FeatureSadelle

臭名揚海外上報!偷圖KOL Sadelle刪完留言終道歉

曾經與方力申拍旅遊節目時傳出緋聞嘅KOL兼模特兒Sadelle (楊舒婷)喺網上都頗有人氣,其IG有逾九萬followers,但早前佢被踢爆原來係 Google搵相扮識煮嘢食同去旅行!被人公審完一輪,Sadelle初時就不理「猴子偷圖」、「貪慕虛榮」等留言,將有關相片同留言刪除當冇事發生,點知件事愈演愈烈,仲上埋海外報章,最近Sadelle終於發文道歉,睇下佢點講!

撰文:東方新地 | 圖片:Sadelle IGBuzzFeed.News連登討論區、網上圖片

被指「猴子偷圖」Sadelle即刻Del相

KOL兼模特兒Sadelle樣靚身材正,標緻樣貌、豐滿上圍同白滑長腿通通有齊,但早前就被踢爆係「猴子偷圖」⋯⋯事發後,Sadelle隨即刪除了IG內過百張相片,網民就反應激烈繼續鬧爆!

網民於討論區踢爆Sadelle偷圖,再發文整理事情嘅來龍去脈

Sadelle刪圖後更引嚟網民瘋狂洗版留言!

小Recap:「牛油果KOL」搵完食譜扮識煮

Sadelle IG
網上圖片

不認不認還須認 Sadelle發文道歉

被網民的狠批完,Sadelle貌似醒覺,終於轉口道歉,話自己反思完確實認為自己做錯,承諾唔會再犯,仲話要真係學下煮嘢食喎⋯⋯

Sadelle道歉全文

臭名揚海外 上埋報!

勢估唔到,事情愈鬧愈大,海外媒體BuzzFeed.News亦有報道今次事件。網民更恥笑咁話,搞到臭名遠播,Sadelle先焗住道歉喎!呢層小編就唔知啦~

IG Stories 回應粉絲問題

道完歉之後,Sadelle繼續有喺IG同粉絲互動,挑選咗一啲鼓勵嘅留言嚟回應,多謝佢哋嘅支持。不過佢好似好積極咁刪完一輪留言又終於道完歉,最後補句話「好多嘢唔係佢控制嘅範圍之內」,小編就一頭霧水唔知佢指啲咩喇!

其實唔理佢平時多唔多去旅行、或者有生活品味與否,Sadelle剩係一系列性感靚相已經冇得輸!可惜搞單咁嘅嘢出嚟啦⋯⋯

鐵粉支持 網民唔受

Sadelle道完歉之後,亦有唔少網民留言,獲部分群眾諒解,但亦有網民唔受落,指佢都係為咗搵食先焗住道歉。不過今次Sadelle就醒番少少,冇再DEL留言,仲有讚好部分負評添!

部份網民都支持佢認錯,鼓勵佢改過。
但有啲網民就唔Buy佢道歉,仲提佢未DEL哂啲相啊!

Sadelle樣靚身材又好,之前去南非旅行現真身,今次應該唔係偷圖喇!唔知佢道完歉又洗唔洗到底呢?

關鍵詞
KOL道歉