何超蓮

女神在民間!網民捕獲冒險樂園「何超蓮」

是咁的,話說近日有網民去冒險樂園玩,竟然遇到個激似何超蓮的女職員,似賭王至索千金何超蓮喎!搞到大量網民紛紛都問係邊間分店啦,仲問幾多張飛可以換走女神!吹到咁勁,到底有幾正先?

撰文:東方新地|圖片:Instagram、網上圖片

網民捕獲冒險樂園何超蓮

雖然話冒險樂園係俾小朋友去,不過其實都唔少充滿童真的情侶或者師奶鍾意去冒險樂園消磨時間,又有得玩又有得拎嘛~近日有網民竟然仲喺其中一間分店見到何超蓮?

何超蓮

相中見到呢位女職員眉清目秀,一頭烏黑長髮,放空發呆的樣子非常吸睛,呢個側面仲好似賭王至索千金何超蓮!難怪網民們都紛紛留言讚好~

何超蓮

何超蓮

何超蓮

不過都有網民欣賞另一位女職員多啲!

同場加映:

何超蓮久違三點式再現

何超蓮貴為何家最索千金,有錢有靚樣有身材,一舉一動都備受關注,尤其是網民都勁期待佢會喺網上派福利照!日前超蓮喺IG為護膚品牌LaMer宣傳新產品,以及宣揚保護海洋的訊息,久違的三點式再現人前,相中見到超蓮側身輕撥秀髮,雪白玉背表露無遺,睇唔到正面都一樣超索!難怪留言的明星及網民們都大讚佢係女神,仲話流晒鼻血~

何超蓮開麵店 做人肉廣告牌

無花無假,何家最靚千金何超蓮日前由屋企出發上保母車,打算過澳門,首先返最近投資開設嘅牛肉麵店巡視業務,喺銅鑼灣鬧市左穿右插,再上保母車去第二站嘅上環信德中心,由專人接落車、行VIP通道、上到直升機,都係一個電話加銀包,全身嘅重點裝束係上身嘅自家麵店員工Tee,睇得出超蓮幾咁事業心重,為自己創業嘅麵店全天候為麵店宣傳,自己做埋人肉廣告牌點都好過花多多錢廣告費,超蓮印證畀大家知何謂有樣有身材兼而有智慧!

何超蓮

無論考會計師牌、入主家族生意、澳洲開酒店定讀碩士進修,何家千金超蓮樣樣都專心又瞓身,最新個人企劃開牛肉麵店,又係日日落鋪頭幫手、去到邊都著住件鋪頭tee做人肉廣告牌。真正富貴係超蓮呢種,出轉門淨係帶手機同銀包,使乜用H字頭包包去證明身價!

何超蓮

何超蓮

27歲超蓮青春無敵,麵店Tee加條牛仔熱褲,一對又白又長大腿勁吸睛!超蓮坐保母車都揀坐喺司機位旁,毫無架子!

何超蓮

千金專車駛到上環信德中心,貴為賭王女,自然有專人守候接待行VIP通道去搭直升機。

何超蓮

早前超蓮出席活動時,也是穿上自家麵店嘅黑色員工tee,佢解釋剛從麵店打點一下趕來活動,之後又要再返店,為自家麵店瞓晒身!

何超蓮

一件頭 一樣索

事業心重的何超蓮,都冇忘記班好姊妹,上月超蓮27歲生日,在淺水灣包了一家露天酒吧開泳衣party,相中見到超蓮同幾位姊妹都著上同款泳衣,雖然就係一件頭,不過都輕露事業線,盡騷線條,索呀!水著派對靚相中,仲見到一大班靚女迫喺大木桶中,非常熱鬧!

何超蓮

同陽光玩遊戲

何超蓮樣靚身材正,雖然貴為名門之後,不過佢就毫不吝嗇美好身材,之前去同陽光玩遊戲,都有靚靚泳衣照睇~

去年五月出「股」惑

去年何超蓮同幾位姊妹到泰國布吉旅行,激罕地上載身穿黑色三點式泳衣的靚相,世界級美股極吸睛!不久後超蓮的同行好友上載眾人享受陽光與海灘的索爆泳裝照,自拍照中可見超蓮甜笑望住鏡頭,黑色比堅尼將其豐滿上圍表露無遺,酥胸半露,皮膚白滑,真係噴晒鼻血!

驚艷全場

何超蓮每次展示性感一面,勢必成為全場、甚至全個網絡的焦點,當年佢呢套大Deep V晚裝堪稱經典!

關鍵詞
何超蓮