Arho Sunny

Arho Sunny孖女友Creamy道歉搞退錢疑為復出做頭炮 網民:做賣慘show

最新娛聞

廣告

YouTuber arhoTV的Sunny與女友Creamy因為早前推出NFT後引發一連串的「關公災難」,事後佢哋有拍片道歉、澄清,並講述佢哋喺宣傳NFT期間無做好聲明同埋講解相關的風險。雖然如此,但其後再被爆出以淘寶貨賺取高利潤賺錢,令Sunny同女友Creamy一直潛水。近日二人終於上水,再次拍片道歉之餘,仲搞退款!但有網民到現場退款後,於討論區鬧爆他們。

Sunny arhotv 道歉 arhoTV
Sunny與女友Creamy終於上水,再次拍片道歉之餘,仲搞退款!(圖片來源:youtube@arhoTV)

Arho Sunny Creamy上水拍片搞退款

arhoTV的Sunny與女友Creamy於12日上水,上傳一段「公告」的影片,內容中Sunny同女友Creamy再次為早前的事件道歉以及退款,Sunny指佢哋已經經過多個月嚟的反省同埋吸收咗好多唔同的意見,明白到自己的言行不一令觀眾失望同埋不快,所以想用行動去承擔返自己的責任,以港幣原價回收返ArhoTV咁多年嚟推出過的產品,退款會由14號到20號,仲俾表格大家填預約時間。

有網民留言問NFT有冇得退,Sunny亦回覆去Discord度搞,會有專人處理,最後Sunny表示佢哋會吸取今次的教訓,將來會做得更加好。

Sunny ArhoTV 我
arhoTV曾經售賣的口罩。(圖片來源:[email protected]

網民:以退款作為「復出頭炮」

Sunny片一出,馬上就成為熱門影片,備受討論,有網民支持亦有網民鬧,鬧的多數認為退款係於事無補同埋覺得Sunny咁耐以嚟都無冇顧及粉絲的感受,同埋似乎係想以退款作為「復出頭炮」,之後長搵長有「你地覺得退款就可以彌補你地的錯咩,我以前都支持你地,但係而家我覺得你地的風格好單一同埋商業化,講到尾你地都係想自己賺錢,你地從來冇顧及過我地呢班一路支持你地的觀眾,仲有之前NFT事件,你地係咪應該有責任去解釋比d未成年的觀眾講乜野係NFT,好多入世未深的小朋友就係一張白紙,你地咁樣會影響d細路的人生」。

網民繼續鬧:「面皮真係厚過地殼!簡直世一!幾個月你兩個已經飾演緊 面皮巨大化!我終於get 到點解仲繼續出片」、「退款只是場SHOW扮慘」、「退錢只係手段,目的好明顯啦,想起死回生,用有限錢換返長遠收入。」不過有網民就發現呢啲留言支持sunny的「網民」疑似係sunny打手,想帶風向齊齊唔退錢。

Sunny ArhoTV 我
網民不滿只退$40。(圖片來源:lihkg討論區)

$128嘅貨淨係退$40!

ArhoTV的退款於11月14日開始,近日有網民於討論區大爆ArhoTV退款金額退唔足。該網民到現場退款之前購買的口罩,並指「盒口罩我係有完整30個未開,同埋個硬盒」。但該網民表示退款的時候,ArhoTV指「冇左個外包裝,就算有盒,口罩未用過都係退$40」。原價$128口罩,因為缺少外包裝只是退$40。網民隨後表示十分不滿「退得咁x冇誠意 唔好x退啦浪費我時間」,並質問「退唔足我覺得合理,不過個紙套值$80?」。

Sunny arhotv 道歉 arhoTV 有網民留意到留言支持以及唔退錢的「網民」ac只係啱啱開
有網民留意到留言支持以及唔退錢的「網民」ac只係啱啱開(圖片來源:youtube@arhoTV)

網民抽水諷刺Design係冇得退

不少網民指「車費都唔得啦」、「真心,點解要接受?」、「如果件事係真嘅話咁佢都幾cheap,又唔係多人退,俾多$80退返足都唔肯,退啲唔退啲,咁不如唔好退」、「係賠就大方啲啦!計埋哂呢啲婆乸數。」,並諷刺道「Design 係Sunny好辛苦諗出黎,冇得退」。不過亦有網民力撐ArhoTV表示「你盒口罩連外盒都冇埋講經咩,人地係退俾你都算係咁啦」,認為貨不完整沒有退足錢是正常的。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地(內容轉載自New Monday)圖片來源:youtube@arhoTV

讀者留言