穎琳

ONE DAY約會實況|KB旗下「公仔女」劉穎琳著旗袍誘Marco 獲讚超有Feel

最新娛聞

廣告

出名擁有滿身紋身,而被封為「公仔女」的劉穎琳(winglam),本身是人氣網紅主持,亦是KB李健宏旗下藝人,近日她現身ViuTV約會節目《One Day 約會實況》,同身為「A0」的P1X3L成員Marco(葉振弘)約會,結果大受觀眾讚賞!

穎琳 Marco在節目中對穎琳又壁咚又攬腰。
Marco在節目中對穎琳又壁咚又攬腰。(圖片來源:YouTube@ViuTV)
穎琳 被攝影師踢爆cut咗機都唔肯放手!
被攝影師踢爆cut咗機都唔肯放手!(圖片來源:YouTube@ViuTV)

《One Day 約會實況》Marco X穎琳 「估唔到咁有火花!」

Marco第13個約會對象係「公仔女」穎琳,節目中穎琳著上性感旗袍同Marco影靚靚寫真,攝影師仲要求Marco對穎琳壁咚又攬腰,搞到Marco超尷尬,唔只心跳加速,仲手都震埋!

穎琳 Marco對穎琳施展壁咚。
Marco對穎琳施展壁咚。(圖片來源:YouTube@ViuTV)
穎琳 穎琳忍唔住笑,被網民指真情流露,暈晒船!
穎琳忍唔住笑,被網民指真情流露,暈晒船!(圖片來源:YouTube@ViuTV)
穎琳 Marco就手都震晒!
Marco就手都震晒!(圖片來源:YouTube@ViuTV)

穎琳收3朵花承諾會繼續同Marco相處

而穎琳似乎亦好欣賞Marco,大讚其反應好得意,仲直言:「我應該鍾意Marco嗰種小男孩嘅怕醜感覺!」最後Marco更送了3朵玫瑰花給穎琳,令穎琳面都紅晒,話好似求婚一樣,好尷尬!事後穎琳話會同Marco繼續嘗試相處和溝通下去,所以才會3朵花都收晒,更直言對Marco有70分心動。

穎琳 Marco送上3朵玫瑰花,穎琳3朵都收晒,話會畀機會同Marco發展!
Marco送上3朵玫瑰花,穎琳3朵都收晒,話會畀機會同Marco發展!(圖片來源:YouTube@ViuTV)
穎琳 收花時穎琳面都紅晒!
收花時穎琳面都紅晒!(圖片來源:YouTube@ViuTV)

Marco直言係「難以想象的夢幻約會」

Marco事後亦表示對今集好滿意,話今次係一個難以想象、夢幻的約會。最後Marco更寫下對穎琳的「真情剖白」:「好開心今日可以遇到你,同你相處真係好開心好chill,Thank You!」

穎琳 事後穎琳po約會相,Marco秒速以心心眼回應。
事後穎琳po約會相,Marco秒速以心心眼回應。(圖片來源:IG@marc_ip)

網民:Sica勁敵出現

而網民這集亦睇得好開心,紛紛留言大讚:「估唔到咁有火花,好sweet」、「今集真係超有feel」、「Macro搞到穎琳面都紅哂,有料」、「好有戀愛感,可以收工了」、「睇到發自內心既喜歡,笑到停唔到口」、「咁多集入面最有戀愛感嘅一集」、「似動咗真情,好襯!」、「真。沉。船。」、「Sica勁敵出現」等等。

穎琳 網民都話估唔到Marco同穎琳會咁夾。
網民都話估唔到Marco同穎琳會咁夾。(圖片來源:YouTube@ViuTV)
穎琳 穎琳亦笑得好甜!
穎琳亦笑得好甜!(圖片來源:YouTube@ViuTV)

穎琳獲讚又靚又可愛

網民亦指穎琳真人同她平日在社交網上展現的Cool爆形象判若兩人,大讚她:「估唔到穎琳幾可愛」、「兩個人都好QQ,winglam性格同佢IG啲相有好大反差」、「頴琳又靚又可愛,好有愛好sweet的一集」、「穎琳真心正,睇KB《彫爆你》已經有留意,個樣好似寸寸貢,但同佢傾過計,性格真心好Nice」等等。

穎琳 兩個人愈影愈有默契。
兩個人愈影愈有默契。(圖片來源:YouTube@ViuTV)
穎琳 非常Sweet!
非常Sweet!(圖片來源:YouTube@ViuTV)

ViuTV仲特別為Marco同穎琳推出咗輯「高質海量甜蜜照」,影到十足結婚相一樣:

公仔女穎琳 曾被KB睇中拍紋身節目《彫爆你》

穎琳自20歲出道成為網紅主持兼模特兒,2021年因拍攝KB以紋身做主題的YouTube節目《彫爆你》,而開始為網民所認識,並成為KB「The Baddies Factory」旗下藝人,2022年,她更孖KB一齊主持ViuTV節目《玩X爆香港地》,擔任「導遊」角色。

穎琳 KB去年推出全新節目,內容全部圍繞紋身。
KB在2021年推出節目《彫爆你》,內容全部圍繞紋身。 (圖片來源:YouTube@KidneyBuster)
穎琳 KB
KB在節目中聲稱搵穎琳是因為與對方之前合作過節目又拍過賀年MV,覺得她很專業,卻被踢爆平時愛看穎琳社交網內的性感照,公器私用。(圖片來源:YouTube@KidneyBuster)

《E娃鬼叫》大膽探靈 IG狂騷噴血相

此外穎琳又曾主持AMM亞洲心動娛樂的網台靈探節目《E娃鬼叫》,在節目中進行不同的探靈活動,展現出大膽的一面,而她的社交網更有大量騷身材騷紋身的噴血照片,吸引到Marco、他的隊友George和ERROR成員保錡等,都Follow了她的IG。

穎琳 穎琳在網台節目《E娃鬼叫》中展現出大膽的一面,曾到有靈異傳說的幼稚園及戲院等地進行不同的靈探活動。
穎琳在網台節目《E娃鬼叫》中展現出大膽的一面,曾到有靈異傳說的幼稚園及戲院等地進行不同的靈探活動。(圖片來源:YouTube@AMM 亞洲心動娛樂 Hong Kong)
穎琳 KB
穎琳的身體有大量紋身。(圖片來源:IG@lauwinglamm)
穎琳 KB
穎琳身形甚fit,難怪會被KB睇中。(圖片來源:IG@lauwinglamm)

即睇《One Day 約會實況》 穎琳性感旗袍上陣:

睇埋穎琳IG其他靚相:

穎琳 KB
穎琳社交網內的性感照絕對引死人。(圖片來源:IG@lauwinglamm)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube@ViuTV、FB@ViuTV、IG@marc_ip、IG@lauwinglamm、IG@viutv、YouTube@KidneyBuster、YouTube@AMM 亞洲心動娛樂 Hong Kong資料或影片來源:YouTube@ViuTV