臨盆前影靚相各有Style！盤點9位星媽最靚大肚寫真
撰文：東方新地 、SundayKiss | 圖片：相關人士ig、facebook、微博、新傳媒圖片
岑麗香 宣布BB性別
陀B七個月的準靚媽岑麗香（香香）趁住昨日情人節，在社交網分享由Olivia Tsang操刀拍攝靚孕照，香香留言：「To my forever best friend, I’m so lucky that God gave me the best partner in the world! I pray our little guy will grow up to be just like his daddy!（給我永遠最好的朋友，我很幸運，上帝給了我世界上最好的伴侶！我祈求我們的小朋友長大後，會像他爸爸一樣。）」 香香仲加咗「 #happyvalentinesday💙#itsaboy!」兩個hashtag，原來香香陀住小強強啊！恭喜晒！
其中一張她和老公強強合照，相中她身穿黑色露背裙，無名指戴上鑽戒，香香挨在強強心口流露甜蜜笑容，超幸福！
1.李亞男
王祖藍今次一改搞笑嘅態度，再冇扮鬼扮馬，同李亞男影咗一輯Sweet爆孕照，留低美好回憶。王祖藍仲抵死留言「我都就生」，皆因自己都有個大肚腩，同李亞男肚入面個BB相映成趣！
2. 張名雅
張名雅同律師老公舊年生咗大仔Mario，下個月細仔Milo又出世喇！日前佢就喺ig PO咗一輯靚靚孕照，效果好有驚喜呀！張名雅早前喺 ig PO 出一張半裸孕照，雙手遮胸，側身挺住巨肚，露出成個背脊，既性感又有美感，仲留言話：「Never stop trying something new! 😉 The human body is the best work of art. More maternity shots coming… stay tuned（不斷嘗試新東西！人類身體是最佳藝術品。）」仲話呢張相已經係自己嘅極限，其他嗰啲會做私人珍藏⋯⋯唔通有影更性感嘅？
除咗影大肚相之外，張名雅仲同老公、大仔順便影埋全家福，曬吓幸福先！
大仔Mario仲學媽咪一樣，曬一曬性感。
媽咪嘅預產期係12月，到時Mario就會升級做哥哥喇！
兩公婆深情對望，Sweet到呢！
2.鍾嘉欣
懷孕中的鍾嘉欣分享數張靚靚孕照，孕照用清新風格拍攝，最後鍾嘉欣仲公佈BB喺囝囝嚟！
3.葉翠翠
葉翠翠懷第一胎時拍攝了一係列的懷孕寫真，翠翠喺FB寫到：「我結婚當晚的背景是花花牆，現在大肚相都有，相信好多位女士都會中意，其實我老公都好中意。希望大家喜歡我的大肚相！」
而懷第二胎的時候葉翠翠亦有拍攝孕照，今次大仔亦有出鏡！
4. Jessica. C
Jessica C.(JC) 同安志杰結婚後，誕下一仔一女。JC懷第二胎時拍攝家庭孕照，既性感又溫馨！
1
5. 孫慧雪
懷孕時的女人最美，所以孫慧雪懷孕時也拍攝了一輯以花為主題的孕照留念，本身鍾意花的她十分滿意，即使孕照要性感露肚，老公都沒有詐型。
6.蔣怡
Coco公開了自己陀B時拍下的大肚孕照，接近全裸的她更與蛇、蜥蜴等動物合影，又走到海灘和樹林取景，以呈現原始及野性美感，簡直非常大膽及創新！
曾為模特兒的她與蛇合影，擺出無懼表情之外，更能呈現美態，實為高難度之作！
從寫真照中可見，大住肚的Coco手腳非常纖幼，毫無水腫情況。
7. 周汶錡
為 咗留下美好回憶，周汶錡Kathy孖囝囝影咗輯大肚親子寫真，只係用咗30分鐘就完成呢一張係佢認為係佢模特兒生涯內最值得留念嘅相。相信大部分網民都被呢 張相震撼到，一致好評，仲大讚Kathy身形靚。Kathy回應指，冇諗過囝囝肯配合佢影相，令到拍攝過程相當順利。加上今次發現咗囝囝面對鏡頭毫不怯 場，仲識喺鏡頭前擺pose，Kathy笑言可能有少少遺傳。同時亦少部分網民指囝囝Jacques的表情「嬲爆爆」，Kathy大方回應，其實小朋友嘅 情緒冇人能否左右，佢有自己嘅想法，有佢自己嘅喜怒哀樂，認為佢呢個表情並非傷心，只係比較疲累，係個非常純真嘅表情。
8. Ana.R
模特兒Ana R.陀第二胎的時候公開咗一輯大肚寫真相，寫真以性感風作主題，大多照片都係只披薄紗上陣！
9. 楊愛瑾
上年榮升媽咪的楊愛瑾 （Miki）就選擇同老公一同拍攝型格懷孕寫真！
