Bob

Bob再遇菲版心穎:肥咗又靚咗!

2016年農曆年初三Bob(林盛斌)去拜年時遇上一位外傭姐姐,個樣激似曬黑咗少少嘅黃心穎,當時佢即刻捉實對方狂影合照,仲笑言:「去拜年,見到黃心穎!」相隔兩年,今年Bob再次在年初三拜年時遇到呢位菲律賓版心穎BB,當然又唔少得一輪合照留念,Bob仲留言大讚對方「肥咗又靚咗」!

撰文:東方新地

圖片:網上圖片

Bob 四代同堂拜年

今年年初三(2月18日),Bob一家五口著到紅噹噹去拜年,同婆婆、父母、弟弟一家影大合照,開心笑謂:「淨係呢度已經一圍枱,四代同堂,勁呀喂!」獲網友祝福佢哋好快五代同堂。之後Bob又post出同菲版心穎在桃花前嘅合照話:「兩年冇見,非(菲)律賓心穎BB肥咗又靚咗!」網友都話真係幾似,有網友仲擔心馬明會唔會認錯人㖭!

Bob
除咗菲版心穎BB外,有唔少「摩擦力強」嘅網民仲留意到另一個焦點,就係Bob擘大個口入面有好大隻蛀牙!
Bob
Bob影拜年大合照,入面有七大六小四代同堂,Bob話夠開一枱麻雀。
Bob
Bob一家五口齊著拜年戰衣,紅噹噹夠喜慶,半歲大B仔Jaye雖然冇跟隊著紅衫,但面色一樣咁紅卜卜,勁cute!
Bob
兩年前2016年初三赤口,Bob去人哋屋企拜年,都有同呢位外傭姐姐狂影相。
Bob
原來阿Bob覺得呢位外傭姐姐好似一位朋友!佢留言:「去拜年,見到黃心穎!」原來係覺得佢似心穎BB!仲要不斷同人哋自拍,整唔同表情!
Bob
阿Bob話呢個角度睇仲似!
BOB 心穎
當年心穎BB見到不但冇嬲豬,仲留言話:「我在越南曬了一日就變成咁,粉底都慳番。」夠晒大方!

延伸閱讀:

拖4女遊澳洲 萬能謙謙冧爆楊怡