ISWIM

ISWIM|劇情大暴走網民力數7大膠位 全套劇勁多錯處逐項捉

最新娛聞

廣告

ViuTV重頭劇《ISWIM》有男神騷肌又有兩大女神坐鎮加入愛情線,開播前已經成為討論焦點,播出一周收視理想有5.8點,有望打破《大叔的愛》收視紀錄。本周去到劇情高潮位,網民卻批有大量bug位,當中以第7集的劇情暴走得最誇,由熱血青春劇變成周星馳笑片,網民批狠:「仲膠過《大冬瓜》同《十兄弟》」、「又係第二星期就崩壞﹗」忠粉都話睇唔到落去。

ISWIM|第二周就崩壞?﹗ Miss翁失聯 李馬榮演大焦的愛

《ISWIM》一共10集,今周進入第二周,第6集( 18日)Miss翁(吳海昕飾)忽然失聯,連學校同焦Sir(楊偉倫飾)都搵佢唔到,擔心之下,與李馬榮(呂爵安飾)分別到Miss翁寓所附近四圍搵下落,卻見到Miss翁與一男伴齊齊返家並上樓,焦Sir同李馬榮頓成「同是天涯同落人」,又相擁又派心心突變奏演「大焦的愛」。呢集觀眾已經睇到好尷尬,原來「戲肉」在後。

iswim 李馬榮同焦Sir忽然聯成一線對付「情敵」﹗
李馬榮同焦Sir忽然聯成一線對付「情敵」﹗(圖片來源:ViuTV《ISWIM》截圖)
iswim 上演「大焦的愛」?﹗
上演「大焦的愛」?﹗(圖片來源:ViuTV《ISWIM》截圖)

第1個膠位 除啟賢5師生 全部壞人

網民鬧爆bug何其多,力數5大膠位。第1個膠位,余浪沖(魏浚笙飾)、李馬榮(呂爵安飾)、班長(吳啟洋飾)及黃亞樂(邱士縉 飾)組成最強校隊出戰冠中,然而對方敵意明顯,校隊感受到作客的壓力外,更要面對眾多不公待遇。 啟賢到冠中作客被多番刁難,上至校長下至旁述的嘴臉及偏私行為都異常誇張﹗啟賢校長明明相當重視呢次作客賽,最後卻只派Miss翁拖四子比賽。網民睇到搲頭問:「友誼賽點解只請一間學校?」、「導演、編劇都唔做功課?Hea成咁﹗」

iswim 更衣室不但臨時被霸,連出賽時間都一改再改﹗
更衣室不但臨時被霸,連出賽時間都一改再改﹗(圖片來源:ViuTV《ISWIM》截圖)
iswim 啟賢泳手只能去又黑又亂的雜物房換衫兼當作休息室﹗
啟賢泳手只能去又黑又亂的雜物房換衫兼當作休息室﹗(圖片來源:ViuTV《ISWIM》截圖)
iswim 冠中校長包庇又偏幫自己學生,一副嘴臉更衰到冇人有,堂堂一個Band 1校長竟然咁﹗
冠中校長包庇又偏幫自己學生,一副嘴臉更衰到冇人有,堂堂一個Band 1校長竟然咁﹗(圖片來源:ViuTV《ISWIM》截圖)

第2膠位 黃亞樂單腳游贏對手

黃亞樂(邱士縉飾)出賽前被冠中同學刻意撞傷倒地負傷上陣,在大落後下游最後一棒,最後以單腳高超技術反超前勝出。網民指:「Stanley呢招單腳游水膠過大台破冰轉身﹗」、「一直要人扶住行,忽然游得咁勁,上水彈上嚟嗰下都呃唔到人啦﹗」、「Stanley雖然喺呢一幕好正,不過劇情真心膠﹗」

iswim 黃亞樂比賽前被冠中學生故意撞傷倒地﹗
黃亞樂比賽前被冠中學生故意撞傷倒地﹗(圖片來源:ViuTV《ISWIM》截圖)
iswim 黃亞樂起身都要人扶住行﹗
黃亞樂起身都要人扶住行﹗(圖片來源:ViuTV《ISWIM》截圖)
iswim 負傷上陣,左腳腫到豬蹄,單腳自由泳游贏對手﹗
負傷上陣,左腳腫到豬蹄,單腳自由泳游贏對手﹗(圖片來源:ViuTV《ISWIM》截圖)

第3膠位 Band 1學生後巷秒變黑社會

冠中不滿輸比賽,在後巷前後包抄、拎住「架生」截停啟賢泳手,著住校服兼當住Miss翁前打交﹗在混亂中本來兩手Fing Fing的Miss翁大叫跌咗銀包,余浪沖(魏浚笙飾)用散錢一招拖延被追打一度成功甩身﹗網民狠批以為睇緊周星馳:「仲膠過《大冬瓜》、《十兄弟》喎﹗」、「忽然變咗逃學威龍﹗」、「Band 1仔變黑社會打人﹗」、「唔係話Band 1仔唔打交,但當住Miss面前又唔摵走校章,真係奇人奇事﹗」、「點解有大街唔行走去行後巷,被追賭數嘅情境嚟喎﹗」等。

iswim Miss翁同4泳手行後巷離開﹗
Miss翁同4泳手行後巷離開﹗(圖片來源:ViuTV《ISWIM》截圖)
iswim 被冠中學生拎住「架生」截停﹗
被冠中學生拎住「架生」截停﹗(圖片來源:ViuTV《ISWIM》截圖)
iswim 余泳沖幫Miss翁執番個銀包,將裡面啲錢拋出來去拖延被追打,網民嘲好周星馳﹗
余泳沖幫Miss翁執番個銀包,將裡面啲錢拋出來去拖延被追打,網民嘲好周星馳﹗(圖片來源:ViuTV《ISWIM》截圖)
iswim 報仇雪恨的冠中同學見錢即執,果然中咗余浪沖之計﹗
報仇雪恨的冠中同學見錢即執,果然中咗余浪沖之計﹗(圖片來源:ViuTV《ISWIM》截圖)

第4膠位 因為愛學校所以打人﹗

5人走咗入掘頭巷,咁啱施詠(袁澧林 飾)路過,開鎖門才成功營救5人,施詠講原來帶頭打人的是其哥哥(林家熙 飾),指哥哥唔係壞人,只係太愛學校唔想輸,為咗學校先去打人﹗網民狂插歪理:「編劇炒得﹗」、「佢唔講個原因仲好﹗」、「最正係呢單嘢就咁一筆勾銷,Miss翁唔報警,執咗錢嘅打人同學又肯算數,仲肯還番啲錢,膠中之膠﹗」。

iswim 被追截到掘頭巷﹗
被追截到掘頭巷﹗(圖片來源:ViuTV《ISWIM》截圖)
iswim 全靠袁澧林出手相救﹗
全靠袁澧林出手相救﹗(圖片來源:ViuTV《ISWIM》截圖)
iswim 袁澧林解釋哥哥Locker因為愛校而打人﹗
袁澧林解釋哥哥Locker因為愛校而打人﹗(圖片來源:ViuTV《ISWIM》截圖)

第5膠位 李馬榮上獨居Miss屋企療傷

李馬榮單人送Miss翁返歸,臨走時被Miss翁發現手流血受傷,帶他上樓包紮。網民鬧爆:「硬加師生戀,睇到反白眼﹗」、「包紮完仲煮埋飯,天黑喇喎Miss﹗」、「Miss留學生食飯,仲同學生講自己感情事,有冇再奇啲﹗」

iswim Edan全程護住吳海昕,捉住人隻手逃跑﹗
Edan全程護住吳海昕,捉住人隻手逃跑﹗(圖片來源:ViuTV《ISWIM》截圖)
iswim Miss翁幫李馬榮包紮傷口﹗
Miss翁幫李馬榮包紮傷口﹗(圖片來源:ViuTV《ISWIM》截圖)
iswim 仲煮埋飯同李馬榮撐枱腳,仲互講心事﹗
仲煮埋飯同李馬榮撐枱腳,仲互講心事﹗(圖片來源:ViuTV《ISWIM》截圖)

5大膠位以外集集都有Bug

除了上述第七集的5大膠位外,亦有網民整合每集吐槽位,不同大小犯駁位都有。例如:第一集A班學生年齡問題,對白前言不對後語,難道A班集體留班一年?明明C班課室得大約20人,但去到賽場突然變成30多人,其他同學係咪走堂? Edan深夜學校Gym房夜會Miss翁,點解學校會俾學生留到咁夜,而Gym又只得一組器材?

ISWIM Edan深夜密會Miss翁一幕令網民質疑,為何學校讓學生逗留至深夜,而且gym只得一組器材?
Edan深夜密會Miss翁一幕令網民質疑,為何學校讓學生逗留至深夜,而且gym只得一組器材?(圖片來源:[email protected]

除了數字上的出錯,網民更點出其他不合理地方,例如:明明泳池是觸池式計時,卻要安排工作人員拿秒錶計時,而且工作人員是站在泳手背後而非對岸計時。明明是男校游泳比賽,卻出一大批身穿便服的女學生入場支持,難道場地保安有問題?大秋(George@P1X3L)竟然可以比賽途中站在池邊為隊友打氣,應該會被趕出場先係。

ISWIM 男校游水比賽隨便放女支持者入場,難道場地保安有問題?
男校游水比賽隨便放女支持者入場,難道場地保安有問題?(圖片來源:)(圖片來源:[email protected]
ISWIM 有社交平台專頁整合《I SWIM》各集吐槽位。
《I SWIM》每集都俾網民搵到不合常理的地方。(圖片來源:[email protected]

膠位原來暗藏玄機﹗ 「愛學校保衛學校而打交」弦外之音?﹗

網民鬧得最甘的其中一個膠位,有指暗藏玄機,大家解讀成有一深層含意﹗網民更指:「唔通畫公仔畫出腸咩?」、「睇吓有幾多人get到?」。

iswim
(圖片來源:FB@VIUTV截圖)
iswim
(圖片來源:FB@VIUTV截圖)

撰文:東方新地圖片來源:ViuTV《ISWIM》截圖資料或影片來源:YouTube@ViuTV

讀者留言