一蘭

【有片】內地驚現假「一蘭」 網民狂插:真係抄到十足十

大家都知道內地成日咩都「抄考」一餐,食肆要抄、家品店要抄,依家連紅到去香港嘅日本「一蘭」拉麵都要抄,內地有間叫做「蘭池」嘅拉麵店,同原版最少有九成相似,真係搞唔掂。

原文:環球膠報|圖片:SUPER LIGHTS TUBEYouTube

內地驚現假「一蘭」 網民狂插:真係抄到十足十

有日本人早前去到內地試試呢間「蘭池」,發現佢同日本一蘭真係似到足,無論係成間舖嘅裝修、員工服飾、麵碗,甚至係最有特色嘅「自閉位」,都幾乎同一蘭一模一樣!

蘭池嘅拉麵就有4款口味,包括豚骨、墨王、翠王、炎王。拉麵出到嚟,食材擺位,甚至成碗麵嘅顏色,都同一蘭嘅拉麵似到十足十,話佢冇抄人哋都冇人信啦。

睇返蘭池拉麵官方網頁,公司概要完全冇提到呢間拉麵同日本嘅一蘭拉麵有冇關係,不過抄到咁,仲要唔係同一蘭有關係,講到尾咪又係抄。

唔少網民紛紛留言,覺得強國不嬲都抄開人哋啲嘢,唔抄先奇怪,仲食花生話一陣判日本侵權返轉頭就GG:

有網民話蘭池平咁多,好過食一蘭:

日本網民仲拍咗條片講蘭池同一蘭有幾相似,其實又真係幾相似,不過試唔試就閣下決定啦!

同場加映:「乳野郎」拉麵店驚現秋葉原

話說最近東京秋葉原出現一間極有話題性的拉麵店,一間本來叫「豚野郎」的拉麵店最近竟然改名為「乳野郎」,店門外一幅巨乳女郎的巨型插畫非常吸睛!原來近日「豚野郎」與遊戲《PEACH BALL 閃乱カグラ》(閃亂神樂)合作,舉行以巨乳為主題的期間限定活動,肯定有大量男士爭相去潮聖!

乳野郎
巨乳女郎的巨型插畫非常吸睛~
乳野郎
入夜後更搶眼~

爆乳女師傅為你服務

日本人做事出名認真,是次活動當然唔會只係改個名換個招牌咁兒戲,更會請來一班巨乳女郎在店內客串!佢哋件工作服同一般拉麵師傅真係好唔同……

做乜俾人剪爛晒件衫呀陰功?

乳野郎
孖辮妹啱唔啱大家心水?
咁樣叫人點專心食麵…
小編認為佢煮麵好有功架!(好似係)

食埋「乳野郎拉麵」就perfect啦

就連食碗麵都有性暗示!今次活動仲推出限定版「乳野郎拉麵」,其實即係「燒牛肉雙蛋黃拉麵」,唔少網民試過都話好好食!唔知關唔關賣相事呢?不過提提大家,呢項活動只於8月3日至8月19日進行,地址為「東京都千代田区外神田3-2-11」,要去就快啦!

關鍵詞
內地