TVB

TVB八大新生代女星 邊個最有機會發圍?

TVB近年被指出現「藝員荒」,大家每晚開電視睇劇,睇嚟睇去都係得嗰幾個藝人,似有青黃不接之勢。不過大家都唔使擔心TVB冇哂演員,因為其實有不少90後新生代女星陸續等住發圍!而家就同大家一齊睇睇有邊八位TVB女星準備好突圍而出,在未來星途中發光發亮啦~

撰文:東方新地|圖片:新傳媒、IG

TVB八大新生代女星 邊個最有機會發圍?

余思霆

余思霆於1994年出生,今年只係23歲,於2017年《國際中華小姐競選》奪得冠軍後,立即加入TVB做埋親生女。余思霆有着健康膚色及豐滿身材,加上陽光燦爛的笑容,輕易令人留下深刻印象!雖然有唔少網民話佢個鼻……

TVB
余思霆於2017年《國際中華小姐競選》奪得冠軍後,立即加入TVB做埋親生女

TVB

TVBTVB

余思霆雖然訓練班都未讀,不過立即得到機會在劇集《好日子》演出,而且因為佢廣東話未算純正,TVB特意安排一個在台灣讀書的角色俾思霆,睇得出TVB對佢寵愛有加!

蘇韻姿

蘇韻姿今年24歲,參選《2016年度香港小姐競選》奪得第四名後,隨即加入TVB及接拍第一套劇集《愛·回家之開心速遞》,比起同屆港姐三甲更快有演出機會。蘇韻姿在《愛》中憑「紅衫魚」一角成功入屋,與阮政峰成為頗受觀眾歡迎的情侶檔!

雖然蘇韻姿暫時未有新劇推出,不過以佢在處境劇角色的入屋程度來說,絕對係不容忽視的新星之一,相信前途一片光明!

伍樂怡

伍樂怡(Kelly) 今年25歲,笑容自然甜美,更有人覺得Kelly同那些年「姑姑」李若彤有幾分相似,仙氣程度可想而知!可惜佢喺去年港姐競選三甲不入,好多人都替佢唔抵!

伍樂怡落選港姐後加入TVB成為親生女,早前已有份主持《3日2夜》,之後仲會參演《再創世紀》和《堅離地愛堅離地》等劇集,算係比其他同屆港姐更有機會跑出!

鄺潔楹

現時25歲、於1992年7月2號出生的鄺潔楹,在美國讀完書回港後先加入模特兒公司,然後再加入TVB ,成為娛樂新聞台主播,並因一次機緣巧合下拍攝《3日2夜》繼而被受網民關注及追捧。

鄺潔楹被封為「仙氣女神」,現時佢時不時會喺《愛·回家之開心速遞》曝光,而且已正式加入《學是學非》,做得「是非精」照道理應該都會大把前途!

鄺潔楹浸溫泉,大家都愛看~

劉穎鏇

現時只得20歲的劉穎鏇於1997年出生,喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項,擁有青春無敵的甜美外貌加上模特兒身材,外在條件無得輸!劉穎鏇加入TVB後雖然暫時未有突出表現,不過加入咗《學是學非》吸收主持經驗,作為是非精應該同時會儲到一定人氣!

另外,不得不提今年的重頭劇《兄弟》,劉穎鏇會以女配角身份登場,相信只要劇集出街後反應唔太差,無論其知名度或人氣都會急升,有望獲TVB力捧。

鄧佩儀

現時25歲的鄧佩儀於1992年11月10日出生,唔少人都唔記得佢係2013年中華小姐冠軍,之後簽約給TVB成為親生女,一直都有穩定的劇集數量,被視為被力捧的新晉小花之一。

鄧佩儀在《點金勝手》、《幕後玩家》及《不懂撒嬌的女人》都有不俗表現,可惜之後因拍劇扭傷,令到佢失去參與台慶重頭劇《誇世代》的機會,同時令佢事業發展停滯了一陣子。

《不懂撒嬌的女人》劇照

江嘉敏

江嘉敏相信都唔需要多介紹啦!1994年11月4日出身的江嘉敏現時只係23歲,17歲起已瘋狂拍私影同接拍微電影,近年已經喺多套TVB劇擔當重要角色。去年拜《親親我好媽》純情學生妹形象所賜,江嘉敏成為新一代氣質女神,火速在網絡走紅!

江嘉敏在上年三套劇《親親我好媽》、《不懂撒嬌的女人》、《誇世代》中都有令觀眾有深刻印象,今年佢同樣有三套劇會出街,而且角色位置都相當接近女主角,未來絕對是TVB力捧的花旦。

近年忙於拍劇的江嘉敏,去年成為2017年Google人氣搜尋女藝人,其實佢曾跟《新假期》出過不少Trip,除了去文青feel嘅日本和台灣,仲去過馬爾代夫,大晒身材呀!

馮盈盈

現時23歲的馮盈盈於1994年6月10日出生,在2016年奪得港姐冠軍後,其敢言貼地、甚至有人話係「MK」的形象深入民心,令其曝光率一直都相當之高。之後盈盈與麥明詩及陸浩明一起主持《後生仔傾吓偈》,更令佢因為出位的言論成為「金句王」!

而馮盈盈今年開始更參演劇集,在《果欄中的江湖大嫂》和《白色強人》都有頗多戲份,當中最近出緊街的《果》劇中,觀眾們大讚佢演「小狼女」演得入型入格,年紀輕輕咁快演技就受到肯定,相信佢好快成為炙手可熱嘅TVB新星之一。

雖然盈盈細細粒、嬌滴滴,不過平時都毫不吝嗇晒身材,谷到盡~