MIRROR

MIRROR演唱會2024︱現場直擊尾場5大重點!「大表波」Stanley除衫激曬肌肉

最新娛聞

廣告

尾場《MIRROR FEEL THE PASSION CONCERT TOUR 2024 · HONG KONG》今晚(3日)舉行,除了有成員半裸上陣之外,MIRROR演唱會尾場亦與之前的場次有不少不同的地方,一齊睇睇全晚的各大重點!

MIRROR
(圖片來源:東方新地)

現場直擊MIRROR演唱會尾場各大重點!

MIRROR演唱會2024︱1.Jer、Edan尾場限定驚喜改唱新歌

Jer和Edan連續15場演唱會都分別唱出自己首本名曲《MM7》和《E先生連環不行事件》,不過到今晚尾場二人就突然驚喜改唱新歌,Jer就唱出《JM單身9》,而Edan就唱出與邱鋒澤的合唱曲《一表人才》。

MIRROR
Jer今晚改唱《JM單身9》,繼續High爆全場。(圖片來源:東方新地)

MIRROR演唱會2024︱2. Stanley除外套激曬肌肉

兩年前12子都穿得密密實實,沒有大曬肌肉,不過今年Mirror成員們就大奔放,其中Stanley同AK就輪住大曬肌,超級養眼,成為網民熱討對象。其中由「大表哥」化身「大表波」的Stanley,憑著爆肌終於「紅過羅湖」在內地爆紅,獲內地網民大讚為「吳尊2.0」。Stanley在今晚尾場一於搏到盡,直情除埋外套,赤裸上半身、展示一身結實好身材!

MIRROR
Stanley一出場本身都有穿外套。(圖片來源:東方新地)
MIRROR
唱到興起直情除埋外套,赤裸上半身大騷肌肉!(圖片來源:東方新地)
MIRROR
Stanley跳得開心,台下觀眾們都睇得好開心!(圖片來源:東方新地)

MIRROR演唱會2024︱3. Jer感性分享創作《Dear Children》原因

今次演唱會出場最多的Jer,在演唱個人Solo歌《Dear Children》之前,特意感性分享創作此曲的原因:

我自己都係生活喺呢個城市到,我同呢個城市共同呼吸。我感受到身邊有好多唔開心開朋友。嗰陣我一直好想做一首歌出嚟去鼓勵大家,當你自己寂寞,工作上、愛情上、學業上遇到啲唔如意嘅事都好,你要知道身邊係會有人同你一齊行呢條路,唔會得你自己一個行呢條路。有好多人問我點解呢首歌要叫做「Dear Children」,因為我覺得小朋友嗰種童真、真摯、唔驚自己犯錯,係好值得大家去保留住最童真嘅一面。

MIRROR
Jer感性分享創作《Dear Children》的原因。(圖片來源:東方新地)
MIRROR
(圖片來源:東方新地)

MIRROR演唱會2024︱4. Ian唱團歌唱到泣不成聲

當演唱會去到尾聲,12子齊齊上台唱團歌《We all are》。當唱到大合唱部分時,成員Ian突然唱到泣不成聲,低頭不停深呼吸。唱畢全首歌之後,12子齊齊向觀眾鞠躬道謝,場面非常感人。

MIRROR
Ian唱團歌唱到泣不成聲(圖片來源:東方新地)
MIRROR
唱完《We all are》12子一起向粉絲們鞠躬道謝。(圖片來源:東方新地)

MIRROR演唱會2024︱5. NBA球星將合唱新團歌?

今年MIRROR演唱會將表演中心都放在團員SOLO之上,令到團歌方面值得9首,至首場以來有不少MIRROR團粉都表示失望。今晚到演唱會尾場,12子齊齊上台獻唱《One And All》之餘,更為全新英文歌作宣傳。據知此新歌將會作為世界巡唱的主題曲,從預告片中更可以見到NBA球星Damian Lillard將會一起合作,令粉絲們都表示好期待!

MIRROR
從預告片中更可以見到NBA球星Damian Lillard將會一起合作新歌!(圖片來源:東方新地)
MIRROR
粉絲們都表示好期待!(圖片來源:東方新地)

同場加映:完場鏡粉叫唔停 再上台大唱《BOSS》

演唱會來到最後一晚,一班鏡粉都表示睇到好唔捨得。當MIRROR彩蛋都完埋,一班鏡粉依然堅持不離場、瘋狂大叫,嗌到MIRROR 12子都重新出返嚟,大唱原本Rundown上沒有的《BOSS》,又唱又跳超落力,果然夠曬寵粉!

MIRROR
鏡粉們堅持不離場,為了報答一眾粉絲,MIRROR都即刻上台又唱又跳《BOSS》。(圖片來源:東方新地)
MIRROR
(圖片來源:東方新地)
MIRROR
(圖片來源:東方新地)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:東方新地