嘉盈

「熊仔頭」嘉盈谷盡拍片控訴上圍太勁好煩惱 令「小薯茄」兒童台變成人台

正妹

廣告

「熊仔頭」嘉盈向來以驕人身形為賣點,雖然高度只有154cm,但逼爆上圍令她深受巴打歡迎成為網紅,還不時公開派福利,分享性感靚相。日前嘉盈現身「小薯茄」YouTube頻道,谷到盡拍片狂呻豐滿的煩惱,內容熱血沸騰,畫面衝擊視覺,被指搞到「小薯茄」由兒童台變成人台。

嘉盈化身Double May吸like

日前YouTube Channel「小薯茄」上載了一條以「【Double May】大波妹唔易做(非曬命)」為題的短片,唔夠三日觀看次數已達17萬,有超過7萬人派likes,而這條片的主角竟是熊仔頭頻道「FHProductionHK」幕前成員之一嘉盈BB(王嘉盈),24歲的嘉盈向來非常清楚自己核心價值所在,不時派福利,今次更化身「Double May」,將一向被網民戲稱兒童台的「小薯茄」推到變成人台。

小薯茄 嘉盈 重filter鏡頭下嘉盈更顯白滑,一出場已經係超幼貼身杏色吊帶上陣。
重filter鏡頭下嘉盈更顯白滑,一出場已經係超幼貼身杏色吊帶上陣。(圖片來源:小薯茄影片截圖)
小薯茄 嘉盈 先嚟個close up表示「大波妹」真係好多規限又唔方便喎!
先嚟個close up表示「大波妹」真係好多規限又唔方便喎!(圖片來源:小薯茄影片截圖)

親身上陣有乜唔方便

嘉盈拍這條片要為Double May平反,Double May取其國語諧音就係「大波妹」的意思,傳說有位台灣女生向心儀的男生示愛,男生回覆一句「Why Double May」,女生後來才知道自己被拒絕了,因為「Why Double May」其實是國語「我愛大波妹」的諧音,男生拒絕女生之餘更暗指女生冇身材。嘉盈在片中大講Double May的煩惱,坦言:「唔係你想像中咁好,我憑良心講……真係好麻煩……真係有苦自己知,無論衣、食、住,行都會因為心口呢兩嚿肉搞到好唔方便。」嘉盈親身上陣示範,例如著衫冇乜選擇、容易走光、身材激凸著衫唔靚、食嘢又會跌落條罅度等等……

鏡頭震盪又震撼

嘉盈講到七情上面,仲示範被迫孭「𠝹波袋」、追巴士同大到擺上枱被異性狂望覺得不被尊重,她坦言心理上亦會承受壓力:「邊有人鍾意係咁俾人望住?我都會怕醜㗎嘛。」畫面真係夠晒立體同震撼!條片咁精彩當然引起網民群起熱議,不少人指「小薯茄」突變成人台、終於掌握到流量密碼等等。

睇更多嘉盈IG相

攝影師被質疑高炒自肥

嘉盈大晒驕人身形,有一幕攝影師更高炒她的事業線,網民睇到嘩嘩聲,大讚此片在「大薯茄」是高質的一集:「小薯茄自肥,攝影師極肥,個top shot!」、「小薯茄冇幕前拍到呢條片,所以要搵外援」。最後嘉盈作出總結,直言上圍勁有著數,不過亦有煩惱,她說:「但我依然為我嘅身材感到自豪,各位偉大嘅姊妹們,我哋唔係淫底、唔係波大無腦,我哋係大波妹」。

嘉盈 嘉盈好波網民都好清楚,所以今次條片重點仲落喺「一粒字粗口都無」,平日連環爆粗的嘉盈今次好內歛!
嘉盈好波網民都好清楚,所以今次條片重點仲落喺「一粒字粗口都無」,平日連環爆粗的嘉盈今次好內歛!(圖片來源:小薯茄@ig)

去片!睇嘉盈以Double May身份訴苦

最後一次性感?

其實早前嘉盈曾登上一本男士雜誌的版面,影咗輯moody內衣相,她接受訪問時透露,因為有次拍廣告,對方好著重佢要顯露身形,令她在現場感到好唔舒服,自此她將衣櫃內的性感衣服掉晒,仲改變衣著喜好,所以她說那次訪問應該是「最後一次如此性感」,看來嘉盈都幾健忘吓!

小薯茄 嘉盈 嘉盈不時床上派福利,超濃大眼妝配五吋長乳溝,噴血度爆燈!
嘉盈不時在床上派福利,超濃大眼妝配五吋事業心,噴血度爆燈!(圖片來源:[email protected]
小薯茄 嘉盈 遊船河bikini照是常識吧!
遊船河bikini照是常識吧!(圖片來源:[email protected]
小薯茄 嘉盈 家居story睡衣look晒巨燈。
家居story睡衣look晒巨燈。(圖片來源:[email protected]

撰文:東方新地圖片來源:[email protected]、小薯茄影片截圖

讀者留言