ft pic

明福俠宣布離開 Leon乘機谷新女

大件事!明福俠剛剛宣布要離開Leon個facebook page喇!明福俠突然現身fb,話將要離開黎明個page,仲開金口唱JC收〈說散就散〉添!自己大把金曲唔唱,係都要唱新女JC隻歌,其實Leon係咪乘機宣傳咋?

延伸閱讀︰

好high呀! 胡定欣《飛虎》全男班開P唱Big Bang

得罪人多 小S寸嘴語錄

明福俠突然宣布將會撤退,唔再留晌黎明個page,Leon講講下仲唱咗兩句,好似依依不捨。網友雖然好唔捨得,但就估計明福俠其實會另外開個新page,晌自己地頭再同粉絲見面。

睇真少少,點解Leon唔係唱自己啲歌,而要唱新女Jennifer Chan (JC)首〈說散就散〉呢?其實Leon晌今年7月澳門個演唱會上,已經正式介紹咗JC,仲俾機會佢上台唱歌。當時Leon話,「今日係暑假第一日,有個啱啱18歲女仔考完試出嚟,佢叫JC,佢會唱首歌,大家唔使畀掌聲佢,因為佢冇乜經驗。」把口唔錫住新女,其實Leon俾好多機會JC,希望唔會又變咗另一個衛蘭啦!

全文完