MIRROR

MIRROR Time|MIRROR成員爆喊分享心底話罕有提起2022年事件

最新娛聞

廣告

ViuTV節目《MIRROR Time》在今晚(13日)播出最後一集,12位成員各寫一封「給MIRROR的信」,並且輪流讀出自己的心底話,其中有幾位成員包括Anson Lo等人聽到爆喊,場面非常感人!

MIRROR分享心底話 罕有提起2022年事件

MIRROR 12位成員在最後一集各寫一封「給MIRROR的信」,並輪流讀出心底話。一開始氣氛都尚算輕鬆,但一到壓軸的Jer讀出心底話時氣氛開始變得沉重。Jer感性地表示覺得五年的時間猶如過山車一樣,並罕有提到2022年所發生過的事情:

上年(2022年)對於我哋嚟講都係好難過嘅一年,個人有好多負面情緒,我相信大家都會有。我都知道經歷咗好多事之後,大家都會對生活上或者表演上會有好多壓力,但我都希望大家可以繼續撐住落去。希望我哋同一條船嘅一班人,唔會畀外間嘅任何一個人睇死。

MIRROR Jer做壓軸講出自己心底話。
Jer做壓軸講出自己心底話。(圖片來源:ViuTV《MIRROR Time》截圖)
MIRROR 罕有提起2022年事件。
罕有提起2022年事件。(圖片來源:ViuTV《MIRROR Time》截圖)

Anson Lo喊得最厲害

一聽到Jer提起2022年所發生的一切,部分成員都忍唔住落淚爆哭。其中Anson Lo就喊得最厲害,不但突然躲在Edan背後爆喊,之後更以手袖掩面不斷抽泣,場面非常感人。

MIRROR 本身一開始Anson Lo就躲在Edan背後喊。
本身一開始Anson Lo就躲在Edan背後喊。(圖片來源:ViuTV《MIRROR Time》截圖)
MIRROR 之後又用衣袖掩面狂喊。
之後又用衣袖掩面狂喊。(圖片來源:ViuTV《MIRROR Time》截圖)
MIRROR Alton都扁曬嘴。
Alton都扁曬嘴。(圖片來源:ViuTV《MIRROR Time》截圖)
MIRROR Jeremy都忍唔住喊。
Jeremy都忍唔住喊:「希望將來大家回想起MIRROR時都會係開心嘅回憶,珍惜每一刻相處嘅時間。」(圖片來源:ViuTV《MIRROR Time》截圖)

網民:得Jer提起舊年嘅事

不少網民在節目播出後,都紛紛在討論區留言討論。有網民指出12子中只有Jer提起2022年所發生的一切,大讚Jer夠「Real」:「阿jer咁real」、「得Jer提起舊年嘅事」、「我覺得無正面面對過阿mo呢件事會係大家仍然存在一個心結」等。

MIRROR 阿Mo 阿Mo臥床至今,終於有好消息。
MIRROR 12子一直未有正面回應過紅館墮屏事件,對阿Mo受傷一事亦少有作回應。(圖片來源:[email protected]

姜濤直認大家嗌過交 盼將來對一切無悔

此外,人氣王姜濤的心底話亦成為網民的焦點之一。姜濤在分享時直認大家有曾經嗌過交、價值觀和性格都完全唔同:

「我地來自唔同嘅成長環境,性格相異,喜愛都好唔同。走過呢5年嘅時光,我有時會係到諗或者呢個係上天俾我地嘅課題同考驗。但我希望我可以喺我年老嗰陣,我會好驕傲咁對兒孫講,曾經同過呢班人一齊創造過奇蹟、嗌過交,但係佢哋都一齊開心過、熱血過,完咗演唱會之後呢班人會攬住一齊喊,佢哋對呢一切都無悔。」最後亦表示希望大家都會永遠幸福。

MIRROR 姜濤都感性講出自己心底話。
姜濤都感性講出自己心底話。(圖片來源:ViuTV《MIRROR Time》截圖)
MIRROR 又承認大家都有嗌過交。
又承認大家都有嗌過交。(圖片來源:ViuTV《MIRROR Time》截圖)

Stanley真誠面對「好多質疑和討厭」

輪到「大表哥」Stanley (邱士縉) ,坦言遇到好多質疑和討厭:「有時會覺得我哋太順利,跳咗啲過程,好多嘢無捱過就得到咗。相信依家係出現咗一個難關。老實講由以前一面向嘅追捧,到依家多咗好多唔同嘅質疑同討厭,無論係對於個別定係團體,因為我哋係一體,所以我都唔好過。其實你哋每個有唔同嘅成就,我都係超級戥你哋開心。因為多咗唔同作品,多啲人見到我哋,MIRROR先行前到少少。」

Ian(陳卓賢)態度積極 「相信天道酬勤」

「唯一可以做嘅就係努力做好要做嘅事去報答大家。我相信用一個正確嘅方法努力嘅時候,係會得到回報。好感恩有毫不吝嗇嘅支持者和有共同目標嘅身邊人」

MIRROR
(圖片來源:ViuTV)

Edan 打頭陣:人生暫時只得MIRROR

相對於「12減1等於0」 ,Edan 更加鍾意「12大過1」,因為俗語有云「三個臭皮匠勝過一個諸葛亮」 ,又搞笑補充何況MIRROR有12個臭皮匠,「 多謝mirror,呢五年帶俾好多人嘅快樂,捱過好多難過嘅時間。多謝你哋嘅堅持,努力。希望同Mirror渡過更多個5年!」

没有Mirror ,我們真的什麼都不是。
希望我們可以一起迎接更多的5年,希望
Mirror在我人生中的比重會不斷漸漸地增加,由5分1、變成4分1、3分1、2分1 ⋯⋯
直至我們直的不能有前進為止

MIRROR Edan 以為製作組會安排別人讀自己的信,寫信時也不避尷尬付出真感情。
Edan 以為製作組會安排別人讀自己的信,寫信時也不避尷尬付出真感情。(圖片來源:ViuTV)

Anson Lo讀信感動神徒

至於Anson Lo的信,除了回顧過去的路,最感動神徒的一句是「我依然好感恩,大家願意一齊堅持,因為我每一日都係堅持緊」,他又祝願每一位都可以做到自己希望成為的模樣。

MIRROR Anson Lo 講到「大家要好好保重身體」時特別感觸,眼泛淚光!
Anson Lo 講到「大家要好好保重身體」時特別感觸,眼泛淚光!(圖片來源:ViuTV)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:ViuTV《MIRROR Time》