JC

JC 安志杰女瞓着都識笑

Jessica C.今年3月為安志杰誕下女兒Tessa,一家三口不時於網上晒幸福!日前JC同安志杰抱住愛女及愛犬影全家福,JC產後極速修身,已回復弗爆身形,而Tessa長得十分精靈又活潑,就連瞓着都識笑,人見人愛!

其他文章:

《城寨》拳佬刁蘭情根早種

《城寨》刁蘭抽水 牙佬動L

手腳長又好動

快五個月大嘅Tessa坐於爸爸強壯臂彎中,可以睇見Tessa手腳長長又好肉地,而且五官遺傳媽咪漂亮樣子,尤其雙眼炯炯有神,睇佢坐低都手腳揈揈,亦盡得爸爸運動細胞!JC更晒Tessa生活照,Tessa快五個月大,所以瞓覺時已識轉身,其中一張Tessa啜手指瞓着都笑得好甜,真係好得意!

為女兒扮靚

JC除了工作之外,所有時間都專注湊女,絕對係一個好媽咪!而佢去到邊都抱實女兒,就連食飯點菜都唔捨得放低Tessa!另外,JC更會為女兒扮靚,不時選購唔同類型頭箍,如蝴蝶或花朵型,等女兒更加萌爆!

全文完