如果大台拍《IT狗》會點?網友聯合創作《IT有情人》原來已經拍過?

最新娛聞

廣告

ViuTV以創科做背景的劇集《IT狗》雖然只有短短20集,但因為採用一班演技出眾的新演員、加上劇本計有心思,深得網民熱烈討論,甚至沿用劇中提及的「大台理論」,想像如果此劇交由大台編導處理,會有哪些「套路」會出現?講到似層層,但其實早在2017年TVB亦有製作過一齣獲得香港科學園全力支持協助拍攝的20集倉底劇《堅離地愛堅離地》⋯⋯

網民熱議大台版本《IT狗》「套路」劇情暴走

連登討論區網民發起「如果大台拍《IT狗》會點?」的帖子,將《IT狗》的人物關係套入「大台理論」,先提出七項必備劇情:

  1. 個名唔會叫《IT狗》,會叫《IT情緣》、《IT有情人》⋯⋯
  2. 「C drive上網大法」IT創科情節是是但但
  3. 只有頭尾幾集同IT有關,其他都係阿信、蒙玲、Shirley三角戀;男女B由冤家變情人,仲要正式拍拖前錯摸上床發生關係先
  4. 阿信同Lou喺貨倉「最後決戰」, 兩個男人打到頭破血流,唔知點解Lou有支槍,最後Lou知錯自殺
  5. Paypayduck被迫到絕路時,信爸突然心臟病死, 阿信跌入人生低谷
  6. 打倒Moby後阿信發現蒙玲先係真愛,但蒙玲要離開香港進修
  7. 2年後Paypayduck攪BBQ,男女B已成戀人, 眾人問佢地幾時結婚,突然發現無買蜜糖, 阿信去買,蒙玲係面前出現
 觀眾要同PayPayDuck道別喇!
劇組要同大家道別,但相關討論仍然熾熱!(圖片來源:《IT狗》截圖)

網友集體創作大台版劇名

除了《IT情緣》、《IT有情人》,網友還建議劇集可以叫做《創科風暴》、《IT風雲》、《IT唔易做》、《IT不要臉》、《愛回家之it速遞》⋯⋯

 「最終決戰時,never終於唔再毒撚,出黎幫阿信擋子彈,Marcus錯手殺左never而內疚吞槍自殺⋯⋯」
「最終決戰時,never終於唔再毒撚,出黎幫阿信擋子彈,Marcus錯手殺左never而內疚吞槍自殺⋯⋯」(圖片來源:ViuTV截圖)

聯合創作《IT風雲》劇情大綱:

一定係會男b同女b再加東邪一個三角感情線,阿信瘋狂比個ex港女煩之餘,又情陷蒙伶之間嘅感情線,再嚟就係主線變咗阿信鬥阿Lou同Marcus,瘋狂嘅法庭同市場爭奪對決,仲有就係萬鈞對決開開老豆,加好多有錢佬世界嘅勾心鬥角,最緊要係,所有電腦畫面係,用Excel砌出黎!

【決鬥】大结局嗰度,仲可以加多場鬧市飛車比阿信同阿Lou;

【認親】《IT狗》Cathy Ho 先係阿信老母,當年因為太有事業心所以同信爸離婚,信爸就呃阿信話老母瓜咗

【報仇】信老豆原本係萬鈞嘅大學同學 萬鈞口中嘅一齊創業兄弟 就係呀信老豆 所以呀信要打敗Ai MOBY就係為咁幫老豆報仇

【反骨】後尾萬鈞知道咗阿信係佢親生仔,打算交哂成個 moby比阿信打理,與此同時阿 Lou 都喺呢個時候知道呢個消息,知道自己大勢以去,正當無計可施之時,萬鈞突然中風入院。Lou夜闌人靜時入院探望,滿身酒氣嘅Lou,在萬鈞床邊訴盡冤屈 「paypayegg 無我有今日!?我無功都有勞!你咁對我!? 」(下刪千字)此時Lou情緒崩潰配上酒精嘅軀使,對萬鈞動咗殺機下手(焗枕頭或抆喉)…..Marcus 病房門口睇水

【墮樓】咁啱俾Cathy ho 見到用手機影低, 又畀marcus 發現,追佢上天台跌落街,手機就跌咗喺後樓梯!

【證據】點知殺人證據條片上咗Cloud,成班Hackers 聯手,喺最後一刻交到畀法庭做呈堂證供,咁先trigger 到大結局!

然後行出法庭,全劇幕前幕後行出嚟跳舞,最後大跳 yeah~~

 有喜歡《IT狗》的攝影師在結局播出後「空想」如果無綫處理之下劇集會變成怎樣光景。
有喜歡《IT狗》的攝影師在結局播出後「空想」如果無綫處理之下劇集會變成怎樣光景。(圖片來源:KEVIN CHENG PHOTOGRAPHY)
 網民認為如果大台拍出來的《IT狗》首先要改名⋯⋯
網民認為如果大台拍出來的《IT狗》首先要改名⋯⋯(圖片來源:IT狗)

台慶劇陣容《IT狗》登上熱搜!

網友提名無綫版的演員名單,淨係睇見人名都已經覺得陣容頂盛!

 有面書專頁提名無線版《創科風雲》(又名《巾幗IT》)的角色名單,網友留言笑稱「個個角色搭車都有
有面書專頁提名無線版《創科風雲》(又名《巾幗IT》)的角色名單,網友留言笑稱「個個角色搭車都有$2優惠」可以節省制作成本。(圖片來源:網絡截圖)

處境劇版 《愛回家之it速遞》

除了劇力萬鈞的《it風雲》,網友仲提議開拍的過千集的處境劇版本:「阿信同阿Lou集集錯摸誤會到完場,Shirley同佢兩個陷入三角戀,最後先發現係誤會又搭膊頭做返好兄弟,劇情每日loop一次」

選角如下:

劉丹 = 信爸
羅樂林 = 萬鈞
terry = never
豹哥 = 阿Lou
張景淳 = 阿信
大小姐 = Shirley

「其他角色在tvb都會變路人甲所以隨便選⋯⋯」

 劇集中《大台理論》最後唔Work,但網友對於當中的「套路」似乎都十分熟悉!
劇集中《大台理論》最後唔Work,但網友對於當中的「套路」似乎都十分熟悉!(圖片來源:IT狗)

無綫版《IT狗》係《堅離地愛堅離地》?

網民熱議大台版創科劇,其實2017年都有在大埔科學員實地取景拍過「創科劇」,劇名《堅離地愛堅離地》,角色有富二代、網紅、程式編寫員、科網騙子,不過劇情就好快進入三角約同埋認親情節,至於大結局情節是這樣的:

 《堅離地愛堅離地》人物關係圖
無綫2017年拍攝的《堅離地愛堅離地》主角張振朗同樣係想改變世界的Programmer。(圖片來源:《堅離地愛堅離地》人物關係圖)
 maxresdefault (11)
《堅離地愛堅離地》結局係「有情人終成眷屬」,毒男脫毒成功示愛。(圖片來源:《堅離地愛堅離地》)

龔嘉欣張振朗三年前首次擔正《堅離地愛堅離地》主角都係阿信?

《堅離地愛堅離地》其實是2017年前拍攝的無綫劇,當時亦是張振朗和龔嘉欣首次擔正男女主角的劇集,本來安排於2019年播出,卻因黃心穎的「安心事件」令劇集放入雪櫃,全劇20集,來到大結局觀眾最關注應該是女主角龔嘉欣究竟情歸何處?值得留意男主角名字「丁信希」,都有個信字,而且去到結局直播宣言「相信夢想 就有希望」都係將主角名字寄託了寓意。

 張振朗一直暗戀劇中女神劉佩玥卻不敢表白,女神同佢講呢啲。
張振朗一直暗戀劇中女神劉佩玥卻不敢表白,女神同佢講呢啲。(圖片來源:TVB《堅離地愛堅離地》結局截圖)

富商爸爸由李國麟飾演

劇情講到龔嘉欣查出陳智燊收買雜誌副編誣陷張振朗,失望之下與陳智燊分手。陳智燊因為與龔嘉欣分手而被取回手中的商業項目,決心不惜一切出人頭地,食碗面反碗底,更向龔嘉欣要求拆夥,並提出以一億買下龔嘉欣的一半股份。龔嘉欣見公司眾人為利益跟隨陳智燊反骨,受到愛情事業雙重困擾,龔嘉欣扮作自暴自棄,實情是想氹有米爸爸李國麟出錢……

 張振朗飾演的「IT狗 」為龔嘉欣打氣。
張振朗飾演的「IT狗 」為龔嘉欣打氣。(圖片來源:TVB《堅離地愛堅離地》結局截圖)
 除了張振朗自己,他更眾動員叫同事一齊拍片支持龔嘉欣。
除了張振朗自己,他更眾動員叫同事一齊拍片支持龔嘉欣。(圖片來源:TVB《堅離地愛堅離地》結局截圖)
 雪妮姐飾演的「Panda媽」都幫手打氣,Yeah!
雪妮姐飾演的「Panda媽」都幫手打氣,Yeah!(圖片來源:TVB《堅離地愛堅離地》結局截圖)
 何遠東由頭到尾都係格仔衫造型的 科技公司職員,角色網名叫做「奇異果博士」。
何遠東由頭到尾都係格仔衫造型的 科技公司職員,角色網名叫做「奇異果博士」。(圖片來源:TVB《堅離地愛堅離地》結局截圖)
 黃心穎飾演KOL。
黃心穎飾演KOL。(圖片來源:TVB《堅離地愛堅離地》結局截圖)
 龔嘉欣留在家中意志消沉,全靠張振朗的鼓勵才能捱過去。
龔嘉欣留在家中意志消沉,全靠張振朗的鼓勵才能捱過去。(圖片來源:TVB《堅離地愛堅離地》結局截圖)

張振朗鼓起最大勇氣Elevator Pitch

在龔嘉欣跌落谷底時,張振朗在旁鼓勵,更帶領眾人拍片叫龔嘉欣振作,令女方深受感動,張振朗想與龔嘉欣發展,不過龔嘉欣擔心與工作拍檔拍拖再受情傷,拒絕了張振朗,估唔到張振朗思前想後終於鼓起勇氣,在電梯內向龔嘉欣深情表白,過去口齒不清又唔識表達自己的毒男,突然脫胎換骨敢於面對自己,講了一大堆情話,令龔嘉欣鬆開防線,張振朗更大膽身體接觸主動咀嘴,大團圓結局Yeah!

 嬲咗自己,將電腦放棄掟落地。
嬲咗自己,將電腦放棄掟落地。(圖片來源:TVB《堅離地愛堅離地》結局截圖)
 毒男將電腦放棄。
毒男將電腦放棄。(圖片來源:TVB《堅離地愛堅離地》結局截圖)
 無綫版的Elevator Pitch!
無綫版的Elevator Pitch!(圖片來源:TVB《堅離地愛堅離地》結局截圖)
 「生命影響生命」,講梗自己心中最愛。
「生命影響生命」,講梗自己心中最愛。(圖片來源:TVB《堅離地愛堅離地》結局截圖)
 原來係講梗有錢女龔嘉欣。
原來係講梗有錢女龔嘉欣。(圖片來源:TVB《堅離地愛堅離地》結局截圖)
 最後仲有片尾彩蛋,一班配角撞破示愛場面,毒男奪得所愛,衝破心魔唔再尷尬。
最後仲有片尾彩蛋,一班配角撞破示愛場面,毒男奪得所愛,衝破心魔唔再尷尬。(圖片來源:TVB《堅離地愛堅離地》結局截圖)

去片睇無綫版

信希(張振朗)喺屋企人嘅鼓勵下,最終鼓起勇氣向子菲(龔嘉欣)表白。而佢嘅表白方式竟然係手持一顆「心臟」喺電梯講出心意!

常見問題

《IT狗》大結局飾演「萬鈞」的演員是誰?

《IT狗》大結局Final Boss神秘富豪「萬鈞」由朱栢謙飾演,曾奪香港舞台劇獎最佳男主角,本劇主要演員陣容包括凌文龍 、 陳漢娜岑珈其Frankie( 陳瑞輝)Stanley( 邱士縉)Lokman(楊樂文)等,其中飾演Johnny仔的鄧子超早已參演過不同電影作品,詳情請看專訪「鄧子超飾Johnny仔 小鬼跳出井底 尋演戲夢」

《IT狗》陳漢娜Hanna年紀輕輕曾經獲得什麼提名?

答: 陳漢娜Hanna曾經參演首部電影《殺破狠.貪狼》, 飾演古天樂女兒, 憑角色入圍…詳情請看

撰文: 圖片來源:ViuTV、TVB、連登討論區

讀者留言