魏浚笙

ISWIM|Jeffrey魏浚笙彈琴冧袁澧林 網友:個角色根本係寫畀Edan

最新娛聞

廣告

ViuTV熱播劇《I SWIM》今晚(7月20日)第8集將搵來ERROR成員肥仔(梁業)客串,劇中講到他為爭奪袁澧林(Angela)歡心,同Jeffrey(魏浚笙)大鬥琴技兼大耍功夫,場面搞笑又浪漫,不過睇到Jeffrey彈琴一幕,有不少網友都話「個角色根本係寫畀Edan」!

《I SWIM》魏浚笙Jeffrey 靠彈琴冧掂袁澧林

在《I SWIM》第8集肥仔將客串飾演一名天才學生,為討好袁澧林大耍功夫又彈琴,但最終仍不敵Jeffrey。肥仔表示他在劇中飾演的天才學生與現實相近:「呢啲功夫現場爆出嚟㗎咋,搞到爆晒汗!加上尋晚先收到劇本,所以我先係天才,頭先場邊貪玩耍幾吓出嚟,點知導演話好啊,咁就成為劇情嘅一部份。」

魏浚笙 施詠在余浪沖的協助下訪問一個天才學生梁業飾),過程中卻彰顯了余浪沖的過人天賦。
施詠在余浪沖的協助下訪問一個天才學生(梁業飾),過程中卻彰顯了余浪沖的過人天賦。(圖片來源:[email protected]

Jeffrey大讚劇情好笑又浪漫

而袁澧林就劇透她和Jeffrey有吻戲,但肥仔說要幫忙做替身,搞到Angela唔識招架:「佢地兩個都係好好錫嘅對像嚟嘅,今次角色都好有正義感,但成日都做埋啲傻事,跟住故事就要靠大家自己睇啦。」而Jeffrey亦有在社交網講到今晚的劇情「好笑又浪漫」。網友都紛紛大讚Jeffrey和袁澧林這對CP十分合襯,但就認為彈琴冧女劇情更適合Edan(呂爵安),認為「余浪沖」這個角色由Edan飾演會更加真實。

魏浚笙 浪漫一曲,終於讓情意相合的兩人終於走到一起,不過呢一幕係咪有啲似層相識?
浪漫一曲,終於讓情意相合的兩人終於走到一起,不過呢一幕係咪有啲似層相識?(圖片來源:《I SWIM》劇照)
魏浚笙 Edan喺《E先生連環不幸事件》同《小諧星》嘅MV入面都試過彈琴冧女!
Edan喺《E先生連環不幸事件》同《小諧星》嘅MV入面都試過彈琴冧女!(圖片來源:《小諧星》MV截圖)

Edan無得彈琴 靠英雄救美冧女

其實Edan和Miss翁(Sofiee吳海昕飾)的師生戀亦有不少支持者,早前有一集Edan英雄救美將吳海昕救起,就睇到網友心心眼。講到「英雄救美」場面,Edan笑言拍攝當日場面好混亂,未及了解吳海昕已被救上岸:「因為佢好『浮』,我都未抱到佢已經上咗去!今次拍呢部劇都狂操,加上怕受傷所以一有時間就要做運動,今次運動量好大,不過返工可以做運動,覺得自己身體係好咗嘅。」

魏浚笙 當日一場英雄救美,成為Edan和Miss翁師生戀的導火線。
當日一場英雄救美,成為Edan和Miss翁師生戀的導火線。(圖片來源:《I SWIM》劇照)

吳海昕心跳加速到爆燈

不諳水性的吳海昕埋位前與導演多次視環境,她坦言做足訓練,加上攝影組已安排救生員及拯救設備,令她安心做戲:「呢個泳池大概有三米深,對於唔識游水嘅人嚟講,係幾驚嘅!我地之前排到好足,大概跌過50幾次,不過如果唔可以一Take過就會好浪費時間,因為要吹乾翻個頭重拍,加上我都唔想吹咁多次,所以呢刻有啲緊張,係成套劇最驚嘅一幕。」幸好最後都順利完成,當導演一停機,Edan更游過去給她「借力」,工作人員亦跳下水以防發生意外!上水後吳海昕自責「跌得唔靚」,幸好導演收貨,自言心跳加速到爆燈:「依家好似練完水咁,個腦空白咗咁!」

魏浚笙 今集C班與Miss翁到野外露營慶祝,探險期間李馬榮卻遇上崩塌意外,令Miss翁擔心得方寸大亂。
今集C班與Miss翁到野外露營慶祝,探險期間李馬榮卻遇上崩塌意外,令Miss翁擔心得方寸大亂。(圖片來源:《I SWIM》劇照)
魏浚笙 吳海昕在社交網出post話係時候夢醒了,亦令唔少網友都好擔心她和Edan的師生戀即將玩完!
吳海昕在社交網出post話係時候夢醒了,亦令唔少網友都好擔心她和Edan的師生戀即將玩完!(圖片來源:[email protected]_ng)

網友期待「大焦的愛」

連Edan都話自己對住Miss翁時:「小『馬』亂撞,榮榮mola mola!」但原來比起師生戀,眾多網友都更期待「大焦的愛」,話覺得焦Sir(楊偉倫飾)同Edan之間好有火花,亦有不少網友都搞笑話以為李馬榮(Edan)的真愛係余浪沖(Jeffrey)/黃亞樂(Stanley)/班長(Phoebus)/Locker,選擇非常多。

魏浚笙 「大焦的愛」大受網友歡迎,希望可以延伸去電影版。
「大焦的愛」大受網友歡迎,希望可以延伸去電影版。(圖片來源:[email protected]
魏浚笙 連Locker都被網友睇好同Edan有感情線!
連Locker都被網友睇好同Edan有感情線!(圖片來源:[email protected]
魏浚笙 余浪沖同黃亞樂更被指係Edan真愛!
余浪沖同黃亞樂更被指係Edan真愛!(圖片來源:[email protected]

即睇《I SWIM》天才肥仔震撼登場:

咁天才嘅肥仔竟然輸畀余浪沖?

撰文:東方新地圖片來源:《I SWIM》劇照、[email protected][email protected][email protected][email protected][email protected]_ng資料或影片來源:[email protected]

讀者留言