ead6e6a1-e1df-44f9-a914-311a32e69f67

Supper Moment成軍十五年開騷獲「玻璃朱」興奮撐場 主音Sunny大叫:多謝你哋選擇我哋﹗

最新娛聞

Supper Moment在九展舉行一連兩場演唱會,開騷前備受批評,又被指銷售情況不理想和有黃牛飛割價出售等。Supper Moment之前拍片回應網民「搖滾叛徒」和「掛住賺人仔」等指控﹗而演唱會舞台的大螢光幕上出現「標籤」、「宅男」、「傲漫」、「叛徒」,再次回應網絡批評﹗

文:東方新地|圖:Supper Moment官方相片

Supper Moment舞台上的大螢幕出現「叛徒」、「宅男」、「傲漫」等字眼,以控訴被網絡批評﹗(圖片來源:Supper Moment官方圖片)
Supper Moment舞台上的大螢幕出現「叛徒」、「宅男」、「傲漫」等字眼,以控訴被網絡批評﹗(圖片來源:Supper Moment官方圖片)

Supper Moment在批評風波中開騷,兩晚演唱會獲鄭融、[email protected]、林欣彤、梁釗峰以及「玻璃朱」朱庭萱撐場﹗玻璃朱更在IG即時動態分享SM演唱經典歌《無盡》,並tag了Supper Moment的官方帳號﹗

鄭融曾與Supper Moment合作,好友開騷,鄭融撐場並「打咭」,獲Supper Moment官方帳號轉貼﹗(圖片來源:Supper Moment@IG)
鄭融曾與Supper Moment合作,好友開騷,鄭融撐場並「打咭」,獲Supper Moment官方帳號轉貼﹗(圖片來源:Supper Moment@IG)
玻璃朱在IG即時動態貼出Supper Moment唱《無盡》並tag了SM的官方帳號,不過未獲對方轉貼重難山(圖片來源:玻璃朱IG)
玻璃朱在IG即時動態貼出Supper Moment唱《無盡》並tag了SM的官方帳號,不過未獲對方轉貼。(圖片來源:玻璃朱IG)

Supper Moment清唱《風箏》一段作序幕 : 「再抱擁多次 再挽手多次, 再可不可以回到輕吻嘴邊相約點…」之後唱出《靈感牆》及 《點滴》,主音Sunny激動大叫 : 「多謝大家今晚選擇咗嚟呢度!多謝你哋選擇我哋﹗我哋係Supper Moment !」

(圖片來源:Supper Moment官方圖片)
(圖片來源:Supper Moment官方圖片)

Sunny:我知道唔容易﹗

Supper Moment之後一口氣演唱《全世界暫停》、《浪人》、《自由人》、《終於不回來》、《橙海》等歌,Sunny眼紅紅話:「好耐冇見!你哋狂叫,我好鐘意聽,喺度非常多謝大家支持….我知道唔容易!」

主音Sunny愈唱愈激動﹗(圖片來源:Supper Moment官方圖片)
主音Sunny愈唱愈激動﹗(圖片來源:Supper Moment官方圖片)

有觀眾大叫「撐你」Sunny眼濕濕話:「唱到《尋回一碗湯》,我諗起好多嘢,呢十五年喺你哋覺得失意時,我哋嘅音樂無意間支持咗大家…呢兩年疫情大家靜咗落嚟,先知原來幾掛住呢種感覺、掛住喺台上感覺,好掛住你哋!」Sunny 繼續講:「我希望我哋透過音樂、信念,繼續將喺香港做嘅事,繼續發展出去!有啲人可能覺得唔係咁啱,但我哋係會繼續,多謝你哋十五年嚟一直支持。」

Sunny激動爆喊﹗(圖片來源:Supper Moment官方圖片)
Sunny激動爆喊﹗(圖片來源:Supper Moment官方圖片)

Sunny:我哋好努力去搵番自己

安哥時,Sunny話:「準備咗一首新歌,呢首歌代表呢一陣嘅自己,好想好想喺度送畀大家,有時諗番十五年時間,經歷好多低潮、高潮,學識喺低潮時候靜落嚟,去搵番自己。呢幾年所有香港人,我希望透過呢首歌大家一齊去搵番自己,搵番一個善良嘅自己。」Sunny 又話,「我哋幾個亦會好努力咁搵番自己!我地喺會繼續好開心,好努力去做音樂,我地嘅音樂希望帶畀大家力量、開心。」

Sunny自彈自唱新歌(圖片來源:Supper Moment官方圖片)
Sunny自彈自唱新歌(圖片來源:Supper Moment官方圖片)
(圖片來源:Supper Moment官方圖片)
(圖片來源:Supper Moment官方圖片)
(圖片來源:Supper Moment官方圖片)
(圖片來源:Supper Moment官方圖片)
(圖片來源:Supper Moment官方圖片)
(圖片來源:Supper Moment官方圖片)

朱庭萱又名玻璃朱(Bonnie)與「年輕人偶像」曹永廉等藝人相熟,之前MIRROR在九展舉行一連六場演唱會,前輩級兼演唱會稀客古天樂、鄭裕玲、毛舜筠等往捧場,玻璃朱卻指「呢啲樣行落旺角大把啦,大驚小怪」。

朱庭萱言論向來出位。
「玻璃朱」朱庭萱言論向來出位。

內地歌手先叫靚仔有才華

玻璃朱在媒體設立「六場MIRROR演唱會完結,大家感受最深係乜?」投票中,在當中四個選項包括香港終於有偶像、姜濤真係係好靚仔、十二人缺一不可、一代不如一代真係冇興趣,玻璃朱選了最後一項,並留言:「呢啲樣行落旺角大把啦,真係好大驚小怪囉,究竟咩叫靚仔有才華?內地歌手王一博、張藝興呢啲就係哪﹗成班井底之蛙」。

珠璃朱朱庭萱批MIRROR「行落旺角大把」指支持者是井底之蛙
玻璃朱眨完MIRROR,得到友人留言力撐,果然物以類聚。

珠璃朱朱庭萱批MIRROR「行落旺角大把」指支持者是井底之蛙

玻璃朱豪言:我唔想幫佢哋宣傳

玻璃朱批評完MIRROR後,她再出po指「好心啲傳媒就唔好攞我同Mirror放埋一齊抽水啦唔該」,並指「我唔想幫佢哋宣傳呀﹗」不少網民到玻璃朱Facebook鬧爆指她貶低MIRROR,而玻璃朱再發聲留言指自己只是講事實,更#言論自由已死 #唔鍾意塊鏡就要被公審批鬥。

(圖片來源:朱庭萱facebook)
(圖片來源:朱庭萱facebook)

朱庭萱自爆同黃宗澤拍過拖

煮食界KOL「玻璃朱」朱庭萱(Bonnie)自爆跟黃宗澤拍過五個月拖,發展過「姊弟戀」,二人見過雙方家人朋友,她又爆Bosco當時未大紅大紫,收入有限,會借佢架車用,不過出街食飯Bosco都會主動畀錢,所以玻璃朱話會遷就對方食平啲啲。可惜黃宗澤畀唔到安全感佢,最後因誤會而分開咗,玻璃朱指呢次戀情最傷,要飛去日本治情傷,分開後年多重遇,再見亦是朋友。

做過幕前主持無綫節目

她主持過TVB節目《媽媽唔易「造」》。之前她在其個人facebook發表撐元朗白衫人的言論,留言支持警察不接報案電話。新西蘭廚電品牌Fisher & Paykel Hong Kong在官方Facebook發表聲明,與玻璃朱Bonnie終止所有合作,宣布與朱庭萱割席。

珠璃朱朱庭萱批MIRROR「行落旺角大把」指支持者是井底之蛙
朱庭萱IG

新西蘭廚電與KOL「玻璃朱」終止合作

在元朗暴力事件發生後,曾為黃宗澤舊愛、在圈中有不少好友的飲食作家「玻璃朱」朱庭萱,也在Facebook上發表支持白衣人的言論。之後歐洲電器專門店Fisher & Paykel Hong Kong在FB網頁出聲明拒絕與玻璃朱繼續合作:「有鑒於近日玻璃朱朱庭萱 (Bonnie Chu)的言論及立場與本品牌的宗旨背道而馳,故由即日起,本品牌即時終止與玻璃朱Bonnie (朱庭萱小姐)的所有合作!反對暴力、反對鼓吹暴力、祝願傷者早日康復。」

朱庭萱

朱庭萱
玻璃朱IG

朱庭萱質疑「有事又要警察幫?」被反擊

之前玻璃朱曾在社交平台寫道:「你哋咁憎警察,點解有事又要警察幫?上連登call馬仲快啦。」同時表示「某部分市民對黃絲已經忍無可忍,才會用咁激進嘅方法」。言論一出,大批網民立即追擊,不過玻璃朱就繼續反駁:「出糧就要畀人打、畀人X老母?唔好以為納稅大晒。」

朱庭萱

不過後來玻璃朱就一改態度,向大眾道歉,更刪走所有facebook留言。玻璃朱指網民可以杯葛她,但希望不要打壓與其合作的品牌、出版社及煮食網頁。同時網民猜測她撐警原因是現任男友Peter為警察,因此出面力撐。Fisher&Paykel Hong Kong今次的割蓆獲網民留言大讚 ,更「祝業務蒸蒸日上!」

朱庭萱

當時朱庭萱的fb專頁一度暫停並無法顯示,惟Instagram則沒有關掉,仍可以看到她近日的新書宣傳。

朱庭萱
玻璃朱與不少圈中人相熟,林峯是她契細佬。
玻璃朱與楊明曾一起出席飯局。
玻璃朱與楊明曾一起出席飯局。
玻璃朱與曹永廉合照。
玻璃朱與曹永廉合照。
玻璃朱與張栢芝以姊妹相稱。
玻璃朱與張栢芝以姊妹相稱。
玻璃朱言論一向大膽。
玻璃朱言論一向大膽。

讀者留言