AA

ViuTV高層魯庭暉親解吉祥物生bear名字由來 原名被嫌太無聊

最新娛聞

ViuTV吉祥物「生bear」(Sound Bear)以可愛形象深受網民歡迎,早前ViuTV藉著開台5周年推出的限量版「生啤」產品,包括麻雀、毛公仔及小夜燈等,都引來眾多網友狂搶,炒價更高至四位數!原來「生bear」不但個樣係ViuTV董事兼總經理魯庭暉的翻版,連個名都係由魯庭暉親自創作!

文:東方新地|圖:魯庭暉IG、ViuTV圖片及影片截圖

生bear 係bear定係啤?

「生bear」一直被指是照著ViuTV董事兼總經理魯庭暉的樣子創作,日前魯庭暉更在社交網親自講述出「生bear」名字的由來。魯庭暉帖文以「生bear個名」為題,直言同事原本想叫「生bear」做「Viuson」,但被他嫌這個名太正經,所以最後由他親自起名。

生bear
ViuTV的PR一向稱呼自家吉祥物為「Sound Bear」,魯庭暉今次出文就稱呼它為「生bear」,不過看他起名的原意,似乎應該稱呼它做「生啤」?(圖片來源:ViuTV網頁截圖)
MIRROR
ViuTV早前為慶祝5周年送出的「生bear」麻雀大受歡迎,好多粉絲都在魯庭暉的社交網留言跪求ViuTV加推「生bear」產品!(圖片來源:ViuTV影片截圖)

魯庭暉表示:「話說,生bear起源嚟自同事同我講:『你再唔整隻吉祥物,以後同事同媒體一講我哋個台就key你個樣』,我真心驚,所以話好啦好啦你地整啦。整完之後,未知叫咩名,當日個working title叫viuson。我覺得咁叫正經得滯,唔buy。」

生bear
魯庭暉指ViuTV的同事原本想key佢個樣做吉祥物,亦有指「生bear」其實是照著魯庭暉的樣子來創作,圖為魯庭暉在ViuTV初開台時的樣貌。(圖片來源:ViuTV影片截圖)
生bear
網友認為肥嘟嘟呢點的確係幾似!(圖片來源:ViuTV影片截圖)
ViuTV
早前魯庭暉曾與生bear在《ViuTV 5周年:繼續向前》活動上同場現身。(圖片來源:ViuTV圖片)

魯庭暉續說:「我話有冇啲無聊啲嘅名呀。跟住就梗係冇啦,一段時間後,有一日,同事係個WhatsApp同我講仲有兩個鐘就要決定個名,你再冇suggestion我哋就用viuson,咁啱,當晚我同另外一個同事飲緊啤酒,枱面上有呢支嘢,我覺得個啤酒typeface都幾靚,所以就有以上嘅對白。」最後魯庭暉表示:「一切都在混沌裏產生。」

生bear
魯庭暉因為覺得枱面支啤酒個typeface幾靚,所以為ViuTV吉祥物起名「生bear」。(圖片來源:魯庭暉IG)
生bear
由於ERROR節目曾多次炸「生bear」,網友笑指好彩有「生bear」嘅存在,如果唔係就變咗炸魯生。(圖片來源:魯庭暉IG)
生bear
不少網友跪求魯生再推出多啲「生bear」產品。(圖片來源:魯庭暉IG)
生bear
網友更直指魯生同「生bear」好似樣。(圖片來源:魯庭暉IG)

雖然ViuTV開台僅5周年,但作為ViuTV的吉祥物,「生bear」形象非常百變,曾有過多個化身,包括初出現時ViuTV員工的身份,以及ERROR節目入面的「生Bear神」、不祥物「ViuTV Buddy」等。

生bear
「生bear」有好多不同造型。(圖片來源:魯庭暉IG)
生bear
著普通T恤的「生bear」通常身份都係ViuTV員工。(圖片來源:ViuTV影片截圖)
生bear
ViuTV吉祥物Sound Bear早前曾變成「生Bear神」現身《ERROR自肥企画》。(圖片來源:ViuTV影片截圖)
生bear
只戴住「生bear」頭套、擁有bear頭人身的物體,是不祥物「ViuTV Buddy」。(圖片來源:ViuTV影片截圖)

即睇「生Bear」身世之謎:

讀者留言