Celine 譚順生飛美國 機場職員：係咪借個女上位嗰個？
Celine獲Golden Buzzer
Celine 早前在美國才藝比賽《全美一叮》中，翻唱美國男歌手Michael Bolton名曲〈How Am I Supposed To Live Without You〉，成功贏得評審歡心，按下「黃金按鈕」（Golden Buzzer），直接送入36強的半準決賽！當時 Celine 因為太過驚訝，喺台上O晒嘴講唔到嘢達兩分鐘！
延伸閱讀：
想破G.E.M.紀錄 Celine 年尾紅館騷受阻
無綫棒打美女與野獸 李佳芯為愛抗命
Celine 回港後舉行祝捷會，見佢一身名牌金光閃閃，再腳踏3吋高踭鞋，成功由稚氣小妹妹變成熟女。 Celine 喺經理人陪同下接受訪問，期間以大量英文夾雜廣東話回應，事後被網民狂插「JM式英語」、「小童連piece雅」、「好作狀」、「太老積」等一連串負評。
Celine請假比賽 唔透露比賽歌曲
《全美一叮》36強的半準決賽，首輪比賽在美國時間本月15日舉行，今日 Celine 就在爸爸譚順生陪同下到達機場並接受訪問。問到準備好比賽歌曲未，譚順生表示已經準備好，歌曲由總導演揀選，不過現時唔可以透露，而佢自己為女兒感到非常自豪，仲話自己大壓力過 Celine ！放緊暑假的 Celine 原來聽日就要開學，所以為比賽向學校請假，校方亦表示支持佢參賽！
回應被指似機械人
對於有指 Celine 唱歌時似機械人欠缺感情，譚順生稱今次首歌 Celine 係好明白歌詞，將會演繹得更好，叫大家可以期待。另外又話《全美一叮》係國際性大比賽，大會期待每一關都要見到每個參賽者特別一面，佢哋都成日問今次會唔會有新嘅嘢，我都係答佢強項都係唱歌啫！… 但佢都係9歲啫！已經好難得㗎啦。」
「係咪借個女上位嗰個？」
不過當 Celine 一家入閘時就發生一段小插曲，事緣企喺記者同譚順生中間的一名機場職員對講機突然傳出：「邊個入嚟？」有女聲回答：「全美一叮。」然後再有人問：「係咪借個女上位嗰個？」情況非常老尷！唔知譚順生聽唔聽到呢？
全文完
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
