JessicaC

Jessica C 生日晒索爆孕照 安志杰騷六舊腹肌

正為老公安志杰佗第二胎的名模Jessica C.(JC),昨日度過其30歲生日,並在個人社交網大晒自己而家的索爆懷孕照!另外,JC老公安志杰亦同時在晚上於個人社交網分享了老婆的靚爆孕照!兩公婆有默契地放閃,認真甜蜜!

撰文:東方新地|圖片:instagram

Jessica C佗緊第二胎

30歲是一般現今女性一個心理關口,名模Jessica C.(JC)昨日30歲生日,她留言表示非常高興,皆因除了已有一女外,仲有個錫到自己燶的老公安志杰,有一個幸福美滿的家庭。而JC亦為老公安志杰佗緊第二胎,而家是31個星期。Jessica C.就為慶祝自己生日,並表達出自己心情有幾咁興奮,大方放出自己的大肚照。今次的大肚照以黑白色為主,有別於一般色彩鮮豔的照片,非常有特色!

手腳依然纖幼的JC,都係一名索爆孕婦!

安志杰哂六舊腹肌 影一家四口照

而老公安志杰亦同時放出一張一家四口的相,相中可見以內衣及內褲上陣的JC露出巨肚,躺在有六舊腹肌半裸的安志杰懷中,而女兒Tessa則輕撫着媽咪的肚,非常溫馨~而另一張則是老婆JC緊緊抱着女兒Tessa,望落女兒同媽咪都有幾分相似,一樣是個美人胚。

安志杰同老婆一樣 愛分享家庭照

事實上,安志杰兩公婆耐唔耐就會放佢地既相或者同囡囡一齊影的相上網,所以不時都可以見到佢地一家人生活得非常幸福快樂,真叫人羨慕~