Do姐

Do姐玩體罰 扭陸永耳仔

「Do姐」鄭裕玲日前同「農夫」陸永、C君拉隊為新節目《Do姐有問題》宣傳,節目上邀請嘅嘉賓包括森美、朱千雪、岑麗香、陳煒同「泰國通」胡慧沖等都有現身助陣,現場見陸永因為講錯一句說話畀Do姐扭耳仔,問佢哋係咪成日畀Do姐扭耳仔?C君搞笑答:「通常會係掌摑多一啲!」

撰文:東方新地|圖片:新傳媒圖片庫、Do姐IG

Do姐 開心添食五集

講到今次新一輯《Do姐有問題》最特別嘅地方,Do姐話係多咗好多旅遊資訊:「今次去咗好多地方,最開心係原定20集,未出街已經決定加多五集。」農夫更笑言今次再同Do姐合作,火花大到好似火災一樣,更「大膽」話對足Do姐咁多集有如身處「煉獄」︰「係練習控制情慾,因為要對住一個咁靚嘅人!」

Do姐
上年Do姐同農夫以《Do姐再Shopping》攞到「最佳節目主持」獎,今年再接再厲,拍第二輯《Do姐有問題》,更添食到25集。
Do姐
Do姐話今次《Do姐有問題》會去好多唔同嘅地方。

「對住我哋係放棄」

過往節目中農夫經常激嬲Do姐,令Do姐發火,問到佢哋今次節目會唔會搞到Do姐好激氣?C君答:「點會激氣?對住我哋應該係放棄!」陸永就話:「我哋讚佢演技好再擊倒佢,咁算唔算激佢呀?」之後現場玩遊戲時,Do姐用完氧氣罩後諗住畀第二個繼續用,點知陸永彈出一句:「仲用得?」即刻畀Do姐狂扭耳仔!問佢哋係咪成日畀Do姐扭耳仔?C君搞笑答:「都唔係成日嘅,通常會係掌摑多一啲,扭耳仔就間唔中啦!」

Do姐
嘉賓之一嘅「泰國通」胡慧沖喺泰國搵來當年由Do姐主演、人手畫嘅《最佳男朋友》電影海報送畀Do姐,令Do姐好驚喜。
Do姐
Do姐用完氧氣罩後諗住畀第二個繼續用,點知陸永彈出一句:「仲用得?」即刻畀Do姐扭耳仔!

有片睇:

忘記《流氓大亨》劇情

由Do姐主演的經典神劇《流氓大亨》最近正喺深夜重播,但Do姐話因為重播時間太夜,所以冇收睇,仲話:「我唔記得劇情,淨係記得最尾嗰場萬梓良喊足分幾鐘。」陸永賣口乖話:「我有睇,原來Do姐演得好好!」Do姐立即發火狂鬧:「你去死啦!咩原來!入面咁多位女主角演得最好係咪我先?」陸永即刻補鑊話:「戲入面有咩我都唔知,我淨係睇到你,嗰日我喺化妝間睇,大家都話你真係超晒班!」

Do姐
Do姐喺活動上搵嚟陳煒、岑麗香、朱千雪三位女神做嘉賓,仲有森美做司儀。
岑麗香 Do姐
岑麗香否認大肚嘅傳聞,話自己雖然心急想有喜,但都要順其自然。
陳煒 岑麗香 朱千雪 Do姐
當朱千雪知道活動上食嘅蛋卷係用黑螞蟻所造,即刻乸晒口面,話:「知道嗰一刻已經即刻唔想食,好驚、好奇怪!」

延伸閱讀:

《周遊東京》周奕瑋 7大優點完勝杜如風