袁詠儀

Chilam狂送名牌袋 袁詠儀自爆有4個特別版未開封

最新娛聞

廣告

日前係袁詠儀45歲生日,靚靚出名係名牌Hermès忠實粉絲,老公Chilam亦投其所好,每逢過時過節必定買個靚袋送俾老婆氹佢開心!今年都唔例外,Chilam上網用6位數bid咗個古董Hermès俾靚靚做生日禮物,不過靚靚自爆屋企太多袋,有4個特別版直頭未開封,連絲帶都未拆!似乎浪費啲喎!

延伸閱讀︰

得罪人多 小S寸嘴語錄

明福俠宣布離開 Leon乘機谷新女

日前靚靚出席中秋送暖活動,提起自己早前45歲生日,收到囝囝魔童畫嘅名牌袋,而老公Chilam就送咗個真袋俾佢,一臉幸福!

已經10歲大個仔嘅魔童,遺傳到爸爸Chilam嘅浪漫基因,晌靚靚生日朝早,親自煮早餐俾媽咪食,冧到靚靚暈晒!除咗化身小廚師,魔童知靚靚鍾意名牌,專登畫咗個名牌袋做禮物,好識氹人喎!

而Chilam都好識做,除咗用6位數bid個古董Hermès俾老婆威下,仲親自陪靚靚同其他朋友去普陀山拜佛,出錢出心有出力,絕對係百份百好老公!兩公婆早前又接拍內地真人騷節目,到時想買幾多手袋都冇問題啦!

全文完

讀者留言