叱咤樂壇2022 | SoChing親自提阿Mo最新情況 感激隊員及粉絲的包容

SoChing感謝隊員及粉絲的包容

久未有露面的SoChing在後台訪問時表示非常開心可以再與成員們同台：「我都好開心因為都係隔咗半年先可以同7個成員們可以喺舞台一齊表演，亦都好開心有呢個獎，亦好多謝雖然呢半年都冇成對一齊表演都繼續支持我哋。」

談及阿Mo最新情況 男友全力支持SoChing復出

提到SoChing男友阿Mo，SoChing亦表示阿Mo非常支持自己全面復出：「其實我哋一直有一個共識，就係佢都好支持我每一個決定，佢好開心見到我活躍返，呢個亦都係喺佢治療路上一個好大的動力，所以我都相信佢係會好起來嘅，希望大家可以為佢多多祈禱。」

SoChing亦表示可以和阿Mo以Siri溝通，因為阿Mo情況比之前穩定，所以自己才會全面復出：「其實我哋都係經過一段咁長嘅時間，佢嘅情況就好似代禱信所講佢都係穩定嘅，所以我同我男朋友都覺得我應該要有返我自己嘅工作，唔想辜負我嘅成員同歌迷，所以想係新一年同大家見面。」

否認曾經考慮過退團

當被問到曾否考慮退團，So Ching與隊友都馬上否認，阿Marf表示事故後大家都有保持溝通，所以大家都很清楚互相的想法，而且非常信任對方，隊長阿Gao就補充表示COLLAR將會推出新歌，將會在2023年全面復工。

重溫COLLAR 8人落力表演片段：

相關文章

叱咤樂壇2022得獎名單｜盧瀚霆鄭欣宜奪我最喜愛男、女歌手 林家謙4大獎最勁

叱咤樂壇2022 | Anson Lo奪我最愛男歌手驚咗上台 姜濤冧莊我最喜愛的歌曲獎

叱咤樂壇2022｜林海峰惡搞《正義迴廊》 重提去年玩AnsonLo一事驚咗 !

叱咤樂壇2022｜暴瘦So Ching歸隊落力勁舞 COLLAR奪生力軍組合金獎

叱咤樂壇2022 | 林家謙《邊一個發明了ENCORE》奪至尊歌曲大獎

叱咤樂壇2022｜MIRROR+COLLAR同奪組合大獎 鄭欣宜奪女金為大滿貫再下一城