Heidi三點式湊米芝蓮囡囡

澳門賭業猛人兼太陽娛樂文化老闆周焯華(洗米華),事業愛情兩得意,有位正印陳慧玲(Heidi)外,又同紅顏知己Mandy Lieu打得火熱,雖然Heidi早前宣告決定同洗米華離婚,不過在早前一個生日派對上,洗米華喺台上公然攬實Heidi,合唱情歌,Heidi又感動到眼濕濕,似乎有轉機!不過復合仍是未知之數,但Heidi繼續盡人母責任,陪幼女四出遊玩。

延伸閱讀:

Heidi對於洗米華左右逢源一於少理,只希望自強不息,湊好小朋友,日前她便穿着火辣辣的紫紅色bikini,陪住幼女Damiana玩水。

眾所周知,Heidi衣着品味不俗,當然身形亦都keep得好弗,喺佢上載嘅曬太陽bikini照可見,Heidi肌肉結實,而且線條優美,生咗兩個小朋友依家keep得咁好,又難怪要晒!

其實早前Heidi以永遠榮譽主席身份,盛裝出席由陳山聰、郭政鴻等人成立的舞獅團體、「國際獅兄弟同學會」舉辦慶祝活動,當日Heidi穿着黑色deep V晒胸、下身就短裙晒腿,舉手投足勁風騷,輕易成為全場焦點!

而自從洗米華高呼「周太只有一個」,仍未見經常「被讀者爆料」嘅Mandy發功,敗走?應該冇咁易啩!

全文完