mc 張天賦

MC張天賦尾場Encore淚崩 《給缺席的人唱首歌》 古巨基初一任嘉賓派利是

最新娛聞

廣告

MC張天賦《 THIS IS MC 》一連三場紅館演唱會,昨晚終於完滿結束,除了現場一萬多位觀眾之外,尾場更做了網上直播,有三十九個國家及地區的樂迷一起觀看,包括填詞人Wyman,雖然身處巴黎時裝周工作中,亦在IG分享全程直播的畫面。

MC壓軸 《給缺席的人唱首歌》送給父親 解釋早兩場未有Encore原因

根據早兩晚Rundown,演唱會最後一首歌是《時侯不早》,不過完場後觀眾仍不肯離去,不停大叫Encore,最終樂隊再度進場,MC再次升上台,他感動一再多謝大家支持,繼而解釋前兩晚為什麼沒有Encore原因:「咁多晚冇Encore,但其實我喺台下面,聽到大家係到叫安歌,其實好心痛,請原諒我,因為我好怕聲音狀態未係最好,我又好擔心唔早啲休息,會影響第二日表現。我又冇咁多歌….今晚最後一晚,我揀咗呢首歌,希望達到歌嘅意思,留俾心入面嗰個人,送俾大家《給缺席的人唱首歌》⋯⋯」雖然沒有說出口,但現場不少觀眾都明白是MC獻給天上的父親,掌聲不斷,而MC亦唱到一半,再次泣不成聲,場面感人。

mc 張天賦
(圖片來源:Warner Music HK)

強忍著淚水唱《單車》尾場數度吐心聲

每晚MC 唱到《單車》時,都強忍著淚水才能唱下去,昨晚也不倒外,昨晚唱《世一》前,MC向觀眾吐心聲,「好開心今年成為第一個係紅館渡過嘅歌手,多謝大家比咗一個可以握手,可以逗利是,可以坐滿100%嘅紅館演唱會我,今日我喺台下,未出場前真係好緊張,今朝起身發現喉嚨好腫,個人好累,沙聲,我真係緊張到想喊,但係我同自己講,唔得!我 一定要撐住,好多朋友食緊炒價嚟睇,我更加不能辜負你哋。今日嘅我,未必係最好嘅我,我必定會繼續努力,努力認識自己,努力學習去進步,多謝大家,我會俾心機,務求可以係大家心目中,做到《世一》!」

mc 張天賦
(圖片來源:Warner Music HK)

超市購物車出動 大收禮物

演唱會來到尾場,MC大年初一先跟觀眾拜年,恭祝大家新年快樂,身體健康、心想事成,繼而全晚毫不留力唱到盡,發揮出最高水準,讓觀眾拍爛手掌。全晚MC都大豐收,期間不斷跟觀眾握手收利是、收禮物,唱《反對無效》時,幾架超級市場手推車,由「吉」車出場,到歌曲完畢,就像去完超市掃貨一樣,三架車堆滿歌迷的利是及禮物,全場氣氛歡樂萬分。

mc 張天賦
(圖片來源:Warner Music HK)
mc 張天賦
(圖片來源:Warner Music HK)
mc 張天賦
(圖片來源:Warner Music HK)

古巨基現身合唱《自我安慰》紅館派利是

第二場年三十晚MC請來Jay Fung做嘉賓,昨晚(年初一)請來了古巨基擔任嘉賓,兩人合唱《自我安慰》,MC指基仔是他兒時聽得最多歌及學習唱歌技巧的對象,所以自己人生的第一個紅館演唱會,不能沒有對方,不過MC在台上跟基仔說起兒時往事時 ,就十分搞笑,不斷自爆以前自己如何於網上下載歌曲,「係我人生聽歌旅程裡面,我成日上網down….」基仔聞言即幫他「兜」: 「 你上網聽到好聽,就買,再轉落個電腦到呀…?」MC : 「係啦…轉落電腦到….我用mp4 機….我剛剛開始鍾意音樂,唔知有咩好聽,所以一次過咩都download哂…..」觀眾大笑MC再次漏口網上download歌,基仔再幫佢兜都兜唔到,MC唯有傻笑直認,「哈哈….大家唔好學我,要支持正版音樂,一定要購買!我嗰時未咁富有,環境未咁許可,所以咩都照聽啦,當時聽得最多就係基仔嘅歌,好多假音,唱歌技巧上面,我好多都係抄基仔學唱歌, 係模彷過程中,基仔係其中一個最多嘅對象,所以MC 唱歌生涯必需有古巨基呢個人!」

mc 張天賦
(圖片來源:Warner Music HK)

由Busking 唱到紅館 古巨基盛讚開創新時代

基仔笑道:「好多謝你咁鍾意我嘅音樂,我要俾利是你,古太話擺咗喺我個袋….」接著基仔忙亂找利是:「我人生第一次做嘅事呀,係紅館台上派利是,希望你愈唱愈勁,期待你以後一次又一次演唱會!好開心可以做你嘉賓, 我哋認識一年多,見到一個好鍾意唱歌嘅人,由busking 唱到紅館,係一個好勵志嘅故事。MC,你哋新一代歌手,係我心目中係好叻,啲人講邊個係邊個接班人,我覺得接班人好老土,唔好講接唔接班啦,其實新一代做音樂好叻嘅朋友,你哋已經創造咗一個音樂新時代,冇任何接唔接班,加油啦!」語畢獲得全場掌聲歡呼聲。

mc 張天賦
(圖片來源:Warner Music HK)
mc 張天賦 到基仔獨唱部份,基仔唱了一首《友共情》,原來台下基仔3歲仔仔古晋匡Kuson)亦有到場支持爸爸,更媽咪及姐姐抱住,開心拍手睇爸爸演出。
到基仔獨唱部份,基仔唱了一首《友共情》,原來台下基仔3歲仔仔古晋匡(Kuson)亦有到場支持爸爸,更媽咪及姐姐抱住,開心拍手睇爸爸演出。(圖片來源:Warner Music HK)

圈中好到場支持

此外,不少圈中好友,在年卅晚及初一兩場到來支持MC ,台下觀眾包括: 佘詩曼、Zpecial、洪嘉豪、陳蕾 、Jeffrey、肥仔@Error、張曦雯、曾樂彤 、Gigi(張蔓姿)、Sabrina(張蔓莎) ,Kayan, tiabs ,Lewsz, Angela(袁澧林) ,黃溢豪 、Byejack 、Nancy(歸綽嶢) 、黃淑蔓、吳君如 、AKA、AMY LO(盧慧敏) 、陳煒 、ANSONBEAN、藍奕邦、釗鋒 、湯怡等。

mc 張天賦 佘詩曼
佘詩曼(圖片來源:Warner Music HK)
mc 張天賦 陳煒
陳煒(圖片來源:Warner Music HK)
mc 張天賦
(圖片來源:Warner Music HK)
mc 張天賦
(圖片來源:Warner Music HK)
mc 張天賦
(圖片來源:Warner Music HK)
mc 張天賦
(圖片來源:Warner Music HK)

曾為父親患癌感自責 MC張天賦參加《造星》為向家人證明能力

張天賦在訪問中透露參加《全民造星2》是因為想證明自己能力給家人睇,張天賦指父親經歷由富裕變到家道中落,又因他讀書成績差,父親決定帶他到加拿大讀書,媽咪卻反對,最後父母離婚,MC覺得自己是間接導致父母離婚相當自責,離婚後爹哋幾近崩潰,但當時張天賦卻未有多留家中陪父,兩年後父親發現患上癌症﹗張天賦再自責自己要負上一定責任﹗張天賦指父親患病後返港,而伯父及姑姐的子女學業成績都好好,令父親不敢面對親戚及朋友,不想受閒言閒語,所以張天賦想透過比賽去證明給家人睇自己係得嘅﹗

mc 張天賦 MC張天賦 張天賦 ash 張天賦一提及已離世的父親不禁落淚﹗
張天賦一提及已離世的父親不禁落淚﹗(圖片來源:《Stephen.傾》截圖)
mc 張天賦 MC張天賦 張天賦 ash
(圖片來源:[email protected]
mc 張天賦 MC張天賦 張天賦 ash
(圖片來源:[email protected]

MC張天賦談喪父淚崩

張天賦話:「我做咗個衰仔廿幾年,唔想再做佢哋口中『唔得』嘅人,想有樣嘢畀爹哋可以喺親戚面前炫耀嘅嘢﹗去叻番次﹗」他指最初參加《造星》時沒有告知家人,直至進入廿強,但父親已在醫院插住喉,張天賦話:「當時爹哋好虛弱講唔到嘢,只可以寫字,佢寫『我好愛你媽咪,好愛你,proud of you』﹗」

mc 張天賦 MC張天賦 張天賦 ash 張天賦提到參加《造星》時正值父親患病在醫院,不禁悲從中來﹗
張天賦提到參加《造星》時正值父親患病在醫院,不禁悲從中來﹗(圖片來源:《Stephen.傾》截圖)

陳志雲問張天賦當時的感覺係點?張天賦話:「感覺好似睇戲咁樣,好細個嘅嘢回帶出番嚟, 同爹哋嘈過交唔生性、爹哋電話唔聽,甚至講過一啲大話嘅畫面出番嚟﹗」張天賦最後《全民造星2》得到亞軍,可惜父親已離開,看不到他決賽。訪問中張天賦談及爹哋幾度流淚,他表示:「講咗唔喊㗎嘛﹗因為爹哋教我男兒流血不流淚,依家喊係好肉酸﹗」

mc 張天賦 MC張天賦 張天賦 ash 張天賦話講過唔會喊,但講到在《造星2》獲得亞軍時,父親已離世再度流淚不止﹗
張天賦話講過唔會喊,但講到在《造星2》獲得亞軍時,父親已離世再度流淚不止﹗(圖片來源:《Stephen.傾》截圖))
mc 張天賦 MC張天賦 張天賦 ash
(圖片來源:《Stephen.傾》截圖)

常見問題

MC張天賦當初為什麼參加《全民造星2》?

MC張天賦曾透露參加《全民造星2》是想證明自己能力給家人睇,指父親經歷由富裕變到家道中落,又因他讀書成績差,決定帶他到加拿大讀書,媽咪卻反對,最後父母離婚,MC覺得…詳情請看

MC張天賦拍過幾次拖?

MC張天賦初戀在中一、二,是女方主動追求戀情維持一星期,後來…詳情請看

圖片來源:有關機構

讀者留言