C朗

C朗上內地節目 唔揀女神迪麗熱巴 鍾情呢位模特兒?

2018年世界盃話咁快去到四強階段,今個星期日就會進行決賽,球迷們又要等另一個四年啦!已出局的葡萄牙球星C朗拿度(下稱C朗) 近日獲邀上內地綜藝節目《我的最佳球星》,其中一個環節就係請佢揀出一位最啱心水的內地女星,C朗竟然冇揀到女神迪麗熱巴?

撰文:東方新地|圖片:我的最佳球星微博、Instagram

C朗… 咪C朗囉!

葡萄牙翼鋒C朗拿度,C朗呀嘛!當今世上最知名球星之一,曾效力英超勁旅曼聯,現為西甲班霸皇家馬德里當家球王。擁有強壯體魄、高超腳下功夫、精湛射術、極佳體能… 靚仔又大隻、係N個知名的代言人、人工超高… 小編都唔知點介紹佢好了。

世界盃火力全開

2018年世界盃在俄羅斯進行得如火如荼,C朗拿度再次以隊長身份帶領葡萄牙國家隊出戰,分組賽面對勁敵西班牙時幾乎已一人之力逼和對手,個人連入三球!及後對摩洛哥時再入一球,火力全開!

C朗

16強「登機」

雖然有C朗單天保至尊,可惜葡萄牙在早前16強淘汰賽以1:2不敵南美勁旅烏拉圭,提早「登機」返屋企。

C朗上內地節目 唔揀女神迪麗熱巴

近日C朗獲邀上內地綜藝節目《我的最佳球星》擔任嘉賓,其中一個環節就係請佢由三位內地女星中揀出一位最啱心水的,不過C朗竟然冇揀到女神迪麗熱巴?

C朗

內地女星賈玲中

之後到內地女神迪麗熱巴!呢位維吾爾族美女近年在內地紅得發紫,五官輪廓精緻,擁有一雙明亮的大眼睛,迷倒不知多少男士!點知熱巴都未係最啱C朗心水?

柏圖也愛熱巴

外形亮麗的迪麗熱巴係唔少男士心中的女神第一位,就連效力天津權健的巴西球星柏圖(Alexandre Pato),亦拜倒在其石榴裙下,柏圖曾多次喺社交網站甚至比賽中向熱巴「示愛」~

鍾情模特兒劉雯

咁到底邊位至係C朗心中第一名?原來係內地一線模特兒劉雯!C朗基本上第一眼就睇中劉雯,仲好肯定咁話「我覺得第三個漂亮」。其實C朗鍾情模特兒都唔係咩新鮮事,過往佢都同過多位唔同國藉的模特兒拍拖,果然眼光始終如一!

曾被譽為「中國第一超模」

講返今年30歲的劉雯,擁有別致的面孔、178cm驕人身高,甚至曾被譽為「中國第一超模」,早年乃第一位為美國品牌「Victoria’s Secret」行內衣騷的亞洲人,成為一時佳話。劉雯2012年時又被美國男性雜誌評選為全球最美的第99人,如今又得球王C朗青睞,睇嚟佢喺外國人眼中係一等一美女呢!