Coffee

Coffee轉型教瑜伽 賣二手私物

28歲的Coffee林芊妤,跳出無綫後憑住天生軟骨神功及不斷自我修練,一個華麗轉身變成瑜伽導師,最近更做埋胡杏兒的私人教練,踏上星級教練之路。
日前Coffee拎住兩大袋衫殺入觀塘工廈拎去義賣,裡面有大量新舊瑜伽衫及私物。入到店內,Coffee如數家珍逐件檢視及定價,期間有fans聞風而至,率先前來揀選Coffee的瑜伽衫,女fans開心到即場試上身,男fans雙眼發光話要揀套性感戰衣贈老婆。今時今日的Coffee靠瑜伽闖出一片天,號召力有番咁上下。

撰文:東方新地|圖片:新傳媒圖片庫、Coffee FB

Coffee 搬衫去工廈

二手衫義賣原來唔止名牌有市場,瑜伽衫一樣有價有市。日前Coffee拎住兩大袋 衫去觀塘工廈一間有二手衫寄賣的運動服店,與該店老闆相熟的她入內後即把所有衣 物晒冷,並向本刊記者展示捐出的瑜伽衫,當中有新有舊:「有好多女fans問我啲瑜伽 衫喺邊度買,有好多都係買咗冇著連價錢牌都未剪,再加上好多係贊助,大部分size太大或太細唔啱身,屋企已經冇位擺,所以趁今次摷晒出嚟賣,環保之餘又可以做善事。除咗瑜伽衫,仲有好多貼身裙同服飾,有新有舊啦!不過都係乾淨嘅。」

Coffee
上周五(23日),Coffee親自拎住兩大袋衫前往觀塘駱駝漆大廈3座的運動服店寄賣她的私物,估唔到人仔細細的她力大無窮。
Coffee
Coffee親手定價又釘價錢牌,更即場做生招牌,穿上其中一套全新的瑜伽套裝拍照。

Coffee

口罩男掃性感bra top

期間有一男一女粉絲聞風趕至,女的見到偶像表現興奮,Coffee即時為她揀選了一套合適的瑜伽套裝,女粉絲二話不說換上,開心地與Coffee合照。至於戴上口罩的男粉絲亦唔執輸,落力地在Coffee帶來的瑜伽衫中尋寶,聲稱是買給太太作為結婚周年禮物。

Coffee
一名自稱是Coffee忠實fans的男子戴上口罩現身,他落力地在bra top中尋寶,聲言要買套性感的瑜伽服贈太太。
Coffee
最後口罩男在Coffee畀意見下成功掃走一套bra top。
Coffee
大學生Vicki視Coffee為偶像,二人一見如故雞啄唔斷,Coffee除了過幾招給對方,還為Vicki揀選合身的瑜伽衫。
Coffee
Coffee今次捐出大量瑜伽衫做義賣,活動於3月29日至4月2日舉行,Coffee仲會親自現身做sales,價錢由50元起至300元不等。

OL偶像

Coffee笑言唔怕宅男fans買來自用,她說:「老實講,自從我公開有男朋友,男fans走得就走,依家嘅fans九成都係女仔,大部分都係OL為主,我諗買嘅會係女仔多,我唔怕男fans嚟買我啲衫,我信佢哋都係買畀另一半。」Coffee有高大銀行高層男友Weng Chak,人後人前都好鬼sweet,事業愛情兩得意,早已視對方為結婚對象,曾表示諗住過兩年結婚生仔。

Coffee
近年Coffee轉型教瑜伽,不少團體及個人都找她開班,當中大部分支持者都是OL。
Coffee
不過Coffee為表專業,無論男女學生都一樣無任歡迎。

一分一毫都係血汗錢

近年密密拍片擺上網賺錢吸Like的Coffee,教瑜伽開班授徒學費亦唔平,問到是否儲錢想做業主,她說:「已經買咗樓畀屋企人,喺海外亦有置業,不過唔講得喺邊。我呢幾年靠自己努力,一分一毫都係血汗錢,依家總算有啲成績。」自己就是最大的本錢,Coffee唔聲唔聲,發咗達都冇人知。

Coffee
Coffee最近一對一教胡杏兒做瑜伽,成為胡杏兒口中的「魔鬼教練」,上第三堂已經要求對方做高難度動作head stand,Coffee笑說:「佢生完BB後啲筋有啲緊,同埋想瘦身,但係上堂見到佢,我心諗佢已經好弗,仲嚟搵我做乜,可能佢想去到Perfect地步!佢好快上手,所以教佢一啲高難度動作,好有滿足感。」
胡杏兒 Coffee
胡杏兒
Coffee
自從爆出做胡杏兒私人教練後,Coffee表示多咗好多學生慕名而來,就連她做瑜伽所穿的瑜伽服,都好多人問津。

關鍵詞
Coffee瑜伽