呂爵安

Edan呂爵安羅浮宮前Rap《Paris嘅Gang Gang》 嚇親粉絲:我偶像CLS我驚驚

最新娛聞

廣告

Edan呂爵安@MIRROR繼早前現身法國巴黎時裝周上台彈琴外,原來仲在羅浮宮前拍了個MV,將《天水圍Gang Gang》改詞翻唱成《Paris嘅Gang Gang》,零偶包的Edan在遊客勝地忘形Rap歌,盡顯「只要你唔尷尬,尷尬嘅就係人哋」,網民同粉絲睇完條片即引爆熱話,有人更押韻回應Edan。

呂爵安 Edan 技能解鎖後,Edan 得到「無恥便無敵」技能,在羅浮宮前將《天水圍Gang Gang》改詞翻唱成《Paris嘅Gang Gang》。
技能解鎖後,Edan得到「無恥便無敵」技能,在羅浮宮前將《天水圍Gang Gang》改詞翻唱成《Paris嘅Gang Gang》。(圖片來源:IG@edanlui)
呂爵安 Edan 呢條片製作超級認真,Edan仲搵人剪輯同混音,未睇嘅快啲去睇啦!
呢條片製作超級認真,Edan仲搵人剪輯同混音,未睇嘅快啲去睇啦!(圖片來源:IG@edanlui)

Edan新增「無恥」技能

認真做膠事是Edan本色,剛剛在法國渡過26歲生日後,本色更趨「成熟」,零偶包的他開鎖了新技能「無恥」加面皮幾尺厚,在羅浮宮前將TomFatKi x Billy Choi原唱的《天水圍Gang Gang》,改詞翻唱成《Paris嘅Gang Gang》,拍完呢個新MV,Edan留言話好尷尬:「前一日喺Fashion Show彈E先生嘅Edan,搖身一變,化身成『落機E』,喺羅浮宮同大量遊客面前Rap佢嘅第一首自己填詞嘅改編作品『Paris嘅Gang Gang』,尷唔尷尬?梗係尷尬啦。但係『只要你唔尷尬,尷尬嘅就係人哋。』羞唔羞恥?梗係羞恥啦。但係『人無恥,便無敵。』所以,我做到。」

呂爵安 Edan Edan除咗條片引爆熱話之外,仲呂老師上身寫咗兩條大道理教大家,教大家知如何做到「人無恥,便無敵」。
Edan除咗條片引爆熱話之外,仲呂老師上身寫咗兩條大道理教大家,教大家知如何做到「人無恥,便無敵」。(圖片來源:IG@edanlui)
呂爵安 Edan Edan仲送上自己改的歌詞。
Edan仲送上自己改的歌詞。(圖片來源:IG@edanlui)
呂爵安 Edan Edan仲拉埋同行的髮型師、化妝師、阿妹同助手等陪佢癲。
Edan仲拉埋同行的髮型師、化妝師、阿妹同助手等陪佢癲。(圖片來源:IG@edanlui)
呂爵安 Edan Edan真係唔要偶包。
Edan真係唔要偶包。(圖片來源:IG@edanlui)

粉絲留言大叫偶像CLS

Edan在法國當街 Rap歌玩到咁大,段片剪輯後放上社交平台,旋風式吸引超過10萬like,留言更高達三千幾個。網民同粉絲見Edan咁落力,都留言,「個偶包係咪漏咗喺羅浮宮」、「我偶像CLS我驚驚」、「CLS!我偶像真係CLS」、「我終於明白『自己唔尷尬尷尬就係人哋』我真係睇到好尷尬」、「喂大佬你MIRROR嚟㗎」、「我偶像真係#黐線佬唔係扮㗎喎」、「CLS Idol 你絕對係第一人」、「不如派台推到入十大」,而隊友大表哥Stanley就話:「好彩嗰邊冇咩人識MIRROR」,仲有Jeremy笑佢:「宜家打份工原來咁辛苦」。

呂爵安 Edan Edan今舖玩到咁大,MIRROR啲兄弟有嘢講,大表哥Stanley留言。
Edan今舖玩到咁大,MIRROR啲兄弟有嘢講,大表哥Stanley留言。(圖片來源:IG@edanlui)
呂爵安 Edan Jeremy都忍唔住。
Jeremy都忍唔住。(圖片來源:IG@edanlui)
呂爵安 Edan 有網民押韻回應Edan。
有網民押韻回應Edan。(圖片來源:IG@edanlui)
呂爵安 Edan Edan零偶包深得網民同粉絲歡心,今次玩二次創作翻唱加Rap,仲要當住咁多人喺旅遊勝地表演,個個都寫個服字比佢。。
Edan零偶包深得網民同粉絲歡心,今次玩二次創作翻唱加Rap,仲要當住咁多人喺旅遊勝地表演,個個都寫個服字比佢。。(圖片來源:IG@edanlui)
呂爵安 Edan 有粉絲話Edan係黐線佬唔係扮。
有粉絲話Edan係黐線佬唔係扮。(圖片來源:IG@edanlui)
呂爵安 Edan 網民話Edan膠出國際。
網民話Edan膠出國際。(圖片來源:IG@edanlui)

《Paris嘅Gang Gang》VS《天水圍Gang Gang》

黐線事件有上集

其實早前Edan在法國巴黎出席時裝周已上演了「第一件黐線事件」,就是在Fashion show場地彈《E先生》,當佢見到現場個三角琴而身邊有人提議他去彈,佢竟然膽粗粗做咗,更將條片放上IG留言:「我第一個反應真係:『你都CommentLikeShare,咁多名人喺到我上去獻醜?一陣seven咗就真係seven出國際喎!』不過之後又諗,其實都有人上咗去玩,同埋難得嚟到,唔玩吓唔試吓過吓癮?況且外國人咁freeeeee應該冇乜所謂嘅!萬一真係seven咗,講真,都冇人知我乜水啦!於是就唔知哪來的自信當住咁多人面前上去彈。其實都真係大癲,what an experience好彩冇比保安抬走姐。以後可以同個孫講:『你阿爺試過喺巴黎時裝秀到自彈自唱E先生。』」玩到咁大,香港樂壇中Edan應該係第一人。

呂爵安 Edan 其實黐線事件有上集,Edan早前 在Fashion show個場地彈《E先生》。
其實黐線事件有上集,Edan早前在Fashion show個場地彈《E先生》。(圖片來源:IG@edanlui)
呂爵安 Edan 上台彈琴冇被保安人員帶走, Edan仲話彈完有外國人邀請佢出席六月的Fashion show。
上台彈琴冇被保安人員帶走, Edan仲話彈完有外國人邀請佢出席六月的Fashion show。(圖片來源:IG@edanlui)
呂爵安 Edan Edan在法國渡過26歲生日,貪玩性格更上一層樓,即場扮演「中東油王安」。
Edan在法國渡過26歲生日,貪玩性格更上一層樓,即場扮演「中東油王安」。(圖片來源:IG@edanlui)
呂爵安 Edan 由入行至今Edan都係零偶包,呢個素顏頹樣look係粉絲至愛。
由入行至今Edan都係零偶包,呢個素顏頹樣look係粉絲至愛。(圖片來源:IG@edanlui)
呂爵安 Edan 首次參與劇集《大叔的愛》演出,Edan已經豁出去,將肌肉新娘演繹得淋漓盡致。
首次參與劇集《大叔的愛》演出,Edan已經豁出去,將肌肉新娘演繹得淋漓盡致。(圖片來源:IG@edanlui)
呂爵安 Edan 呢個河童頭,除咗Edan之外應該冇明星藝人夠膽公開示人。
呢個河童頭,除咗Edan之外應該冇明星藝人夠膽公開示人。(圖片來源:IG@edanlui)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@edanlui、YouTube@EdanLuilove1314