年,胡楓個唱,一眾孫仔孫女上台一齊唱歌,好溫馨!

粵語片年代 當紅小生

修哥原名胡繼修,53年考入大成公司開始佢嘅電影生涯,首部作品是《男人心》,亦係令佢一夜成名嘅作品。及後佢同多位當紅女星合作,60年代後期仲同蕭芳芳合作過唔少歌舞片,修哥因舞藝精湛而被封為「舞王修」。胡楓在影視圈地位崇高,人緣極佳,喺佢80歲時TVB為其舉行《人生80勁楓Show》,大批影視明星及名人送上祝賀。

胡楓
後生時胡楓同李小龍合作過!

 

修哥取藝名楓樹的「楓」,因楓樹一年四季都是紅色,喻意在娛樂圈「長紅」,廿歲入行的修哥,已經紅足60年。

兒孫滿堂 懷念愛妻

談到家庭,修哥笑著說:「我真係好幸福!同啲孫玩,啲孫好大個喇!最細都已經讀大學,點同佢哋玩,依家我係同啲曾孫玩,佢哋一見到我叫太公、太公!走埋嚟攬住我錫我,呢樣嘢已經足夠囉!已經夠囉!」前年10月修哥愛妻呂詠荷因病離世,失去老伴令修哥大受打擊,呢日佢話:「當然啦!我有個咁好嘅家庭都係太太一手造成,咁我梗係開心啦!可惜,佢依家唔喺度啦!」說時修哥眼紅紅好感觸,相信佢至今仍相當想念愛妻!

 

愛工作 不言休

回想當年,胡楓事業起步不久便迎娶「修嫂」呂詠荷,膝下有個大家庭:5個仔女、6個孫、2個曾孫。能夠四代同堂,修哥坦言好幸運,工作之餘,閒時弄孫為樂,但他曾說絕不言休,「希望可以同曾孫玩多啲,不過工作係我生活一部分,我好享受,所以唔會退休。」

 

從影60年,修哥由靚仔小生,演到做父親、祖父,現實中他更進一步,上到「太公」級,好犀利!

 

圈中有14名契仔、契女

胡楓在圈中人緣極佳,有不少契仔、契女,他之前接受訪問時透露,太太呂詠荷前年離世,一眾契仔、契女輪流請他食飯:「契仔、契女對我很好,是我生命中很開心的事,之前太太離世,14名契仔、契女不斷問候我、安慰我,令我很感動!」

胡楓
本刊記者考考修哥識唔識一系列明星金句,修哥聽到坎坷過後有艇搭係出自契仔黎明,佢話對方一啲都唔坎坷,而且仲有好多遊艇!

 

胡楓
2012年,胡楓個唱請到契仔黎明做嘉賓,未知今次黎明會否再做契爺嘅個唱嘉賓呢?!