BB來了

【BB來了】童年流血事件!阿媽嬲爆誤傷Ali額頭 李佳芯:點解要咁對我⋯

最新娛聞

廣告

大台《深宮計》播完,緊接嘅係由李佳芯(Ali)與黎諾懿主演嘅新劇《BB來了》,此劇將以惹笑方式講述一眾新手爸媽的點點滴滴。劇中飾演媽咪的Ali,不期然想起兒時同媽媽相處的片段,原來仲發生過流血事件!

 

撰文:東方新地| 圖片:新傳媒圖片

《BB來了》李佳芯 憶與媽媽點滴

未結婚嘅Ali在新劇初演人妻和人母,向來鮮有談家人嘅佢被問到同母親嘅關係,佢就笑說兩人關係唔錯,但小學時有一次試過執咗人哋唔要的汽球返屋企,被媽媽鬧佢唔應該攞人哋啲嘢返屋企。但Ali就覺得個氫氣球係人哋唔要嘅,就覺得好委屈,駁咀話:「咁人哋唔要,我唔係偷嘛。」

件事仲未完,Ali媽媽好大反應咁鬧佢,好大力咁拍對筷子落枱,對筷子斷開咗一半,其中一半就飛走整傷咗Ali額頭,即時流晒血!

當時Ail一邊喊,一邊心想媽媽點解要咁對佢,但其實媽媽仲擔心過佢,即刻好內疚咁幫Ali止血,Ali最後當然冇嬲媽咪嘅!正所謂傷在兒身,痛在母心就係呢啲!

雖然呢段故事可算係有血有淚,但Ali依然大讚媽媽係女強人,原來Ali媽在九兄妹中排最大,所以由細到大都係一個大家姐角色,好識得照顧屋企人,而且任何一個階段都好努力工作賺錢。

Ali又稱媽媽好少有自己的娛樂同朋友,基本上整個世界就係家庭,返工、放工同照顧家人。相信Ali口中媽媽的生活,亦係香港唔少媽媽的寫照,所以話媽媽真偉大!

李佳芯 做黎諾懿老婆

李佳芯同黎諾懿喺《BB來了》中扮兩公婆、場場都係對手戲,朝見口晚見面,唔使埋位時企埋一邊雞啄唔斷不知幾啱嘴型!換著第二個一早傳出緋聞,不過呢兩個就入行咁多年都係緋聞絕緣體,李佳芯對ViuTV主持男友陳炳銓一條心、黎諾懿就咁多年眼中只得老婆李潔瑩、舊年仲生咗個寶貝仔「小春雞」㖭,專一形象深入民心。「緋聞?咩嚟架?」呢句說話佢兩位一定最有感受!

新劇扮兩公婆,戲裡恩愛,戲外李佳芯同黎諾懿亦都一見如故,早排一齊合作,等埋位都好似磁石一樣黐埋吹不停。

兩位手舞足蹈傾唔停,講到興起,黎諾懿挨近個頭、又比劃作出「2」字手勢,唔通想預告話畀老友知想生夠兩個?

有名你叫,360度無死角最靚花旦,李佳芯一舉手一投足,又的確係賞心悅目。

一場戲拍完未吹夠,等下場戲set機準備時,兩位換「姿勢」,輪到黎諾懿坐、李佳芯企,再吹過。

同老友吹水固然開心,不過呢個甜到漏樣,就係李佳芯一個人匿埋一邊玩電話時出現,仲唔係同男友chit chat緊?

拍完成日戲,慳家女友李佳芯約埋友人去到九龍城,都係平平地食碗麵醫吓肚。

原來飯後至輪到重頭戲,李佳芯同友人一齊去咗足浴店按腳慰勞自己。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言