TVB證實鍾嘉欣BB生咗BB喇！

Aug 23 - 16:10

早前有傳鍾嘉欣已經秘密在溫哥華生咗B女，但遭樂易玲否認，當時樂小姐話親自打過俾嘉欣，嘉欣透露即將會同老公去旅行，暗示自己未有耐入院待產，而樂小姐仲話月尾會飛去加拿大探嘉欣添！話口未完，今日再次傳出嘉欣生B，而消息係經TVB娛樂新聞報導出嚟，即係得到官方認可啦！恭喜晒呀！

《城寨英雄》終極Boss 原來係三姨婆？

《城寨》砵仔糕老闆歐瑞偉後生勁型仔

自從5月宣佈陀B後，近日屢次傳出嘉欣生B消息，上周嘉欣突然拍短片同大家分享近況，話自己好掛住粉絲，想快啲返香港，但就刻意用公仔遮肚，保持神秘。

今日(23日)下午，TVB娛樂新聞突然報導嘉欣已經生咗！內容指嘉欣老公Jeremy Leung已經停工陪老婆坐月，而嘉欣生B嘅醫院，應該係距離寓所只有10分鐘車程的B.C. Women’s Hospital & Health Centre。雖然得到官方證實，但嘉欣一眾好姊妹如岑麗香、苟芸慧就繼續封口，話要等嘉欣親自公布喎！