Janice Man

Janice Man《藍血人》冷豔登場 幫《衛斯理》加晒分?

最新娛聞

廣告

《冒險王衛斯理》第一季《支離人》播完,昨晚大台播出第二季《藍血人》,講述衛斯理與「藍血星人」方天涯的連串科幻歷程。今次單元女主角換上Janice Man(文詠珊),冷豔登場令人驚喜,每次出現都cool到爆別有魅力,亦有連番打戲,會唔會令《藍血人》增加一點分數?

撰文:東方新地|圖片:劇照

余文樂版衛斯理

余文樂版本的衛斯理,演技如何就見仁見智啦,不過小編起覺得起碼樂仔一身衣著夠晒有型,其餘就… 都無謂跟原著或者前人比較啦!

「晶女郎」胡然晒身材

《衛斯理》系列的女主角白素,今次劇集中由「晶女郎」胡然飾演,職業設定為國際刑警,喺劇集中唔多展示到聰明絕頂同身手敏捷的一面,因為最重要的任務,當然就同歷代晶女郎一樣,就係騷身材!

白老大變國際刑警…

劇情方面有讚有彈,但如果話任達華係全劇最有型一人,相信人人都同意!63歲華哥在劇中飾演白老大,原著中白老大為地下組織青幫的長老,在江湖上赫赫有名,武功高強,係個行事瀟灑磊落的大人物。不過今次華哥演的白老大就被設定為國際刑警元老級領導,最後仲要原來係奸角…

Janice Man《藍血人》冷豔登場

第一季《支離人》終於喺負皮如潮下播完,第二季《藍血人》昨晚播出,講述衛斯理與「藍血星人」方天涯的連串科幻歷程。近年主攻電影的Janice Man,拍劇通常只限內地劇,所以今次出現喺大台都幾有話題性!

藍血星人方天涯

Janice Man飾演藍血人方天涯,與同是藍血人的戀人因被因被追殺而失散了幾百年,而且衛斯理小時候曾被佢救回一命!後來方天涯喺衛斯理協助下與戀人重逢,可惜一切都變得不一樣,更引發連場激戰…Janice Man今次冷豔登場令人驚喜,每次出現都cool到爆別有魅力,亦有種外剛內柔的感覺!

雖然角色係外星人,不過Janice Man喺劇中造型大部分時間都同現實一樣,著衫襯到靚一靚,舉手投足都係名模風範!

都難得有少少肉睇吓!

眼影都係藍色

話晒係外星人,Janice Man喺劇中有超越常人的強大力量,飛天遁地、穿越空間都係等閒事,藍血人唔單止血係藍色,仲可以變到全身都藍色,連眼影都要係藍色!

Janice Man今次喺劇集有連番動作場面,對近年行打女路線的JM當然冇難度!雖然有啲動作埸面明顯睇得出係用替身啦。

JM樂仔錫嘴仔

余文樂為救Janice Man中槍,之後由JM一滴藍血救活,勁到連傷口都消失埋,不過最緊要當然係錫嘴仔啦!

古裝仙氣look

Janice Man連古裝look都有!劇情交代番佢幾百年前初來到地球,之後換上一身古代姑娘服飾,梳個靚頭,加埋把扇,仙氣陣陣喎!

張秀文繼續做咪神

喺劇中飾演衛斯理表好「彩虹」的張秀文,喺新一單元故事繼續有份出場,第一集就已經著三點式上陣,一出場就跑跑跳跳勁波濤洶湧~Sammi演技如何就見仁見智啦,不過做咪神晒身材呢方面就肯定合格有餘!

例行公事騷波地

早喺上單元《支離人》中,劇情講述Sammi被支離人林家棟捉住,家棟一句「我點知你身上有無收埋武器」,楚楚可憐的秀文只好就範,慢慢將上衣脫下… 其實無啦啦做咩要有除衫情節呢?不過王大導風格大家都知道啦!

韓風藍血人黃浩然

之前《支離人》有好戲之人任達華及林家棟,今次加入黃浩然做另一男主角,佢飾演Janice Man的戀人、另一個「藍血星人」洛卡,暫時未有太多戲份的黃浩然造型成個韓仔咁,畫晒粗眼線、一大執長曲髮真係唔係人人carry到,真係好在佢夠靚仔…

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言