姜濤追星成功後台睇羅志祥超興奮 AnsonLo腸胃炎喪嘔訪問途中差啲暈低

姜濤化身小粉絲 後台睇小豬又唱又跳

MIRROR 4子昨晚（14日）與羅志祥、陶喆、林宥嘉等人一同出席馬來西亞大型音樂節，其中姜濤偶像羅志祥率先打頭陣登場。難得可以近距離睇偶像演出嘅姜濤，全程都喺後台興奮到跟住一齊跳舞。

姜濤獲偶像羅志祥貼心問候

事後姜濤更將於後台跳舞嘅影片上傳到IG，並留言道：「我終於知道你們（姜糖）平常的感覺了！」令人驚喜的是，竟獲偶像羅志祥貼心問候，他開玩笑問道：「我比較好奇的是 你穿這樣不熱嗎！」的確，姜濤身穿厚衣勁歌熱舞不容易，難怪小豬都關心一下！

姜濤期待邀小豬做嘉賓

羅志祥在接受傳媒訪問時話好高興可以再同姜濤見面，更大讚姜濤每年都有進步，又話如果姜濤只要開口邀請，自己一定會出席做姜濤演唱會嘉賓！聽到偶像願意擔任自己演唱會嘉賓嘅姜濤，即刻笑到四萬咁口，仲話：「好啊，期待吓！」

AnsonLo腸胃炎喪嘔 訪問途中差啲暈低？

難得到大馬演出，4子都趁空擋時間落街食美食，不過Anson Lo就唔好彩，於表演前晚就食到腸胃炎，喺社交平台發文表示自己微燒、胃抽筋、肚痛、作嘔。雖然Anson Lo帶病上陣，但佢依然非常專業，冇影響到於舞台上嘅表現。不過一落台接受訪問嘅時候就開始係咁用手撥風，又不停透大氣，好似熱到就嚟暈咁！

鏡粉大手筆 遠赴大馬支持MIRROR四子

今次MIRROR難得到海外表演，鏡粉都非常大手筆，組團遠赴大馬支持四子。MIRROR四位嘅粉絲都分別穿上唔同顏色開應援服，又帶曬手牌、橫額，非常用心。

&t=318s

即睇更多訪問內容！