Collar

網友提議Collar翻拍Cookies電影作 網民熱選一位ViuTV藝人演男主角陳冠希

最新娛聞

廣告

2002年電影《9個女仔1隻鬼》當年由女子組合Cookies的9位成員加上陳冠希(Edison)一同主演,近日有網友在社交網專頁開post,提議Collar翻拍這部20年前的電影,更問大家應該搵邊個取代Edison做男主角,引發起網民熱烈討論,紛紛提出不同意見,其中有一位ViuTV藝人就獲得最多網民支持!

Collar 《9個女仔1隻鬼》係Cookies廿年前的電影處女作,充滿校園青春感覺。
《9個女仔1隻鬼》係Cookies廿年前的電影處女作,充滿校園青春感覺。(圖片來源:新傳媒照片庫)

Collar+Wing 湊齊9個女主角

有網民指Collar只得8位成員,要計埋經理人阿Wing一齊拍,才可以湊齊9個女主角,亦有網民搞笑話在近日熱播的ViuTV節目《我哋係Collar》中,已經有「9個女仔1個魯生」,等於已經翻拍了這部電影!而講到男主角要好似當年Edison咁靚仔,好多網民就話第一時間就諗起「煨sir」Jeffrey(魏浚笙)!

Collar 9位女主角網民話可以搵8位Collar成員再加埋經理人阿Wing!
9位女主角網民話可以搵8位Collar成員再加埋經理人阿Wing!(圖片來源:[email protected]
Collar Collar成員有前排左起:Ivy、Gao、Candy,後排左起:Day、芯駖、Marf、Winka、SoChing。
Collar成員有前排左起:Ivy、Gao、Candy,後排左起:Day、芯駖、Marf、Winka、SoChing。(圖片來源:ViuTV)

Jeffrey做男主角最多網民撐 仲要搵埋阿正

網民都好認同Jeffrey是翻拍這套電影的最佳男主角人選,紛紛大讚他「仲靚仔過Edison,要膠時又可以膠,又可以靚仔」、「可以完美取代希叔個角色」、「我都揀煨sir,靚仔得嚟又正氣」等等,不過有網民就話搵Jeffrey做男主角的話,就不能加阿Wing一齊拍,要改為加阿正,仲一定要搵阿正做「癡女Miss」!

Collar 網民都大讚Jeffrey俊俏的外表拍得住當年的Edison。
網民都大讚Jeffrey俊俏的外表拍得住當年的Edison。(圖片來源:[email protected]

Frankie被指最靚仔但太乖

而第二個網民最Buy的男主角人選較為令人意外,就係MIRROR成員「皮皮」Frankie(陳瑞輝),在網民的討論中,支持Frankie做男主角的人比姜濤更多,不少網民認為論顏值的話,Frankie絕對不比Edison差,而且Frankie仲係暖男一名,只係形象太乖,同Edison當年走的壞男孩風格完全不同。此外,P1X3L成員George(歐鎮灝)就被網民指在給人的感覺上頗似當年的Edison,因此亦有不少網民建議搵他做男主角!

Collar Frankie憑顏值成為第二個最多網民支持的男主角人選。
Frankie憑顏值成為第二個最多網民支持的男主角人選。(圖片來源:[email protected]
Collar 雖然也有網民提名姜濤,但支持者卻不及Frankie多。
雖然也有網民提名姜濤,但支持者卻不及Frankie多。(圖片來源:[email protected]_show)
Collar 有網民就話George一出道個Feel已經好似Edison!
有網民就話George一出道個Feel已經好似Edison!(圖片來源:[email protected]

撰文:東方新地圖片來源:新傳媒照片庫、[email protected][email protected][email protected][email protected]

讀者留言