MIRROR演唱會 2022

MIRROR演唱會|鏡粉轟ViuTV歛財2千萬會費派得5千飛抽籤:當Fans係乞衣?

最新娛聞

MIRROR將於今年7月舉行首個紅館演唱會(共10場),大批鏡粉爭相加入官方歌迷會成為MIRO,除了是表示支持之外,相信部分人亦為求搶飛,昨日MIRROR社交平台出post指有2500名額(共5000門票)予鏡粉抽籤,隨即惹來不滿,指供給歌迷會的抽籤門票太少,更有鏡粉留言每人夾一千元籌夠5千萬要求加場。

mirror 演唱會 MIRROR將於7月開一共10場演唱會,官方歌迷會只派得5000飛予鏡粉抽籤引起網民公憤。
MIRROR將於7月開一共10場演唱會,官方歌迷會只派得5000飛予鏡粉抽籤引起網民公憤。(圖片來源:[email protected]

MIRROR演唱會十場派得5千飛抽籤惹怒鏡粉:點解要當fans係乞衣?

MIRROR 7月開首個紅館騷一票難求是常識吧,鏡粉為此加入官方歌迷會希望求得一票,可是日前官方歌迷只撥出2500名額(共5000門票)予MIRO(官方鏡粉)抽籤,隨即惹怒MIRO及網民。其實在此之前,早有報道指今次開辦MIRO,以每人$440年費去計,已集資超過2000萬,所以對於今次的「有限」名額,網民紛紛留言:「點解要當fans係乞衣咁?施捨5000張飛,有幾多人因為咁入左FC?」、「十場先得2500(名額),一場2500(名額)就差唔多」、「cap水cap咗二千萬都算,問題係完全無真正為鏡粉著想過」、「2500 真係想講粗口」。

mirror 演唱會 有鏡粉留言:「點解要當fans係乞衣?」
有鏡粉留言:「點解要當fans係乞衣?」(圖片來源:網頁截圖)

鏡粉怒火中燒豪言:我哋籌夠5千萬畀你,夠開幾多場?你講!

鏡粉不滿官方歌迷會派得5000飛,除了覺得「真.鏡粉」不被重視之外,另一主因就是他們每人以440元年費入會,據知歌迷官會成立3日已有超過5萬人參加。有鏡粉抓住這一點批評ViuTV斂財,並計數指光是歌迷會會費已為ViuTV帶來約2千萬現金流,為何無法舉行鏡粉專場或加場讓真鏡粉入場支持,更豪言集資5千萬要求加場。(詳見下圖)

mirror 演唱會 有鏡粉豪言集資5千萬要求加場。
有鏡粉豪言集資5千萬要求加場。(圖片來源:網頁截圖))

2千萬夠唔夠開紅館?

鏡粉豪言集資要求加場,又指歌迷會歛財2千多萬,到底開一場紅館騷要幾錢?其實都有數得計。
紅館場租是5.5萬或總門票收益的20%,今次MIRROR演唱會票價分$1280/$880/$480,以中位數$880計算,當賣晒12,500個座位(未計受疫情影響而限制入座),總收益的20%大約是2百萬。再加上各方面技術人員人工、台燈聲、樂手、保安、膳食等等,其實可能都有數圍,不過能否賺錢則是非知之數。

mirror 演唱會 如果鏡粉真係集資到2千萬夠唔夠包場呢?
如果鏡粉真係集資到2千萬夠唔夠包場呢?(圖片來源:[email protected]

常見問題

官方歌迷會招收了約多名會員?

據知官方歌迷會成立3日已有超過5萬人入會,而每人需提交440元年費,有鏡粉計數得出光是歌迷會會費已為ViuTV帶來⋯⋯詳情請看

有鏡粉提出為演唱會集資?

有鏡粉為開一場計算出需要集資幾多錢⋯⋯詳情請看

撰文:東方新地圖片來源:網頁截圖、[email protected]

讀者留言